როგორც იქნა, დადგა ნამდვილი გაზაფხული და, სიმწვანესთან ერთად, სეზონურმა ხილმაც სულზე მოგვისწრო.
ეს ის დროა, როცა ზღვის სეზონზე ფიქრს ვიწყებთ და ძალიან ხშირად, სასურველი ფიგურის დასაყენებლად, ისედაც ხანგრძლივი ზამთრისგან გამოფიტულ ორგანიზს კიდევ დიეტაზე ყოფნას ვაიძულებთ.
მაგრამ ნუ შეშინდებით - იმისთვის, რომ ორგანიზმი ჩვენს გაუთავებელ ახირებებს გაუმკლავდეს, ბუნება წელიწადის ამ დროს თითქმოს გამიზნულად გვაწვდის დაბალკაროლიულ და ამავდროულად ვიტამინებით გაჯერებულ საკვებს.
განსაკუთრებით აღსანიშნავია მწვანე ფერის ხილ-ბოსტნეული, რომელიც მარტო თვალს კი არა, გულსაც ახარებს და, რაც მთავარია, ახასიათებს, რაც იმას ნიშნავს, რომ მათ გადამუშავებაზე ჩვენი ორგანიზი იმაზე მეტ კალორიას ხარჯავს, ვიდრე მათ შემადგენლობაშია. თანაც, დარწმუნებული ვარ, ალუჩა, ტყემალი, მჟაუნა, მწვანე ხახვი და ა.შ. ყველა თქვენგანს უყვარს...
მჟაუნას ნორჩი ფოთლები განსაკუთრებით დიდი რაოდენობით ვიტამინ C-ს (დაახლოებით, იმდენივეს, რამდენსაც ლიმონი), ასევე რკინასაც შეიცავს - ამიტომ მჟაუნა კარგია დაბალი ჰემოგლობინის დროს. მჟაუნას ფოთლების ნახარშს (სუპშიც კი) აქვს ნაღველმდენი და ალერგიის საწინააღმდეგო თვისებები. მჟაუნას ფესვების ნახარში კი კარგია ეგზემურ ლაქებზე დასადებად. ქორფა მჟაუნას ფოთლების დაღეჭვა კი კბილის ტკივილის შესამცირებლად გამოიყენება.
რაც შეეხება, ალუჩისა და ტყემლის ნაყოფს, იგი წმენდს სისხლს, ებრძვის ყაბზობას და შაქრის დაბალი შემცველობის გამო საუკეთესო დიეტური პროდუქტია დიაბეტიკებისთვის. ტყემლის საწებელი კარგია ცხიმიანი საკვების მოსანელებლად.
გთავაზობთ მჟაუნას სუპის 3-დღიან დიეტას, სადაც ყველა ეს პროდუქტია გამოყენებული:
* გახეხილი სტაფილო და მწვანე ხახვის თავები მოვთუშოთ ზეთში.
* მოვხარშოთ ქვაბში მჟაუნა, მწვანე ხახვის ფოთლები, ბულგარული წიწაკა, ქინძი, კამა, ოხრახუში, ნიახურის ძირები, ახალი ნიორის ფოთლები.
* ჩავყაროთ ქვაბში მოთუშული ბოსტნეული და გამოვრთოთ.
ყოველდღე მივირთვათ 3 თეფში სუპი და დავამატოთ შემდეგი პროდუქტები:
პირველი დღე - 200 გრ მარწყვი და 200 გრ ალუჩა;
მეორე დღე - სუპში ჩავყაროთ 5-6 ახალი კარტოფილი და ცოტა ტყემალი. და ცალკე მივირთვათ სალათა კიტრით და მწვანილებით.
მესამე დღე - სუპში ჩავაჭრათ 2 მოხარშული კვერცხი. ცალკე მივირთვათ 200გრ ალუჩა და 2-3 კიტრი. გახსოვდეთ, რომ ალუჩა, ტყემალი და მჟაუნა აკრძალულია კუჭის წყლულოვანი დავადებისა და გასტრიტის დროს. ასევე საჭიროა მჟაუნისგან თავის შეკავება პოდაგრის დროს.
რაც არ უნდა გასაკვირი იყოს, ალუჩა გამოიყენება კოსმეტოლოგიაშიც - ის ატენიანებს, წმენდს და ათეთრებს კანს, ამისთვის საჭიროა:
* ალუჩის წვენი ბამბის დისკით წავისვათ სახეზე და დავიტოვოთ 20 წთ.
* თუ გაშრა, შეგვიძლია, კიდევ ვიმატოთ ზემოდან.
* ჩამოვიბანოთ ოთახის ტემპერატურის წყლით.
* მშრალ კანზე სასურველია ამ ნიღბამდე არაჟნის ნიღბის დადება.
funtime.ge
მჟაუნას სუპის სამდღიანი დიეტა
⏱️ 1 წთ.
👁️ 4 536
100%