თმის ჯანმრთელობისთვის აუცილებელი ზეთები



მთელი დღის განმავლობაში ჩვენ თმას ბევრ დამაზიანებელ ფაქტორთან აქვს შეხება, ამას დამატებული არასწორი კევბა, საჭირო მინერალების და ვიტამინების ნაკლებობა და შედეგად არც თუ ისე მომხიბლავ, გაუხეშებულ, მტვრევად თმას ვიღებთ. ამიტომაც გადავწყვიტე გაგიზიაროთ რამდენიმე მარტივი საშუალება რომელიც თქვენს თმას დაუბრუნებს სილამაზეს.

ქოქოსის ზეთი თმის ზრდისთვის
ათასობით წლის განმავლობაში ქოქოსის ზეთი გამოიყენება როგორც თმის მკვებავი, გამწმენდი და დამცავი საშუალება. ზეთის ქიმიური შემადგენლობა (საშუალო ჯაჭვის მქონე ტრიგლიცერიდები) თმის უჯრედების მემბრანაში ადვილად გადიან და ღრმად აღწევენ თმის ღეროში. ეს კი განაპირობებს ქოქოსის ზეთის ჯადოსნურ მოქმედებას რაც ხელს უშლის ცილების კარგვას თმიდან. თმის ჯანმრთელობისთვის გაიკეთეთ თმის ძირებში ქოქოსის ზეთით მასაჟი.

ზეთის ხილის ზეთი
ჰორმონი დიჰიდროტესტოსტერონი იწვევს თმის ცვენას. ზეთის ხილის ზეთი ბლოკავს ამ ჰორმონის მავნე მოქმდებას და ხელს უწყობს თმის ნორმალურ ზრდას. ანტიოქსიდანტებით მდიდარი ზეთის ხილის ზეთი აშორებს კანს თავისუფალ რადიკალებს, ასტიმულირებს ცირკულაციას და თავის კანს და თმის ფოლიკულებს კვებავს.

ლავანდის ზეთი
როგორც ყველაზე ცნობილი ეთერზეთი, ლავანდა თმის ცვენის პრევენციისთვის ერთერთი ცნობილი და ფართოდ გამოყენებადი ზეთია. მას უნიკალური უნარი აქვს ალოპეცია არეატასთან შებრძოლების (ხელს უწყობს თმის ხელახალ ზრდას ერთი თვის მანძილზე რეგულარული მოხმარების შემთხვევაში). პრევენციული ეფექტის გარდა, ლავანდის ზეთი ძლიერი ანტისეპტიკური საშუალებაა. მისი დეზინფექციური თვისებების გამო არამარტო კურნავს თავის კანის მდგომარეობებს არამედ ებრძვის მიკრობებს, სოკოს და სხვა ვირუსებს.

ჟოჟობას ზეთი
ჟოჟობას თესლისგან მიღებული ეს სითხე სხვა ზეთებისგან განსხვავებით არ შედის თმაში. არამედ ერთგვარად ფუთავს თმის ფოლიკულას და უქმნის ტენიან გარემოს.

ნუშის ზეთი
ნუშის ზეთი, ზეთისხილის ზეთის მსგავსად იცავს თმას და ატენიანებს. თმის მასაჟის დროს ნუშის ზეთი აშორებს კანის მკვდარ უჯრედებს, შედეგად ქრება სკალპის ანთებითი პროცესი და თმა იზრდება თავისუფლად. მართალია ნუშის ზეთი არ იწვევს ახალი თმის ზრდას, მაგრამ ის იცავს და ასტიმულირებს არსებული თმის ფოლიკულების ზრდას და ნაკლებად მტვრევადს ხდის. ასევე ძალიან ეფექტურია კანის, სებორეული დერმატიტის დროს. გაითავლისწინეთ რომ თუ ალერგიული ხართ თხილეულზე, სიფთხილით მოიხმარეთ ნუშის ზეთი.

როზმარინის ზეთი
ზეთი აფართოებს სისხლძარღვებს და ასტიმულირებს უჯრედების გაყოფას. ეს კი თავის მხრივ ხელს უწყობს თმის ფოლიკულებს ახალი თმის წარმოქმნისთვის. ასევე აინჰიბირებს თმის ცვენას და გაჭაღარავებას, აშორებს ქერტლს და ატენიანებს მშრალ სკალპს.

თევზის ქონი
ვინაიდან ის შეიცავს 2 მნიშვნელოვან ცხიმოვან მჟავას (დოკოზაჰექსოენური და ეიკოზაპენტაენურ მჟავებს) თევზის ქონი კრიტიკულად მნიშვნელონია ჯანმრთელობისთვის ვინაიდან ჩვენი ორგანიზმის მას თავისით ვერ წარმოქმნის. თევზის ქონის სასარგებლო თვისებების ჩამონათვალი გრძელი და შთამბეჭდავია. ის კანზე პირადპირ არ ისმება არამედ კაფულის სახით უნდა მიიღოთ.

ჩაის ხის ზეთი
ჩაის ხის ზეთი თავის კანზე არსებული ფორების გახსნას იწვევს. ატენიანებს კანს, და მისი ანტიბაქტერიული თვისებების გამო იცავს კანს ბაქტერიული და სოკოვანი ინფექციებისგან. ძალიან ეფექტურია დაზიანებული თმის აღსადგენად რის შედეგადაც თმა იზრდება გრძელი, ძლიერი, სქელი და ჯანმრთელი.

მასალა მომზადებულია ქ. ბათუმის საზღვაო ჰოსპიტალის სამედიცინო დირექტორის თამარ ქაჩლიშვილის მიერ.

წყარო: etanews.ge
































ტექსტის სანახავად გაიარეთ რეგისტრაცია.