1. მკვრივი კანი
კანის სიმკვრივის შენარჩუნებისთვის გაამდიდრეთ თქვენი საკვები რაციონი ფორთოხლით, ლიმონით, მარწყვითა და კივით. ყველაზე სასარგებლო კი ამ პროცედურისთვის ასკილია. შეგიძლიათ მისი ნაყენი მოამზადოთ და დალიოთ, ან მისგან სახის კომპრესები გაიკეთოთ 10-15 წუთის განმავლობაში. კომპრესი კანს სასარგებლო ვიტამინებით გაამდიდრებს.
2. ნაოჭების საწინააღმდეგოდ
ნაოჭების შესამცირებლად პოლიფენოლები დაგეხმარებათ. ეს არის ძლიერი მცენარეული ანტიოქსიდანტები, რომლებიც დაბერების პროცესს ანელებენ. ცოტა ქიშმიში, წითელი ყურძენი ან ერთი ჭიქა ღვინო თქვენს ყოველდღიურ პოლიფენოლების ნორმას შეავსებს. შეგიძლიათ ასევე დაჭყლიტოთ ყურძენი, გაწუროთ და მიღებულ სითხეს ამდენივე რაოდენობის რძე დაუმატოთ. მიღებულ სითხეში მარლა დაასველოთ და სახეზე 15-20 წუთით გაიჩეროთ.
3. ბზინვარე კანი
იმისთვის, რომ კანს ბუნებრივი ბზინვარება შევუნარჩუნოთ, საჭიროა ვიტამინი E, რომელიც კანის აღდგენაში იღებს აქტიურ მონაწილეობას და მას ჯანმრთელ ფერს აძლევს. ყველაზე მეტად ამ ვიტამინს მცენარეული ზეთები შეიცავს. ასევე საქონლის ღვიძლი, კვერცხი, ბროკოლი, ქაცვი, ბალი და სხვა. ამ ვიტამინის კარგი წყაროა მზესუმზირა და ნუშიც.
ქაცვი, ჭიქის 2/3 ბლენდერის საშუალებით ფაფად აქციეთ, დაუმატეთ ჩაის კოვზი უშაქრო იოგურტი და თაფლი, გამათეთრებელი ეფექტისთვის რამოდენიმე წვეთი ლიმონიც შეგიძლიათ დაუმატოთ. მომზადებული ნიღაბი მაცივარში შეინახეთ გაციებამდე. ეს ნიღები წაისვით სახეზე და ყელზე, რაც თქვენს კანს უფრო გლუვსა და ხავერდოვანს გახდის.
4. გლუვი კანი
ვიტამინი B2 ძალიან სასარგებლოა ჯანმრთელი კარნისთვის, თმის ზრდისა და ზოგადად, ორგანიზმის სწორი ფუნქციონირებისთვის. ამ ვიტამინის ნაკლებობის პირველი სიმპტომია დახეთქილი ტუჩები. ამ ვიტამინს დიდი რაოდენობით შეიცავ კვერცხი, საქონლის ღვიძლი, ნუში, რძე, ბრინჯი, სოკო და უმეტესობა ბოსტნეულისა. გლუვი კანის მისაღებად დაამზადეთ ნიღაბი ხაჭოსგან: 2 სუფრის კოვზი ხაჭო აურიეთ ერთ კოვზ თაფლთან, წაისვით კანზე და ტუჩებზე. ესეთი ნაღაბი კარგად კვებავს, ატენიენებს და არბილებს კანს.
5. კანი აკნეს გარეშე
კანის ანთების საწინააღმდეგოდ საჭიროა ნივთიერება ლიკოპენი, რომელსაც შეიცავს საზამთრო, გრეიფრუტი და რუხი პური. ფორების შესავიწროვებლად დაიდეთ თხელ ნაჭრებად დაჭრილი პომიდორი სახეზე 15 წუთით. შეგიძლიათ პომიდორი კანზე წრიული მოძრაობებით წაისვათ.
წყარო: lollipop.ge