სტრესის უარყოფითი გავლენა ორგანიზმზე კარგადაა ცნობილი. რაც უფრო დიდხანს არის ადამიანი სტრესულ მდგომარეობაში, მით უფრო მეტი საფრთხე ემუქრება მის ჯანმრთელობას.
გთავაზობთ, რამდენიმე ხერხს, რომლებიც სტრესული მდგომარეობიდან სწრაფად გამოსვლაში დაგეხმარებათ.
1. მოადუნეთ სხეული. სტრესულ სიტუაციაში ორგანიზმის ყველა კუნთი დაძაბულია და ეს კიდევ უფრო ამძიმებს მდგომარეობას. მაშ ასე, როგორც კი შეატყობთ, რომ ღიზიანდებით და სიტუაცია რთულდება, საკუთარი თავის გაკონტროლებას შეეცადეთ.
2. ჩაისუნთქეთ, მთელი ძალით დაჭიმეთ ხელებისა და ფეხების კუნთები, ამოსუნთქვისას კი მკვეთრად მოადუნეთ მთელი სხეული. ამ ვარჯიშის სამჯერ გამეორება სავსებით საკმარისი იქნება.
3. ისუნთქეთ ღრმად და ძალიან ნელა. ამ ძალიან მარტივი მეთოდით იოლად შეძლებთ თავის ხელში აყვანას. მთავარია, ყურადღება მთლიანად სუნთქვაზე გადაიტანოთ და ასე ერთი წუთის განმავლობაში მაინც ისუნთქოთ.
4. დალიეთ თბილი ტკბილი სითხე. ერთ ჭიქა წყალში გახსენით ერთი სუფრის კოვზი შაქარი ან თაფლი და ერთი სულის მოთქმით დალიეთ.
5. განმარტოვდით აბაზანაში. ხელები ცივ წყალს შეუშვირეთ. სველი ხელები გადაისვით შუბლზე, შემდეგ ჩამოისვით ლოყებზე.
6. 30 წამის განმავლობაში ძლიერად, მაგრამ ფრთხილად დაიზილეთ მხრები და კისერი. პროცედურა გრილი შხაპით დაასრულეთ, თუ ამის საშუალება არ არის, უბრალოდ სახეზე შეისხით გრილი წყალი.
7. დაიზილეთ თითები. რიგრიგობით ძლიერად დააწექით ორივე ხელის თითების ფალანგებს. ეს პროცედურა სწრაფად დაგამშვიდებთ, რაც მთავარია, ყურადღებას უსიამოვნო ამბიდან თითებზე გადაიტანთ.
8. მიდით სარკესთან და ყურადღებით დააკვირდით საკუთარ გამოსახულებას. ეს პროცესი თქვენს სწრაფ დამშვიდებას შეუწყობს ხელს.
pomada.ge
8 იდეალური რჩევა, როგორ დაძლიოთ დეპრესია წამლისა და ექიმის გარეშე
⏱️ 1 წთ.
👁️ 8 932
100%