ელიზაბეტ უილკინსონი
შეიძლება ქალი-მოკრივეები მანამდეც არსებობდნენ, მაგრამ სწორედ ელიზაბეტ უილკინსონ სტოკსი, ფსევდონიმით “კოკნი-ჩემპიონი” შევიდა ისტორიაში, როგორც პირველი მდედრობითი სქესის მოკრივე. ასევე ის ითვლება მუშტებით ჩხუბის პირველ დარეგისტრირებულ ჩემპიონად , რადგან 1772 წელს ლონდონში გამართულ ორთაბრძოლაში ოფიციალურად დაამარცხა მარტა ჯონსი.
“პეგი, ჩალურჯების ოსტატი”
მე-18 საუკუნეში ქალ-მოკრივეებს “ნამდვილ ალქაჯებად” მოიხსენებდნენ, რომლებიც დაუნდობლად იბრძოდნენ ბოლომდე. ქალების ჩხუბის ერთ-ერთი თვითმხილველი წერდა, რომ “მოწინააღმდეგეების სახეები მთლიანად სისხლით იყო დაფარული, ტანსაცმელი კი ნაფლეთებად ქცეული”. მარგარეტ მალოი, რომელმაც მეტსახელი პეგი ჩალურჯების ოსტატი მიიღო, 1768 წლის ორთაბრძოლის შემდეგ გახდა ცნობილი. გადმოცემის თანახმად, მან სიკვდილამდე სცემა თავისი მოწინააღმდეგე, ჯილდოდ კი ახალი კაბა მიიღო.
ნელი სანდერსი და როუზ გარლანდი
1876 წელს ნიუ-იორკში, სათამაშო ცენტრის Harry Hill მმართველმა, პროფესორმა ჯეიმს კემპბელმა გადაწყვიტა, ხალხის მიზიდვის მიზნით ჩაეტარებინა ქალთა ორთაბრძოლა . პრიზად იმ დროისთვის საკმაოდ შთამბეჭდავი თანხა $200 და ვერცხლის მედალი დააწესა. ჩხუბში მონაწილეებად ვარიეტეს ორი მოცეკვავე მიიწვია-ირლანდიელი და ინგლისელი. New York Times ამის შესახებ წერდა: “როცა ორთაბრძოლა დაიწყო, ორივე ქალი მაშინვე შეტევაზე გადავიდა. მაყურებელთა ყვირილის ფონზე, ჩხუბში სანდერსმა გაიმარჯვა. ამის შემდეგ ორივე ქალი სცენიდან ხელით გაიყვანეს”
ბესი და მინნი გორდონები
მე-19 საუკუნის ბოლოს ერთადერთი ადგილი, სადაც შეიძლებოდა ქალთა კრივის ნახვა, ვოდევილების სცენა იყო. 1901 წელს თომას ედისონმა გადაიღო ფილმი დების, ბესი და მინი გორდონების მონაწილეობით . გადმოცემის თანახმად, ისინი რეალურად მონაწილეობდნენ ჩხუბებში და მსოფლიოს ჩემპიონები იყვნენ ქალთა კრივში. ფილმში კი მხოლოდ თეატრალური , დადგმული ჩხუბია ასახული.
[media=https://www.youtube.com/watch?v=hGa5Hxa1yyo]
postalioni.com