მიწისქვეშა სტრუქტურა კლდის ტუფის პლატოშია გამოკვეთილი – ნალექიან მხარეში, რომელიც ვულკანური აქტივობის შედეგია – სადაც ქალაქი მდებარეობს. ის მხოლოდ ყველაზე ადრეული დონეების ფენებზე იყო ხილული.
„ზედა სექციის შიგნით, რომელიც მე–20 საუკუნეში გადაკეთდა და ღვინის საწყობად გამოიყენებოდა, ჩვენ შევამჩნიეთ უძველესი კიბეები, რომლებიც კედელზე იყო გამოკვეთილი. ცხადი იყო, რომ ის ეტრუსკული კონსტრუქცია იყო,“ განაცხადა Discovery News–თან წმინდა ანსელმის კლასიკის დეპარტამენტიდან დევიდ ჯორჯმა.
გათხრებისას ჯორჯმა და გათხრების თანახელმძღვანელმა კლაუდიო ბიზარიმ აღნიშნა, რომ გამოქვაბულის კედლებს სამკუთხედის ფორმა ჰქონდათ მიცემული პირამიდების მსგავსად. სავარაუდოდ, ეტრუსკული კონსტრუქციის გვირაბების შიგნით უფრო ღრმა აღმოუჩენ სტრუქტურებს წააწყდებიან.
მე–20 და შუა საუკუნეების ფენების გათხრების შემდგომ არქეოლოგებმა აღმოაჩინეს მრავალი არტეფაქტები, როგორიცაა ძვ.წ.ა. მე–5 საუკუნის ანტიკური წითელ ფიგურებიანი თიხის ჭურჭლები, ძვ.წ.ა. მე–5 და მე–6 საუკუნის ეტრუსკული თხის ჭურჭლები წარწერებით და სხვა მრავალი ნივთი, რომელიც ძვ.წ.ა. 1000 წელს ითვლის.
ნივთები ყველაზე ღრმა ფენებიდან (არქეოლოგები სადღაც 10 ფუტამდე სიღრმეში ჩავიდნენ) თარიღდება დაახლოებით ძვ.წ.ა. მე–5 საუკუნის შუა პერიოდით.
„ამ ფენებში ჩვენ ვიპოვეთ გვირაბი, რომელსაც ასევე პირამიდისებური სტრუქტურა აქვს და თარიღდება ძვ.წ.ა. მე–5 საუკუნემდე. ის უამრავ კითხვებს ბადებს,“ განაცხადა ჯორჯმა.
მართლაც დიდი ხანია რაც ეტრუსკები ანტიკური სამყაროს ყველაზე დიდ გამოცანად ითვლებიან.
მხიარულების მოყვარული და ეკლეკტიკოსი ხალხი მათ შორის არიან ვინც ასწავლეს ფრანგებს ღვინის დაყენება, რომაელებს გზების მშენებლობა და ევროპელებს გააცნეს წერის ხელოვნება. ეტრუსკები ცხოვრობდნენ ეტრუსკიის მხარეს ( ტერიტორია ცენტრალურ იტალიაში) დაახლოებით ძვ.წ.ა 900 წელს. ისინი დომინირებდნენ ამ მიდამოებში ხუთ საუკუნეზე მეტ ხანს. ძვ.წ.ა. 300–100 წლისთვის ის რომის იმპერიამ შთანთქა.
მათი გაურკვეველი, არაინდოევროპული ენა გადაშენდა და მათ არ შემორჩა რაიმე ლიტერატურული დოკუმენტი, რომელიც რაიმეს გვეტყოდა მათ საზოგადოებაზე. უმეტესობა იმისა, რაც ჩვენ მათზე ვიცით მოდის ძირითადად მათი სამარხებიდან: რომელიც მდიდრული დეკორაციებითაა გაფორმებული და აქვთ მინიშნებები მათი ისტორიის აღსადგენად.
მიწისქვეშა პირამიდები ორვიეტოში იძლევა უნიკალურ საშუალებას ჩავიხედოთ ამ ცივილიზაციაში, რადგან მათი სტრუქტურა უნიკალური აღმოჩნდა.
„ამ გამოქვაბულებს მართლაც უნიკალური ფორმები აქვთ, რომლის მსგავსი ეტრუსკიის სხვა მხარეში არ მოიძებნება,“ განაცხადა Discovery News–თან ნიუ ორკის პროფესორმა და უძველესი ეტრუსკების წამყვანმა ექსპერტმა ლარისა ბონფანტემ.
ბიზარის თქმით ქალაქის ქვეშ სულ ცოტა ხუთ ეტრუსკული პირამიდაა. სამი მათგანი უკვე გათხარეს.
„ცხადია, რომ ისინი არ გამოიყენებოდა შესანახად ან ცისტერნებად. ვიტყოდი, რომ ამ სტრუქტურების მსგავსზე ჩანაწერები არსად მოიპოვება იტალიაში,“ განაცხადა ბიზარიმ.
ჯორჯის განცხადებით მიწისქვეშა პირამიდები შესაძლოა ყოფილიყო რელიგიური შენობები ან სამარხები. ორივე შემთხვევაში ამ აღმოჩენას პრეცედენტი არ აქვს.
„პასუხი მიწის სიღრმეში ინახება. პრობლემა ისაა, რომ არ ვიცით რამდენად ღრმად უნდა გავთხაროთ პასუხის საპოვნელად,“ განაცხადა ბიზარმა.
წყარო: news.discovery.com