ყავის ნალექი ცელულიტს მოგაშორებთ



თანამედროვე ქალბატონებს ცელულიტი დაუძინებელ მტრად მიაჩნიათ და მასთან საბრძოლველად უამრავ ხერხსა და ძვირად ღირებულ საშუალებას მიმართავენ.

მათ კი, ვისაც ამგვარი ფუფუნების საშუალება არ აქვს, სპეციალისტები რამდენიმე შინაურ რეცეპტს სთავაზობენ. მით უმეტეს, რომ ეს პრობლემა განსაკუთრებით მტკივნეულად ზაფხულის მოახლოებისას აღიქმება.

3 ჩაის კოვზ ნებისმიერ ტანის კრემს შეურიეთ 10 მილიგრამი ზეითუნის ზეთი და 3 წვეთი ნებისმიერი ეთერზეთი. კარგად აურიეთ და წაისვით ტანზე. ამგვარი კრემის ყოველდღიური გამოყენება გააუმჯობესებს კანის მდგომარეობას.

გაცილებით მეტი ეფექტი აქვს შინაურ პირობებში მომზადებულ ცელულიტის საწინააღმდეგო სკრაბებს. თუმცა აუცილებლად გაითვალისწინეთ, რომ სკრაბების გამოყენება დაუშვებელია მათთვის, ვისაც კანის რაიმე სახის დაავადება აწუხებს, მათ შორის, სოკოვანი დაავადებებიც.

სკრაბის მოსამზადებლად გამოგადგებათ ყავის ნალექიც. ყავის ნალექს (დაახლოებით 1 სუფრის კოვზი ერთ ფინჯან ყავაზე) შეურიეთ 1 ჩაის კოვზი ზეითუნის ან ნუშის ზეთი. მიღებული მასა წაისვით პრობლემურ მონაკვეთებზე და მასაჟისებური მოძრაობებით გულდასმით შეიზილეთ კანში. პროცედურის შემდეგ კონტრასტული შხაპი მიიღეთ.

ცელულიტის წინააღმდეგ საბრძოლველად იყენებენ ზღვის მარილსაც. სამი სუფრის კოვზ კარგად დაჩეჩქვილ (კრისტალებმა კანი რომ არ დააზიანოს) ზღვის მარილს შეურიეთ 3 სუფრის კოვზი ატმის, ზეითუნის ან ნუშის ზეთი. წაისვით სხეულზე, კარგად შეიზილეთ პრობლემურ ადგილებში და შემდეგ კონტრასტული შხაპით ჩამოიბანეთ.

ცელულიტის წინააღმდეგ ბრძოლა არც ისე იოლია, როგორც ეს ერთი შეხედვით ჩანს. თვით ყველაზე უმნიშვნელო კოსმეტიკური შედეგის მისაღწევად აუცილებელია, მკაცრად დაიცვათ შერჩეული მეთოდის ინსტრუქცია. სასურველ შედეგს მხოლოდ სისტემატური და კომპლექსური ”მკურნალობა” გამოიღებს
































ტექსტის სანახავად გაიარეთ რეგისტრაცია.