ამ პოსტში გვინდა წარმოგიდგინოთ ფინელი ილუსტრატორის ინგე ლუკის (Inge Löök) არაჩვეულებრივი ილუსტრაციები, რომლებიც აუცილებლად დადებითი ემოციებით აგავსებთ.
ინგეს ნამდვილი სახელი ინგებორგ ლივონენია. მრავალი წლის განმავლობაში პროფესიონალი მებაღე იყო. ხატვა მოგვიანებით დაიწყო და ძალიან მალე გახდა პოპულარული ნახატებით, რომლებზეც მხიარული მოხუცების თავგადასავლებია ასახული.
ინგე 1951 წეკს ჰელსინკიში დაიბადა. ბავშვობა შვიდსართულიანი სახლის ბინაში გაატარა, სადაც მის მეზობლად ორი მოხუცი ქალბატონი – ალი და ფიფიც ცხოვრობდა. მოგვიანებით სწორედ ეს ორი მოხუცი გახდა მისი შთაგონების წყარო.
“ჩემი ნახატების პერსონაჟები ალისა და ფიფის გვანან – მათსავით მხიარულები არიან”, – ამბობს მხატვარი. “ვფიქრობ, ცხოვრებას ყოველთვის ოპტიმიზმით უნდა შეხედო. ჩემი ილუსტრაციებიც ბედნიერებითაა სავსე”.
ილუსტრატორის კარიერის დაწყებამდე ინგე პროფესიონალი მებაღე იყო. დღეისათვის იგი 300-ზე მეტი მისალოცი ბარათისა და რამდენიმე საბავშვო წიგნის ილუსტრატორია. თავის ნამუშევრებს ინგე ჰელსინკის აღმოსავლეთით მდებარე პატარა სოფელში, პერნაში ქმნის, სადაც ბოლო რამდენიმე წელიწადია, ცხოვრობს.
დაათვალიერეთ ინგე ლუკის მხიარული მოხუცების კოლექცია ჩვენს გალერეაში:
friday.ge
|
|
|
|
|
|
|
|
|
|
|
|
