' />

ჩაიტარეთ ტესტი - გაქვთ თუ არა ალერგია კოსმეტიკურ საშუალებებზე?



დღეს ქალებს ვეღარ წარმოუდგენიათ ცხოვრება კოსმეტიკური საშუალებების გარეშე. თვალის ტუში და ტუჩის საცხი მაინც ყველა ჩვენგანის ''თანამგზავრია''. თუმცა იმის მიხედვით, რომ ყველას ორგანიზმი ინდივიდუალურია, ხშირად გვხვდება ალერგიული რეაქციები ამა თუ იმ კოსმეტიკურ პროდუქციაზე.

თითქმის ყველა კოსმეტიკურ საშუალებას შეუძლია ალერგიის, უსიამოვნო შეგრძნებებისა და პირადი აუტანლობის გამოწვევა. ამიტომ, ყველამ უნდა მიაქციოს ყურადღება შემდეგ სიმპტომებს და თუ ამგვარი შეგრძნებები აქვს, შეწყვიტოს ამა თუ იმ კოსმეტიკური საშუალების გამოყენება.

გთავაზობთ ერთგვარ ტესტს, რომელზეც პასუხები უნდა გასცეთ და თუ დადებითი იქნება თქვენი ერთი პასუხი მაინც, გამოდის, რომ ალერგია გაქვთ ამა თუ იმ კოსმეტიკურ საშუალებაზე და შესაბამისად უნდა იმოქმედოთ:

1. იმ ადგილებში, სადაც კოსმეტიკური საშუალება გამოიყენეთ, კანის ქავილს და წვას გრძნობთ.

2. გარკვეულ უბნებზე, რომლებსაც კოსმეტიკურ საშუალებასთან აქვთ შეხება, წვრილად გაყრიათ, ჭინჭრის ციებასავით.

3. ტუშის გამოყენებიდან გარკვეული დროის შემდეგ თვალების ქვეშ სიმუქე, ''ტომსიკები'' გიჩნდებათ, ქუთუთოები გექავებათ, სპაზმური ტკივილი გაქვთ თვალების გარშემო, თვალის კუთხეებთან ცრემლდენა გაძლიერებულია, შეიძლება, თვალები შიგნიდანაც გიწითლდებათ, ზედა ქუთუთო გექავებათ.

4. კოსმეტიკური საშუალებების გამოყენებას უკავშირდება ალერგიული რეაქციები - ხველება, სურდო.

5. ტუჩები, ქუთუთოები გისივდებათ, კანი გიღიზიანდებათ.

ისეც ხდება, რომ კოსმეტიკური საშუალებების გამოყენებისას არ აკვირდებით ალერგიის მსუბუქ ნიშნებს, არც უკავშირებთ ამას კოსმეტიკას. შეიძლება, ალერგია უცებ არც გამოვლინდეს, მაგრამ ერთი და იმავე ტუშის გამოყენებიდან გარკვეული დროის შემდეგ დააკვირდეთ, რომ თვალები ამოგიღამდათ, ტომსიკები გაგიჩნდათ, ქუთუთოები გეწვით და გექავებათ, თვალების გახელა და დახუჭვა გიჭირთ, დისკომფორტი გაქვთ.

უპირველეს ყოვლისა, არასდროს დაიტოვოთ კოსმეტიკა სახეზე და ისე არ დაიძინოთ. კოსმეტოლოგები გამუდმებით გვირჩევენ, რომ ძილის წინ სახე გავისუფთავოთ. ხოლო თუ თქვენს კოსმეტიკურ საშუალებებს შორის რომელიმე ალერგენს აღმოაჩენთ, თუნდაც ეს ძვირად ღირებული საშუალება იყოს, ჯობს, მასზე უარი თქვათ - თქვენი სახის კანი და საერთოდ, ჯანმრთელობა ხომ უფრო ძვირი ღირს.


წყარო: etanews.ge
































ტექსტის სანახავად გაიარეთ რეგისტრაცია.