კოკო შანელი ლეგენდარული ფრანგი დიზაინერია, რომელმაც გარდამტეხი ცვლილებები შეიტანა მოდის ინდუსტრიაში.
სწორედ მან ჩააცვა ქალს პირველად შარვალი.
კოკო შანელი წლებია თაობების იდეალად რჩება და ის ხაზი რომელიც მან შექმნა, აქტუალობას არასოდეს კარგავს, მოდიდან არასოდეს გადადის.
კოკო შანელმა გარდა იმისა, რომ გადატრიალება მოახდინა მოდის ინდუსტრიაში, არაერთი გამონათქვამიც დაგვიტოვა, რომლებიც ქალბატონებს ასწავლის იმას, თუ როგორია მოდური ქალი და როგორ მიაღწიონ სრულყოფილებას.
გთავაზობთ შანელის რამდენიმე გამონათქვამს:
1.თქვენი სახე ოცი წლის ასაკში ბუნებამ მოგანიჭათ, თუ როგორს გახდით მას 50 წლისას, თქვენზეა დამოკიდებული.
2. სად გამოვიყენოთ სუნამო? - სად გსურთ რომ გეამბორონ?
3. თუ რომელიმე ქალბატონმა სილამაზით მოგხიბლათ, მაგრამ ვერ იხსენებთ როგორ ეცვა, ესე იგი, ის იდეალურად იყო შემოსილი.
4. თუ უფრთოდ დაიბადე, ხელს ნუ შეუშლი მათ გაზრდას.
5. არაფერი აბერებს ისე, როგორც ძალიან ძვირფასი სამოსი.
6. სიბერე არ გიცავს სიყვარულისგან, სიყვარული კი გიცავს სიბერისგან.
7. ხელებს ნუ ჩამოუშვებთ, ყველაფერი ხომ ჩვენ ხელთაა!
8. მას შემდეგ, რაც თავს შეიმკობთ აქსესუარებით, ყოველთვის მოიხსენით ის, რაც ბოლო გაიკეთეთ.
9. ინოვაცია! ვერ იქნები მუდამ ინოვაციური. მე მსურს, შევქმნა კლასიკა.
10. თუ მამაკაცი ცუდად საუბრობს ყველა ქალზე, ეს ნიშნავს, რომ მას მხოლოდ ერთმა ქალბატონმა ატკინა გული.
11. მსოფლიოში საუკეთესო ფერია ის, რომელიც შენ გიხდება.
12. თუ ქალმა იცის, რომ კაცები პატარა ბავშვებივით არიან, მაშინ მან იცის ყველაფერი.
13. მოძებნეთ ქალი კაბაში. თუ იქ არ არის ქალი, მაშინ არც ეს ყოფილა კაბა.
14. იმისათვის, რომ იყო ელეგანტური, სულაც არაა აუცილებელი, ახალი კაბა გეცვას.
15. ქალი უნდა იყოს ორი: ერთი, ვინც არის ის და მეორე, ვინც სურს, რომ იყოს.
წყარო: etanews.ge
როგორია ყველაზე მოდური ქალი და როგორ უნდა მიაღწიოთ სრულყოფილებას? - რჩევები კოკო შანელისგან
⏱️ 1 წთ.
👁️ 3 620
100%