ვარიანტი 1. - მუშტი ბოლომდე შეკრულია, ხოლო ცერა თითი საჩვენებელ თითთან ახლოს გიჭირავთ სწორად.
ასეთი ადამიანები მოკრძალებულები, ამასთან, ძალიან განათლებულები და შეიძლება ითქვას, გენიალურებიც კი არიან. ახლობლები მოარულ ენციკლოპედიებს ეძახიან.
ასეთ პერსონებს ყურადღების ერთ კონკრეტულ საგანზე კონცენტრირება უჭირთ, მუდმივად ისწრაფვიან, ისწავლონ მეტი, ახსნან აუხსნელი მოვლენები, გაკვალონ გაუვალი ბილიკები. მათ უყვართ სწავლა და აქვთ უნარი, ღრმად შეისწავლოს სამყარო.
ასეთი ადამიანები ენერგიულები არიან და შემოქმედებითი უნარებითაც გამოირჩევიან. ხშირად ხდებიან ყველანაირი იდეის გენერატორები.
თუმცა აქვთ მეორე მხარეც. მიუხედავად ასეთი ადამიანების საჯაროობისა, გახსნილობისა, სინამდვილეში ისინი საკუთარ თავში იკეტებიან და მხოლოდ რჩეულებისთვის შეუძლიათ ახადონ ფარდა პირად საიდუმლოს.
ვარიანტი 2. - ცერა თითი მუშტში იმალება.
ასეთ ადმიანებს საკუთარი თავის „აწყობა“ შეუძლიათ. ხანდახან ისინი ძალიან ჩაკეტილები, მოწყენილები ჩანან, რეალურად, ძალიან რბილები და მგრძნობიარენი არიან.
ისინი სწავლობენ მხოლოდ იმას, რაც მათი ცხოვრებისთვისაა აუცილებელი. მახვილი ინტუიცია აქვთ, მაგრამ ეს მეექვსე გრძნობა არაა, უფრო ტექნიკური სახის ინტუიციაა. მათი ტვინი მუდმივად რაღაცას თვლის, ხსნის, ადარებს, სწავლობს, ეძებს ამოცანების გადაჭრის საუკეთესო გზებს. ამ ტიპის ადამიანებს ყოველთვის ეჩვენებათ, რომ არასათანადოდ აფასებენ.
ასეთი პერსონების მეორე მხარე ისაა, რომ ადვილად ცდებიან ადამიანებში, ამიტომ სჯობს ნაჩქარევად არავინ შეაფასონ, სჯობს ეს სხვა დროს გააკეთონ, ან საერთოდ თქვან უარი ამგვარ ქმედებაზე.
ვარიანტი 3. - ცერა თითი ოთხივე თითზეა გადადებული ჰორიზონტალურად.
ეს ინიშნავს იმას, რომ თქვენ პრაქტიკული, სერიოზული რეალისტი ხართ და მყარად დგახართ ფეხზე.
ასეთი ადამიანები ეკონომიურები არიან, მაგრამ ეს არ ნიშნავს, რომ სარგებელს სხვა ადამიანების ხარჯზე ეძებენ. ისინი ერთგულები, საიმედოები არიან, შემოქმედებითი გონებით ხასიათდებიან, რომელსაც აუცილებლად მოუძებნიან ცხოვრებაში გამოყენებას. ასეთმა პიროვნებებმა კარგად იციან, რა უნდათ ცხოვრებისგან.
მეორე მხარე: ხშირად საკუთარი მიღწევებით ზომაზე მეტად გატაცებულები არიან. ხანდახან დედამიწაზე უნდა დაეშვათ, რომ რეალობაც შეიცნოთ. იმისთვის რომ ყველაფერი სწორად შეაფასო, ამ რეალობაში უნდა იცხოვრო.
ვარიანტი 4. - ცერა თითი საჩვენებელი თითის მეორე ფალანგაზეა.
ასეთი ტიპის პერსონები სკრუპულიოზური, დაკვირვებული ადამიანები არიან. შეუძლიათ ყველაფერი ნულიდან დაიწყონ და საბოლოოდ სასახლე აიშენონ. ბიუჯეტის შეგროვებაც თითო თეთრით შეუძლიათ. ფულისა ხარჯვის დროსაც ძალიან ზომიერები არიან და რესურსებსაც საკმაოდ გონივრულად ანაწილებენ. მათი დევიზია: წყნარად ივლი - შორს წახვალ. არ უყვართ საკუთარი თავის ქება და პრიორიტეტს წყნარ, მშვიდ გარემოს ანიჭებენ.
მეორე მხარე: არ უნდა ჩაიკეტოთ, აუცილებლია, სხვა ადამიანებთან გქონდეთ ურთიერთობა იმისთვის, რომ ყველა შესაძლებლობა გახსნათ. არ უნდა გეშინოდეთ ურთიერთობის, რადგან თქვენი სიფრთხილე, რომელიც დაბადებიდან გაქვთ, არ მოგცემთ რისკზე ტყუილად წასვლის საშუალებას. გზის ბოლოს შეგიძლიათ შამპანურიც კი მიირთვათ, მთავარია იარსებოს ადამიანმა, ვინც ამ დროს კომპანიონობას გაგიწევთ.
www. sazogadoeba.ge