უცნაური არსებაა ადამიანი... ჯერ არის და სიყვარულით დაფრინავს, კოშკებს აგებს, ათას სისულელეს აკეთებს. მერე მიზანს აღწევს, ოჯახდება და ბედნიერად ცხოვრებისთვის ემზადება, რამდენიმე წლის შემდეგ კი ღამეებს მობეზრებული მეუღლისგან გაქცევის გენიალური გეგმაზე ფიქრში ათენებს...
***
ორი წერილი და ჩვეულებრივი ისტორიის უჩვეულო დასასრული
შინ დაბრუნებულ ცოლს მაგიდაზე ქმრის წერილი ხვდება. ცოტა ხნის ფიქრის შემდეგ ცოლიც საპასუხო წერილს წერს.
ქმარი:
ძვირფასო მეუღლევ...
მინდა, გაცნობო, რომ სამუდამოდ გშორდები. ამ შვიდი წლის განმავლობაში ძალიან კარგი ქმარი ვიყავი, მაგრამ ბოლო ორი კვირა ჯოჯოხეთად მექცა. დღეს შენმა უფროსმა დამირეკა და მითხრა, რომ სამსახურიდან წამოხვედი. გასულ კვირას სახლში მოსულმა ვერც კი შეამჩნიე, რომ ახალი ვარცხნილობა მქონდა და შენი საყვარელი კერძი რომ მოვამზადე, არც ახალი შორტებისთვის მიგიქცევია ყურადღება. სწრაფად ივახშმე, მერე შენს საყვარელ სერიალს უყურე და დაიძინე. აღარ მეუბნები, რომ გიყვარვარ, აღარ გვაქვს სექსი, აღარ ვაკეთებთ არაფერს, რაც ერთმანეთთან გვაკავშირებდა. მოკლედ, მინდა სამუდამოდ გავქრე. არ მომძებნო, გთხოვ!
შენი ქმარი.
P.S. შენს დასთან ერთად დასავლეთ ვირჯინიაში მივემგზავრები და იქ დიდხანს და ბედნიერად ვიცხოვრებთ.
ცოლი:
ჩემო ძვირფასო ყოფილო მეუღლევ...
ვერაფერს შეეძლო ჩემთვის დღეს ასეთი შვების მოგვრა, როგორც ამ წერილს. ჩვენ მართლა შვიდი წელი ვიცხოვრეთ ერთად, მაგრამ იმის თქმა, რომ კარგი მეუღლე იყავი, აშკარად გადაჭარბებულია. არ ინერვიულო, შევამჩნიე შენი ახალი ვარცხნილობა, მაგრამ მასში გოგოს ჰგავდი და კომენტარისგან თავი შევიკავე ამიტომ. რაც შეეხება ჩემს საყვარელ კერძს, აშკარად ჩემს დაში შეგეშალე, რადგან მე უკვე 7 წელი არ ვჭამ ღორის ხორცს. ახალ შორტებთან დაკავშირებითაც გავჩუმდი, რადგან მასზე ფასი შევამჩნიე - 49.99 ევრო - ზუსტად ის თანხაა, რომელიც ჩემმა დამ ისესხა ჩემგან წინა დღით. ყველაფრის შემდეგ მაინც ვფიქრობდი, რომ პრობლემიდან გამოსავალს ერთად ვიპოვიდით. ლატარეაში 10 მილიონი ევრო მოვიგე, სამსახურიც მივატოვე ამიტომ და ჩვენთვის იამაიკაზე წასასვლელი ორი ბილეთი ვიყიდე, მაგრამ... როდესაც მაღაზიიდან სახლში დავბრუნდი, შენ უკვე აღარ დამხვდი.
მაშინვე ვიფიქრე, რომ ყველაფერს თავისი ახსნა აქვს...
იმედია, ახლა ბრწყინვალე ცხოვრება გექნება, ისეთი, როგორზეც ოცნებობდი. ჩემმა იურისტმა მითხრა, რომ ამ წერილის წყალობით შენ ერთ ცენტსაც ვეღარ მიიღებ ჩემგან. ასე რომ, იმედია, საკუთარ თავზე ზრუნვას მოახერხებ.
შენი მდიდარი და თავისუფალი ყოფილი ცოლი.
P.S. არ მითქვამს, რომ ჩემი და, კარლა, დაიბადა, როგორც კარლი. იმედია, ეს შენთვის პრობლემა არ იქნება...
***
P.S. „განა ყველა ქალი ქალია“
წყარო: sazogadoeba.ge
მოღალატე ქმარი და ჩვეულებრივი ისტორიის უჩვეულო დასასრული - „განა ყველა ქალი ქალია“
⏱️ 1 წთ.
👁️ 13 041
100%