ამბობენ, “როგორც შეხვდები ახალ წელს, ზუსტად ისე გაატარებ მთელ წელსო” და მართალიცაა, რადგან ახალი წელი ახალი დაბადება, ერთი მდგომარეობიდან მეორეში გადასვლა და ყველაფრის განახლებაა. ახალ წელთან ერთად ჩვენს ცხოვრებაში ახალი ენერგია შემოდის, ამიტომ საჭიროა მომზადება, რათა ეს ენერგია მხოლოდ წარმატებისკენ მივმართოთ.
ახალ წლამდე 12 დღით ადრე
ძველი წლის გაცნობიერებულად გაცილება უკვე 20 დეკემბერს უნდა დაიწყოთ და 12 დღეში მაქსიმალურად განთავისუფლდეთ ყველაფერ ზედმეტისგან. თუ თქვენ ამ წელიწადში უსარგებლო კავშირები, არასასიამოვნო ურთიერთობები, კავშირები და ვალები დაგიგროვდათ, აუცილებლად განთავისუფლდით მათგან და წერტილი დაუსვით უკვე წარმავალი წლის ენერგიას.
წინასაახალწლო შვიდი დღე ძველი კარმასთვის ვალების დაბრუნებისთვის გამოიყენეთ და ახალ წელიწადში სუფთა ენერგიით შეაბიჯეთ, რადგან წარსულის “გასუფთავებით” ჩვენ ბევრ ოჯახურ, პირად და საქმიან ურთიერთობებს ვაგვარებთ, ვთავისუფლდებით ძველი ვალდებულებებისგან და ვემზადებით ახალი მიზნებისა და სურვილების განსახორციელებლად.
25 დეკემბერი
დროა დარჩეთ საკუთარ თავთან მარტო. მშვიდ ატმოსფეროში გაიხსენეთ გასული წელი, გაანალიზეთ რა გააკეთეთ სწორად და რა არ გამოგივიდათ. გააცნობიერეთ საკუთარი ოცნებები, ნამდვილი სურვილები და დაგეგმეთ მომავალი წელი.
26 დეკემბერი
ჯანმრთელობისა და აქტიური ცხოვრების წესის დღეა, ამიტომ ეცადეთ განთავისუფლდეთ მავნე ჩვევეისგან (ყველასგან თუ არა, ზოგიერთისგან მაინც) და ორგანიზმის გასამაგრებლად გაისეირნეთ სუფთა ჰაერზე, მერე კი, დაალაგეთ სახლი და თავიდან მოიცილეთ ყველა უსარგებლო ნივთი.
27 დეკემბერი
თუ მხიარული განწყობა გაქვთ, მაშინ მაქსიმალურად გამოიყენეთ ეს დღე. შეხვდით მეგობრებს, გაერთეთ ბავშვებთან და სიყვარულში გამოუტყდით საყვარელ ადამიანებს.
28 დეკემბერი
დაუთმეთ დრო მშობლებს, საღამოს კი, საშინაო საქმეებს მიხედეთ. თუ საჭიროა, პატიება თხოვეთ ახლობლებს და საყვარელ ადამიანებს.
29 დეკემბერი
ეს დღე ყველაზე მეტად მამაკაცებთან ურთიერთობების მოწესრიგებისთვის გამოდგება. ითხოვეთ პატიება და თვითონაც აპატიეთ ყველაფერი.
30 დეკემბერი
კარგი დღეა დიდი ხნის ნანატრი საყიდლების გასაკეთებლად. გარდა ამისა, დროა გაარკვიოთ საყვარელი საქმით ხართ დაკავებული თუ ღირს საკუთარი ძალების სხვა სფეროში მოსიჯჯვა.
31 დეკემბერი
პოზიტიური ცვლილებების და ოპტიმისტური გეგმების დღეა. აუცილებლად დაუთმეთ დრო ყველაზე ახლობელ და საყვარელ ადამიანებთან ურთიერთობას.
ახალი წლის ღამე
საათის ყოველ ჩამოკვრაზე თავიდან ჩაიფიქრეთ სურვილი, 12-ჯერ გამეორების შემდეგ კი, წარმოსახვაში მოუყარეთ თავი მოლოდინის, წინასწარ ტკბობის და სიხარულის ენერგიას და ყველაფერი ერთად გადაიტანეთ შამპანურის ბოკალში, მოსვით რამდენიმე ყლუპი ისე, რომ სურვილების ფურცელი მარცხენა ხელში გეჭიროთ.
ახალი წლის პირველი 12 დღე
წლის პირველი 12 დღე გავლენას ახდეს შემდგომ თორმეტ თვეზე, ამიტომ აუცილებელია საჭირო განწყობის შენარჩუნება და ყოველ დღე თითო – ყველაზე მნიშვნელოვანი ასპექტის გადამუშავება.
1 იანვარი
დაუთმეთ დღე ოჯახის წევრებთან ურთიერთობას და კიდევ ერთხელ კარგად განსაზღვრეთ სამომავლო გეგმები. ნუ დაგენანებათ სითბო მათთვის, ვინც გიყვართ, რადგან ეს ყველაზე ძლიერი ენერგიაა.
