ბუნებრივი დაბერების პროცესი მინიმალურად არის განპირობებული გარე ფაქტორებით და მნიშვენლოვნად – გენეტიკური ფონით და ორგანიზმში მიმდინარე ჰორმონალური ცვლილებებით. ფოტოდაბერება კი საპირისპიროდ, გარე ფაქტორებზეა დამოკიდებული, მისი უმთავრესი გამომწვევი კი მზის სხივების გადამეტებული ზემოქმედება კანზე და ეპიდერმისის განახლების პროცესის დარღვევაა. მავნე ფაქტორების ზემოქმედების გამო, ამ შემთხვევაში ულტრაიისფერ სხივებზე გვაქვს საუბარი, კანის ტონუსი მცირდება, ის გამომშრალი, მოდუნებული ხდება, ჩნდება პიგმენტური ლაქები და ნაოჭები. დავაზუსტებ, რომ აქ საუბარი გვაქვს ყოველგვარი დამცავი საშუალებების გამოყენების გარეშე მზის სხივების მავნე ზემოქმედებაზე და მზეზე გადამეტებულად დიდ ხანს ყოფნაზე. შესაბამის დამცავ პროდუქტებს თუ გამოვიყენებთ და მზესაც ზომიერად მივეფიცხებით, ეს სასარგებლოცაა ორგანიზმისთვის იმუნიტეტის გასაძლიერებლად და D ვიტამინის და სეროტონინის სინთეზისთვის.
ექიმების თქმით, ადამიანის კანს ულტრაიისფერი სხივების მავნე ზემოქმედებისგან უმთავრესად მელანინი იცავს. რაც უფრო მეტ პიგმენტს გამოიმუშავებს ჩვენი კანი, მით უფრო მაღალია დაცვაც. შესაბამისად, რაც უფრო ღია ფერისაა კანი, მით უფრო მაღალია ფოტოდაბერების ნაადრევად განვითარების რისკი.
ულტრაიისფერი სხივების მავნე ზემოქმედებისადმი განსაკუთრებულად სენსიტიურები არია ქალები ჰორმონალური ცვლილებების დროს – ორსულობა, მენოპაუზა, ჰორმონალური დარღვევები. ეს ყველაფერი ესტროგენის და პროგესტერონის ჰორმონების ბალანსის დარღვევით არის გამოწვეული, რაც კანის ულტრაიისფერი სხივებისადმი მგრძნობელობას ამატებს და შედეგად ხდება ჭარბი პიგმენტაცია.
როგორ უნდა დავიცვათ თავი ამ ყველაფრისგან? გამოსავალ მუდმივი დაცვაა: წლის ნებისმიერ მონაკვეთში, ზაფხულსა თუ ზამთარში, ყოველდღიურად მზისგან დაცავი ფილტრის შემცველი დღის სპეციალური საცხის გამოყენება. ამას გარდა, გამოცდილი კოსმეტოლოგი პერიოდულად ჩასატარებელ პროცედურებსაც გირჩევთ, რომლებიც ფოტოდაბერების პროცესს შედარებით შეანელებენ.
blog.bakurianiwater.ge