1. ღვთისმშობლის სახლი ეფესში - ქრისტიანების სალოცავი ადგილი
აქ გადმოედინება სასწაულმოქმედი წყალი, რომლითაც არაერთი მორწმუნე განიკურნა. წყაროს სიახლოვეს კედელია აღმართული, სადაც ყოველწლიურად ათობით ათასი მორწმუნე მიდის და ღვთისმშობელს სურვილების ასრულებას შესთხოვს. გადმოცემის თანახმად, სწორედ აქ გაატარა სიცოცხლის უკანასკნელი წლები წმინდა ქალწულმა მარიამმა.
2. ლეოპოლდის შადრევანი ინსბრუკში
იმისათვის, რომ სურვილი აგისრულდეს, ქალაქის ცენტრში მდგარ ბრინჯაოს პოსეიდონს ფეხი უნდა გაუწმინდო, მხოლოდ ისე, რომ ფეხი არ აგისხლტეს და აუზში არ გადავარდე.
3. ბლარნის ციხესიმაგრე ირლანდიაში
მის კედლებში ჩაყოლებილია შოტლანდიური წმინდა რელიქვია. იმ შემთხვევაში, თუ წმინდა ქვას აკოცებ, მჭევრმეტყველების უნარი მოგეცემა.
4. რევოლუციის მოედანი მოსკოვში
ამბობენ, რომ თუ გამოცდების წარმატებით ჩაბარება გინდა, ბრინჯაოს ძაღლის ქანდაკებას ცხვირი უნდა გაუწმინდო. თუ სწავლას გულს ვერ უდებ, მაშინ ძაღლს ფეხზე უნდა შეეხო.
5. იან ნეპომუცკის სკულპტურა კარლოსის ხიდზე
იმისათვის, რომ სურვილი აგიხდეს, ერთი ხელით სკულპტურას უნდა შეეხო, მეორეთი ძაღლის ქანდაკებას ხიდის რელიეფზე, ან ხელი ხუთვარსკვლავიან ჯვარს უნდა შეახო, რომელიც მარმარილოს დაფაზეა ამოკვეთილი და სურვილი უნდა ჩაიფიქრო.
6. ნულოვანი მერიდიანი ლონდონში
თუ გრენვიჩში მოხვდები, ნულოვანი მერიდიანის ხაზზე ისე უნდა დადგე, რომ ერთი ფეხი დასავლეთ ნახევარსფეროზე გედგას, მეორე კი აღმოსავლეთზე. თუ ამ მდგომარეობაში სურვილს ჩაიფიქრებ, აუცილებლად აგიხდება.
7. როდოსის შვიდი წყარო
ტურისტებისთვის ერთ-ერთი ყველაზე საყვარელი ადგილია. აბობენ, რომ ცოდვებისგან განსაწმენდად ფეხშიშველმა უნდა გაიარო ბნელი გვირაბი, რომელშიც ყინულივით ცივი ნაკადულები გადის.
8. ტრევის შადრევანი რომში
იმისათვის, რომ რომში ისევ დაბრუნდე, შადრევნის აუზში მონეტა უნდა ისროლო. თუ იტალიელის გაცნობა გინდა, აუზში 2 მონეტის ჩაგდება მოგიწევს, თუ იტალიაში გათხოვება- 3 მონეტას უნდა შეელიო.
9. გოდების კედელი იერუსალიმში
ის იუდეველებისთვის ყველაზე წმინდა ადგილია, რომელსაც ყოველწლიურად მილიონობით ტურისტი სტუმრობს. ისინი ქვებს შორის წერილებს დებენ და უფალს ჯანმრთელობასა და კეთილდღეობას შესთხოვენ.
10. ოქროს კარიბჭე
არკის ფორმის ვულკანური წარმონაქმნი შავი ზღვის სანაპიროზე ყირიმში. ადრე მას შეიტან-კაპუს (ეშმაკის კარიბჭე) უწოდებდნენ. ამჟამად ოქროს კარიბჭისადმი დამოკიდებულება შეიცვალა. მას, ვინც პატარა კატერით ბუნებრივ არკაში გაივლის, ყველაზე აუხდენელი ოცნებაც კი აუსრულდება. ოქროს კარიბჭის ფსკერი მთლიანად მონეტებით არის მოფენილი.
sazogadoeba.ge