2 იანვარი
მოიკითხეთ ისინი, ვისთვისაც ჯერ არ მიგილოციათ ახალი წელი. შესაძლოა არიან ისეთები, ვისთანაც ადრე საკმაოდ ახლო ურთიერთობა გქონდათ, თუმცა დიდი ხანია არ გინახიათ, აუცილებლად მოიკითხეთ და დარწმუნებული იყავით, რომ ძალიან გაახარებთ თქვენი გამოჩენით.
3 იანვარი
ცოტა ხნით დაივიწყეთ მატერიალური სამყარო, ჩართეთ მშვიდი მუსიკა და დაისვენეთ. გაუკეთეთ საკუთარ თავს საჩუქარი, თუმცა ეს, არა უბრალოდ მატერიალური ნივთი უნდა იყოს, რომელიც ფიზიკურ სიამოვნებას მოგანიჭებთ, არამედ ის, რაც თქვენს შინაგან “მე”-ს ესიამოვნება.
4 იანვარი
გადადგით პირველი ნაბიჯი თქვენი მთავარი მიზნის განსახორციელებისკენ, რადგან თამამ სურვილებს მოქმედებაც აქტიური უყვარს და არა აბსტრაქტული გეგმები. ასე რომ, კიდევ ერთხელ განაწყვეთ საკუთარი თავი რეალური რეზულტატისთვის.
5 იანვარი
კარგი დღეა საკუთარი თავისთვის ფულის დასახარჯად. ესტუმრეთ სილამაზის ან სპა-სალონს, რათა ახალ წელიწადში მორალურად და ფიზიკურად “განახლებულმა” შეაბიჯოთ.
6 იანვარი
დროა შეიმუშავოთ სტრატეგიული გეგმა. მნიშვნელობა არ აქვს რის გაკეთებას აპირებთ წლის მანძილზე (იქნება ეს ბიზნესი, შემოქმედება თუ რომელიმე სხვა სფერო), მთავარია, სწორად ჩამოაყალიბოთ ყველაფერი და გეგმა აუცილებლად განიხილოთ თქვენს ახლობლებთან.
7 იანვარი
დაუთმეთ მთელი დღე ოჯახის წევრებს. გაიხსენეთ მშობლები და გაუკეთეთ საჩუქრი იმ შემთხვევაშიც კი, თუ საახალწლოდ უკვე მოასწარით მათი გახარება. შეგიძლიათ მიხედოთ საშინაო საქმეებსაც თუმცა, აუცილებლად მხიარულად და განსაკუთრებული ენთუზიაზმით.
8 იანვარი
ბავშვების და შემოქმედების დღეა. იგრძენით თავი ბავშვად და გადაეშვით თამაშის, ახალი შთაბეჭდილებების და სიურპრიზების სამყაროში. ბავშვებთან ერთად დახატეთ, გააკათეთ აპლიკაციები ან შექმენით მორიგი კულინარიული შედევრი. თუ ბავშვები არ გყავთ, მაშინ მეგობრების ბავშვებთან გაერთეთ, მიუტანეთ მათ საინტერესო საჩუქრები და კარგი განწყობა.
9 იანვარი
კარგი დღეა დიეტის დასაწყებად და მავნე ჩვევებისგან გასანთავისუფლებლად.
10 იანვარი
საუკეთესო მომენტია პარტნიორთან, მეგობრებთან და ნათესავებთან ურთიერთობის მოსაწესრიგებლად. შეიძინეთ საჩუქრები და ნუ დაინანებთ მათთვის ღიმილს და კარგ განწყობას. გაანალიზეთ ნაკლებად სასიამოვნო ურთიერთობები და ჩამოაყალიბეთ ვარიანტები სიტუაციის შესაცვლელად.
11 იანვარი
მკაფიოდ განსაზღვრეთ საკუთარი თავისთვის, რა უნდა დატოვოთ წარსულში და განთავისუფლდით უარყოფითი ენერგიისგან. დაწერეთ ფურცელზე ყველაფერი, რაც თქვენთვის “მძიმე ტვირთია”, დაწვით და ჰაერში გაფანტეთ, არ დაგავიწყდეთ, რომ ერთგვარი რიტუალი გამდინარე წყალთან უნდა შეასრულოთ, რადგან წყალი ის სტიქიაა, რომელიც თან წაიღებს ყველა ნეგატივს თქვენი ცხოვრებიდან.
12 იანვარი
შეარჩიეთ თილისმა, რომელიც მუდმივად შეგახსენებთ თქვენს გეგმებსა და სურვილებს. შეიძინეთი ისეთი რამ, რაც ზუსტად შეეფერება თქვენს შეგრძნებებს და შინაგან განწყობას, ძველით ახალი წლის ღამეს კი, სურვილების ფურცელთან ერთად დადეთ ბალიშის ქვეშ და მიეცით საკუთარ თავს უფლება დაიჯეროს საოცრების!
fortuna.ge