1. ფიქრების ძალა
* სიყვარული იწყება ფიქრით.
* ჩვენ ვიქცევით იმად, რაზეც ვფიქრობთ. სრულყოფილი ფიქრის სიყვარული წარმოშობს ცხოვრების და ურთიერთობების სრულყოფილ სიყვარულს.
2. პატივისცემის ძალა
* იმისთვის რომ ვინმე შეიყვაროთ, ჯერ მისი პატივისცემა ისწავლეთ.
* პირველ რიგში, საჭიროა, საკუთარ თავს სცემდეთ პატივს.
3. გაცემის ძალა
* თუკი გსურთ, მიიღოთ სიყვარული, უნდა გასცეთ იგი! რამდენად დიდ სიყვარულსაც გასცემთ, მით მეტს მიიღებთ.
* სიყვარული გულისხმობს საკუთარი ნაწილის გაცემას, საზღაურის და დათქმის გარეშე. ასე უბრალოდ გამოავლინეთ სიკეთე პრაქტიკაში.
* სიყვარულის საიდუმლო ფორმულა იმაშია, რომ ყოველთვის დაუთმოთ ყურადღება არა იმას, რისი მიღებაც შეგიძლიათ, არამედ იმას, რასაც გასცემთ.
4. მეგობრობის ძალა
* იმისთვის, რომ ნამდვილი სიყვარული იპოვოთ, ჯერ საჭიროა, იპოვოთ ნამდვილი მეგობარი.
* სიყვარული ნიშნავს არა ერთმანეთის ყურებას, არამედ სამყაროსკენ ყურებას ერთად, ერთი მიმართულებით.
5. შეხების ძალა
* შეხება სიყვარულის ერთ-ერთი ძლიერი გამოვლინებაა, რომელიც არღვევს ბარიერებს და განამტკიცებს ორმხრივ ურთიერთობებს.
* შეხებები ცვლის ფიზიკურ და ემოციურ მდგომარეობას და ადამიანს სიყვარულში უფრო მგრძნობიარეს ხდის.
* შეხებას შეუძლია დაგვეხმაროს სხეულის განკურნებასა და გულის გათბობაში. როცა ეხუტები, იხუტებ გულში.
6. ძალა პრინციპისა „მიეცი თავისუფლება“
* თუკი ვინმე გიყვართ, მიეცით მას თავისუფლება. თუკი დაგიბრუნდებათ, ე.ი. თქვენია, ხოლო თუ არა – არც არასდროს ყოფილა თქვენი.
* ჭეშმარიტ სასიყვარულო ურთიერთობებშიც კი, ადამიანს სჭირდება საკუთარი სივრცე.
* თუკი სიყვარულის სწავლა გინდა, ჯერ უნდა ისწავლო პატიება და განთავისუფლება წარსული უკმაყოფილების, მწუხარების, შიშის, ცრურწმენებისა და დათქმებისგან.
7. ურთიერთობის ძალა
* როცა ვსწავლობთ ღიად და სუფთად ურთიერთობას, ცხოვრება იცვლება.
* ვინმეს სიყვარული მასთან ურთიერთობას წარმოადგენს.
* გააგებინეთ ადამიანებს, რომ გიყვართ და აფასებთ.
* არასდროს შეგეშინდეთ, თქვათ სამი მაგიური სიტყვა: „მე შენ მიყვარხარ“.
* არასდროს გაუშვათ კომპლიმენტის თქმის შესაძლებლობა.
* ყოველთვის დაუტოვეთ სასიყვარულო სიტყვები საყვარელ ადამიანს – იქნებ, მას უკანასკნელად ხედავთ.
8. ერთგულების ძალა
* იმისათვის, რომ სიყვარული იყოს ნამდვილი, უნდა იყოთ მისი ერთგული, რაც აისახება ფიქრებსა და მოქმედებებზე.
* ერთგულება და ნდობა მოწმობს სიყვარულს.
* იმისათვის, რომ სასიყვარულო ურთიერთობა გქონდეს, უნდა იყო ერთგული ამ ურთიერთობის.
* ერთგულება განასხვავებს ძლიერ და მყიფე ურთიერთობებს.
9. გრძნობების გამოხატვის ძალა
* გრძნობა ინახავს სიყვარულის ცეცხლს და არ აძლევს მას განელების საშუალებას. სიყვარულის ინტენსიური გრძნობა ხასიათდება ღრმა ერთგულებით, ენთუზიაზმით, ინტერესით და სასიამოვნო მღელვარებით.
* გრძნობის გაღვივება შეიძლება წარსული სიტუაციის განახლებით, როცა გრძნობა ენთო.
* სპონტანურობა და სიურპრიზები საპასუხო გრძნობებს შობენ.
10. ნდობის ძალა
* ნდობა სასიყვარულო ურთიერთობებში სასიცოცხლოდ მნიშვნელოვანია. მის გარეშე ერთი ადამიანი ხდება ეჭვიანი, აღშფოთებული და საშიში, მეორე კი თავს ემოციურ ხაფანგში გრძნობს, რადგან ეჩვენება, რომ თავისუფლად სუნთქვის საშუალებას არ აძლევენ.
* შეუძლებელია, ნამდვილად გიყვარდეს ვინმე, თუკი მას ბოლომდე არ ენდობი.
* იმის გადასაწყვეტად, შეგეფერებათ თუ არა ადამიანი, ერთ-ერთი მეთოდია, ჰკითხოთ საკუთარ თავს: „ვენდობი თუ არა მას ბოლომდე, ყოველგვარი წინაპირობის გარეშე?“
თეა თაბაგარი
წყარო: 4motivi.com
×