საახალწლო საჩუქრების ტრადიცია სხვადასხვა ქვეყნებში

ახალი წლის დადგომა მთელ მსოფლიოს ერთნაირად უხარია, თუმცა დღესასწაულის აღნიშვნის და საჩუქრების შერჩევის ტრადიცია ყველას განსხვავებული აქვს.

















საჩუქრების შერჩევის საკითხში ავსტრიელები მეტად პრაქტიკულები არიან, ამიტომ ახლობლებს ყოველთვის ტანსაცმელს ან ინტერიერის ნივთებს ჩუქნიან. კოლეგებისა და ნაცნობებისთვის კი, ძვირფასს ვერაფერს იმეტებენ, რადგან როგორც თვითონ თვლიან უსრგებლო სუვენირების ჩუქებას აზრი არ აქვს.



ბრიტანელებისთვის საჩუქრების შერჩევა ნაკლებად ემოციური საქმინობაა. სუვენირები, სანთლები, სასიამოვნო სამშვენისები და ღია ბარათები – სულ ესაა, რისი მიღების იმედიც შეიძლება ჰქონდეთ ბრიტანელებს დღესასწაულებზე. მსაგავსი ტრადიცია არა სიძუნწით, არამედ საკუთარი შემოსავლების ნაკლებად აფიშირების სურვილით აიხსნება. ბრიტანელების აზრით საჩუქრების ფასები ბევრს ძალიან უხერხულ მდგომარეობაში აგდებს.





დეკემბრის შემოსავლის ნახევარზე მეტს ამერიკელები ახლობლებისთვის სადღესასწაულო სიურპრიზების გაკეთებაში ხარჯავენ. საუკეთესო საჩუქრებად ამერიკელებისთვის ალკოჰოლი, სიგარეტი და ინტერიერის ძვირფასი ნივთები ითვლება. საინტერესოა, რომ ამერიკელები საჩუქართან ერთად ჩეკსაც ჩუქნიან, რათა ახალმა მფლობელმა პრობლემების გარეშე შეძლოს მისი მაღაზიაში გაცვლა ან ჩაბარება.





უნგრელები საკმაოდ კარჩაკეტილი ხალხია, ამოტომ დღესასწაულებსაც ძირითადად ოჯახურ წრეში აღნიშნავენ, საჩუქრებს კი, მხოლოდ ყველაზე ახლობლებს ჩუქნიან. უნგრელებს განსაკუთრებით უყვართ წიგნების, საკუთარი ხელით მოქსოვილი შარფების ან ნაძვის ხის სათამასოების ჩუქება.





თავისი საჩუქრებით ბერძნებს ნებისმიერი უცხოელის გაკვირვება შეუძლიათ – საუკეთესო საახალწლო საჩუქრად აქ ქვა ითვლება წარწერით, ”დაე, მომავალ წელს თქვენი ფული ასეთივე მძიმე იყოს”, თუმცა, ეს სულაც არ ნიშნავს, რომ სტუმრად მისვლა ქვებით გავსებული ჯიბეებით შეიძლება. წვეულებაზე ბერძნები, როგორც წესი, მცირე ზომის სტატუეტებს და ნახევრადძვირფას ქვებს ჩუქნიან.



თავქარიანი და ფრივოლური იტალიელები როგორც წესი ქალბატონებს თეთრეულის კომპლექტებს, მსუბუქ შარფებს, პარეოსა და სამკაულებს ჩუქნიან, მამაკაცებს კი – მსუბუქი ღვინის ბოთლით ახარებენ, რომელიც აუცილებლად სადღესასწაულო სუფრაზე უნდა დაილიოს.



ექტრავაგანტ ფრანგებს ყველას გაკვირვება უყვართ, ახალი წელი კი, მათთვის მოულოდნელი სიურპრიზის გაკეთების საუკეთესო მიზეზია. გიგანტური ღია ბარათები, ადამიანის ზომის რბილი სათამაშოები, თაიგულები, ფეიერვერკები და აბონიმენტები სხვადასხვა გასართობ ღონისძიებებზე საფრანგეთში საუკეთესო საჩუქრებად ითვლება.





ჩინელებს სჯერათ, რომ ადამიანი მხოლოდ დუეტშია ბედნიერი, ამიტომ საჩუქრებსაც წყვილად ჩუქნიან. სტატუეტები, ლარნაკები, ჭიქები – რაც არ უნდა გაჩუქონ ჩინეთში, ყველაფერი ორ ეგზემპლარად იქნება.





იაპონური საჩუქარი ბევრს შესაძლოა მოსაწყენად მოეჩვენოს. დღესასწაულზე აქ როგორც წესი ე.წ. ”სასარგებლო ნივთების” ნაკრებს ჩუქნიან, რომელშიც ძირითადად საპონი, სანთლები, პატარა ორცხობილებები და პურის შედის. ”სასარგებლო საჩუქრად” ითვლება იაფფასიანი კოსმეტიკა და როგორი უცნაურიც არ უნდა იყოს, საყოფაცხოვრებო ქიმია.



გერმანელების აზრით საუკეთესო საახალწლო საჩუქარი წიგნია, ამიტომ უზარმაზარი რიგებიც სწორედ წიგნის მაღაზიებშია. ბავშვებისთვის გერმანელები დასურათებულ ზღაპრებს ირჩევენ, უფროსებისთვის კი – კლასიკურ მხატვრულ ლიტერატურას ან ენციკლოპედიას.

fortuna.ge