პედიკიურის გაკეთება შინაურ პირობებშიც შესაძლებელია, თუ რამდენიმე მარტივ რჩევას გაითვალისწინებთ და მიჰყვებით წესებს, რომლებსაც გამოცდილი სპეციალისტები იცავენ:
* მოამზადეთ თბილი ქაფიანი აბაზანა ტერფის კანის დასარბილებლად.
* ჩაყავით ფეხები ქაფიან წყალში და გააჩერეთ დაახლოებით ხუთი წუთი.
* შემდეგ ტერფები, ქუსლები და თითები სპეციალური ჯაგრისით გაიხეხეთ.
* აიღეთ პემზა და გულდასმით მოიშორეთ კანი, რომელსაც ჯაგრისი ვერ გაუმკლავდა. განსაკუთრებული ყურადღება მიაქციეთ ადგილებს, სადაც კანი გაუხეშებულია ან ბებერებია გაჩენილი.
* გადაივლეთ სუფთა წყალი და გაიმშრალეთ.
* ფრჩხილების დაჭრისას, გადაჭერით ისინი სწორად და არავითარ შემთხვევაში - წრიული ტრაექტორიით, რათა თავიდან აიცილოთ ფრჩხილის ჩაბრუნება.
* შემდეგ გაიქლიბეთ ფრჩხილების ზედაპირი სპეციალური ქლიბით და მოათავსეთ თითები პედიკიურის თითების დამჭერში, ლაქის წასმისას ერთმანეთზე რომ არ მიგედოთ. შეიძლება ამ დამჭერის მაგივრობა ბამბის ტამპონებმაც გაგიწიოთ.
* პირველ ფენად წაისვით სამკურნალო უფერო ლაქი, რომელიც დაიცავს და გაამაგრებს ფრჩხილების სტრუქტურას, შემდეგ კი გადაისვით სასურველი ფერის ლაქი.
* კანის უფრო მეტად დასარბილებლად, ძილის წინ წაისვით ტერფებზე დიდი რაოდენობით მკვებავი კრემი, შეიხვიეთ ცელოფანით და ამოიცვით ბამბის წინდები.
დილით თქვენი ტერფები ჩვილის კანივით თოთო იქნება.
პედიკურის გაკეთება სახლის პირობებში
⏱️ 1 წთ.
👁️ 3 724
100%