გაგაცნობთ სპეციალისტთა რეკომენდაციებს პომადის შერჩევისა და გამოყენების შესახებ.
ტუჩის საცხი რამდენიმე სახისაა (დამატენიანებელი, მკვებავი, მედეგი - 8-12-საათიანი, სუპერმედეგი - 24-საათიანი, ჰიგიენური, პრიალა საცხი) და მათი გამოყენება ტუჩების მდგომარეობაზეა დამოკიდებული. მაგალითად, დამატენიანებელი არა მხოლოდ ღებავს ტუჩებს, არამედ არბილებს კიდეც. მის შემადგენლობაში შედის მცენარეული საღებავი პიგმენტები და ექსტრაქტები. დამატენიანებელი პომადის გამოყენება რეკომენდებულია გაზაფხულსა და ზაფხულში.
მკვებავი ტუჩის საცხი ელეგანტურობის სიმბოლოდ ითვლება, თვალების გამომეტყველებასა და მის სინორჩეს წარმოაჩენს. მკვებავი პომადის შემდაგენლობა გამდიდრებულია ცხიმებითა და ცვილით, რომლებიც ტუჩებს ზამთრის პერიოდში კარგად იცავს.
მედეგი ტუჩის საცხი ადვილად ესმება ტუჩებს და არ ტოვებს კვალს ტანსაცმელზე, ლოყებზე, ხელებსა და ჭიქაზე, მაგრამ მშრალი ტუჩებისთვის რეკომენდებული არ არის. ჰიგიენური ტუჩის საცხი ტუჩებს დასკდომისა და სიმშრალისაგან იცავს. მისი გამოყენება უმჯობესია შემოდგომა-ზამთრის პერიოდში (შეიძლება ზაფხულშიც). ყველა ჰიგიენური ტუჩის საცხი ვიტამინებს, მკვებავ ნივთიერებებს, დამატენიანებლებსა და ანტისეპტიკურ ნაერთებს შეიცავს. ზოგიერთის შემადგენლობაში შედის ულტრაიისფერი ფილტრი, რაც ტუჩების ნაზ კანს მზის სხივების მავნე ზემოქმედებისგან იცავს.
ტუჩის საცხი კარგია თუ:
. არ ჭიმავს ტუჩებს და დისკომფორტის გრძნობას არ იწვევს.
. ადვილად და თანაბრად ესმება.
. სასიამოვნო სუნი აქვს.
. ყურადღება მიაქციეთ პომადის გარეგნულ შესახედაობას - ზედაპირი გლუვი უნდა იყოს და წვეთები არ უნდა ჰქონდეს.
. პომადის ღერო მაგარი უნდა იყოს.
. მზის ზემოქმედების ქვეშ კარგი ტუჩის საცხი არ დნება, ყინულივით მაგარია.
. უნდა იყოს კარგად პიგმენტირებული და გაუმჭვირვალე.
. უნდა შეინარჩუნოს ფორმა. არ უნდა იყოს ძლიერ ცხიმიანი და არც ძალიან მშრალი.
წყარო: etanews.ge
როგორ შევარჩიოთ ტუჩის საცხი ?
⏱️ 1 წთ.
👁️ 4 954
100%