1. ისინი ინაწილებენ საოჯახო საქმეებს.
2. გულში შენახვის ნაცვლად, პრობლემებზე ხმამაღლა საუბრობენ.
3. აფასებენ ერთმანეთს, თმობენ, თუ საჭიროა, მიდიან კომპრომისზე.
4. არ ივიწყებენ პირად ინტერესებსა და ჰობს.
5. არ ივიწყებენ ახლობელ ადამიანებს.
და კიდევ...
6. ეხებიან ერთმანეთს.
შეხების მოთხოვნილება, ბავშვობიდან გვაქვს: ხელის ჩაკიდება, ჩახუტება. სექსუალური ქვეტექსტის გარეშეც კი- ეს ყველაფერი, ზრდასრულებისთვისაც მნიშვნელოვანია. ბედნიერი წყვილები დადიან ხელჩაკიდებულები, უსწორებენ ერთმანეთს თმას, ეხუტებიან ერთმანეთს-ეს მათ აახლოვებთ.
7. რეგულარულად კავდებიან სექსით.
ისინი ხომ მხოლოდ მეგობრები კი არა-შეყვარებულებიც არიან. სექსი ხომ- მხოლოდ ფიზიკური აქტი არ არის. ეს მნიშვნელოვან გავლენას ახდენს წყვილების სიახლოვეზე.
8. ზრუნავენ საკუთარ გარეგნობასა და ჯანმრთელობაზე.
ეს არ ნიშნავს, რომ ყოველწუთს გამოპრანჭული უნდა იყოთ, არამედ უჩვენოთ, რომ მის გამო ფორმაში ყოფნას ცდილობთ.
9. ხშირად ერთად აკეთებენ რაიმე ახალს.
ახალი გამოცდილებები აღვივებს ცხოვრების მიმართ ინტერესსა და ხალისს. ეს დადებითი შთაბეჭდილებები, შემდეგ, ერთმანეთთან ასოცირდება. ამასთან, საინტერესო, საერთო მოგონებებს იქმნით.
10. დადიან პაემნებზე.
ისეთ ,,ნამდვილ“ პაემნებზე, რომლებზეც შესაძლებელია საუბარი და სულიერი სიახლოვე, და, არა მხოლოდ, ფილმების სახლში ყურება და სექსი.
11. ისინი აფასებენ ერთმანეთს და ამას ხმამაღლა ამბობენ.
ეს შეიძლება იყოს უბრალო კომპლიმენტი ან ყავა საწოლში. ეს პატარა სასიამოვნო ჟესტებია, რომლებიც გამოხატავს მადლიერებას, რომ ის ადამიანი თქვენს გვერდითაა.
12. ისინი უსმენენ ერთმანეთს.
იმის ნაცვლად, რომ გადაიტანონ ყურადღება ტელევიზორზე, კომპიუტერსა ან ტელეფონზე, თვალებში უყურებენ ერთმანეთს და ცდილობენ იმაზე მეტის გაგებას, რასაც მოსაუბრე ეუბნებათ.
13. მათ აქვთ კამათის წესები.
ყველა წყვილი კამათობს, მათ შორის ყველაზე ბედნიერებიც, მაგრამ მათ აქვთ თავის წესები. მაგალითად: ერთმანეთს დაშორებით არ ემუქრებიან, არ იხსენებენ ძველ წყენას, არ იყენებენ ცუდ სიტყვებს, არ უწევენ ხმას და სხვ.
14. ფოკუსირდებიან კარგზე.
არ ეძებენ ცუდს ერთმანეთში, ახსოვთ თუ რატომ აირჩიეს ერთად ყოფნა. ისინი ყოველდღე ერთმანეთის სიყვარულს ირჩევენ. ეს მათი გაცნობიერებული გადაწყვეტილებაა. მათ უნდათ, რომ ურთიერთობა აეწყოს და მუშაობენ ამაზე.
თაკო ცილიკიშვილი
წყარო: www.Lady.Mcvane.Ge
მასალის გამოყენების პირობები: აუცილებელია წყაროს მითითება!!!