ქუჩაში გაცნობა: ორიგინალურია თუ ბანალური?

ერთმა ჩემმა მეგობარმა მკითხა, რას ვფიქრობდი ქუჩაში გაცნობაზე ... ნამდვილად საინტერესო თემაა, სწორედ ამიტომ გადავწყვიტე გაგიზიაროთ ჩემი აზრი ამ საკითხზე.

ჩემი აზრით, ეს ორიგინალურია. ამის რამდენიმე მიზეზი არსებობს:

1. ბიჭს არ ეშინია მივიდეს გოგოსთან და დაუწყოს საუბარი პირველმა. ეს მიუთითებს მის თავდაჯერებულობაზე, გამბედაობასა და მიზანდასახულობაზე.

2. ის ხვდება, რომ უარის მიღების ალბათობა დიდია, თუმცა ეს მას სულაც არ აჩერებს. ესეიგი მას არ აშინებს სირთულეები.

3. ასეთი შემთხვევების 90% გვიქმნის პოზიტიურ განწყობას. რა თქმა უნდა, სასიამოვნოა, როცა შენ მიმართ ინტერესს იჩენენ.



4. ასეთი გაცნობა თავიდანვე გაძლევს საშუალებას დააკვირდე ადამიანს რეალურ ცხოვრებაში (გაიგო მისი ხმა, შეაფასო მისი გარეგნობა, ქცევის მანერები), ეს თავიდან აგარიდებთ იმედგაცრუებას, რასაც ვერ ვიტყვით სოციალურ ქსელში გაცნობილებზე. გაიცნობ, წახვალ პაემანზე და... მიხვდები, რომ ცდებოდი (მხედველობაში არ მაქვს მხოლოდ გარეგნობა).



5. ასეთი გაცნობა ნიშნავს, რომ ნამდვილად მოეწონე ბიჭს. ტყუილად ხომ არ შეეცდებოდა იმ გოგოს გაცნობას, რომელიც არ მოსწონს?

დღესდღეობით ერთმანეთს ძირითადად სოციალურ ქსელებში იცნობენ, ამიტომ ქუჩაში გაცნობა ბევრ გოგოს არასწორად მიაჩნია. თვლიან, რომ ასე მხოლოდ ,,ბაბნიკები“ იქცევიან.

მე ვთვლი, რომ ,,ბაბნიკის“ გაცნობის შანსი არანაკლებია სოციალურ ქსელშიც. თუმცა ეს უკანასკნელი უკვე თქვენი გადასაწყვეტია : ))



თაკო ცილიკიშვილი

წყარო: www.Lady.Mcvane.Ge

მასალის გამოყენების პირობები: აუცილებელია წყაროს მითითება!!!