წინაპართა მრავალსაუკუნოვან გამოცდილებაზე დაყრდნობით გაგაცნობთ იმ მინიშნებებს, რომლებსაც აუცილებლად უნდა მიექცეს ყურადღება, რათა გარკვეული სირთულეები თავიდან ავიცილოთ.
ჩვენს წინაპრებს სჯეროდათ, რომ აღდგომის წინა კვირაში მომხდარი საოცრებები - ეს ზენაარის მიერ მიცემული მინიშნებები იყო, რომელთა იგნორირება არაფრით არ შეიძლებოდა.
არადა, საოცრებები ვნების კვირაში ხშირად ხდებოდა. მათზე დაკვირვებით ძველმა ხალხმა გარკვეული დასკვნები გამოიტანა და ახსნა-განმარტება მოუძებნა ამა თუ იმ მოვლენას.
სწორედ ამ მრავალსაუკუნოვან გამოცდილებაზე დაყრდნობით გაგაცნობთ ვნების შვიდეულის იმ მინიშნებებს, რომლებსაც, ხალხური რწმენით, აუცილებლად უნდა მიექცეს ყურადღება, რათა გარკვეული სირთულეები თავიდან ავიცილოთ.
დიდი ორშაბათი:
* თუ მზიანი ამინდი იქნება, ესე იგი, იმ წელს კარგი მოსავალი მოვა;
* თუ წყვილი დაქორწინდება - დიდხანს და ბედნიერად იცხოვრებენ;
* თუ ნაკურთხ წყალს ისხურებთ - მთელი წელი ავად არ გახდებით.
თუ დიდ სამშაბათს იწვიმებს, ის წელი ცივი და მოუსავლიანი იქნება.
დიდი ოთხშაბათი:
* თუ სახლის კარებსა და ფანჯრებს დარეცხავთ და დაწმინდავთ, იცოდეთ, რომ უწმინდური ძალა თქვენს საცხოვრებელში ვეღარ შემოაღწევს;
* თუ სახლიდან მთელ ნაგავს და უსუფთაობას არ გაიტანთ, ოჯახში მთელი წელი ჩხუბი და უთანხმოება იქნება.
დიდი ხუთშაბათი:
* თუ მზის ამოსვლამდე იბანავებთ, მთელი წლით გაიწმინდებით ნეგატიური ენერგიისა და ავი ზრახვებისგან;
* თუ შინ მძიმე ავადმყოფი ჰყავს ვინმეს, ეკლესიიდან მიტანილი სანთელი უნდა დაანთოს ავადმყოფის სასთუმალთან და იქვე დაწვას. შემდეგ კი ნამწვი სადმე მიწაში დაფლას;
* თუ ავეჯს ადგილს შეუცვლით და ფულს გადაითვლით, მთელი წელი კეთილდღეობა და შემოსავალი არ დაილევა თქვენს ოჯახში;
* თუ გასათხოვარი ქალი თმას მოიჭრის და აღდგომის დადგომამდე ბალიშქვეშ შეინახავს, იმ წელს აუცილებლად ეწევა ბედს.
წითელი პარასკევი:
* თუ გინდათ, უსიამოვნება დიდი ხნით აიცილოთ თავიდან, დილით აუცილებლად წაიკითხეთ „მამაო ჩვენო“;
* თუ გინდათ, თქვენი პატარა ჯანმრთელი და ძლიერი გაიზარდოს, უმჯობესია, სწორედ ამ დღეს დაანებებინოთ ძუძუსთვის თავი;
* თუ ამ დღეს პირველს მამაკაცს დაინახავთ, მალე დიდი წარმატება გეწვევათ;
* თუ ამ დღეს ტანს დაიბანთ, მთელ ჯანმრთელობას წყალს გაატანთ.
დიდი შაბათი:
* ვინც ამ მძიმე დღეს ცეკვა-თამაშსა და მხიარულებაში გაატარებს, მთელი წელი იტირებს;
* ვინც ამ დღეს ფულს ისესხებს ან გაასესხებს, კეთილდღეობა, სიმდიდრე და ჯანმრთელობა ხელიდან წაუვა.
კვირა - აღდგომა:
* რომელი ცოლ-ქმარიც გულით ჩაეხუტება ერთმანეთს, მთელი ცხოვრება სიტკბოსა და სიყვარულში იცხოვრებს;
* თუ სააღდგომო ზარების რეკვისას სურვილს ჩაიფიქრებთ, აღდგომიდან 33 დღის შემდეგ აგიხდებათ;
* ვინც სააღდგომო სუფრიდან საჭმელს გადაყრის, მთელი წელი უკუღმა წაუვა. ამიტომ დარჩენილი საჭმელი ან უპოვრებს უნდა გაუნაწილოს და ან მიწაში დაფლას სადმე.
www.sputnik-georgia.com
ხალხური რწმენა და ვნების კვირის მინიშნებები: თუ იღბლიანი წელი გსურთ
⏱️ 1 წთ.
👁️ 637
100%