მოამზადა ზვიად ბაკურაძემ
ჩვევა #1: ხშირად ხართ სტრესულ გარემობაში
ნიუ-იორკის ლენგონის სამედიცინო ცენტრის წამყვანი დერმატოლოგის, ჯერი შარიპოს აზრით, თმის ცვენა სტრესული მოვლენიდან 6 კვირიდან 3 თვის შუალედში იწყება და მას ტელოგენური ალოპეცია ეწოდება. ის შესაძლოა გამოწვეული იყოს ასევე ინფექციით, გადატანილი ოპერაციით ან მშობიარობით. კარგი ამბავია ის, რომ როგორც კი სტრესი უკან იხევს ადამიანების უმრავლესობას თმა ჩვეულებრივ ეზრდება.
ჩვევა#2 : თმა მჭიდროთ გაქვთ შეკრული
დრო და დრო მჭიდროდ შეკრული თმა მის ფოლიკულებს აზიანებს და ამიტომაც უმჯობესია ის მუდმივად ერთ ადგილზე არ გქონდეთ შეკრული და ვარცხნილობაც ხშირად შეიცვალოთ. რეკომენდირებული არ არის ასევე რეზინის შესაკრავების თმისთვის გამოყენება.
ჩვევა#3: თმის საშრობის ხანგრძლივი დროით გამოყენება
სცადეთ შეზღუდოთ თმის საშრობების, თმის გასასწორებლების და თმის დასახვევების გამოყენება. მათმა მაღალმა სიმხურვალემ შესაძლოა თმის მტვრევა და საბოლოდ მათი ცვენა განაპირობოს. არასდროს გამოიყენოთ თმის გასასწორებელი და თმის დასახვევი სველ თმაზე.
ჩვევა#4: სველი თმის დავარცხნა
ადამიანების უმრავლესობა თმის ვარცხნას აბაზანიდან გამოსვლისთანავე იწყებს, რაც არასწორია. სველი თმის დავარცხნა თმის მტვრევას იწვევს, რადგან სველი თმა უფრო ფაქიზია. დაელოდეთ სანამ ის გაშრება და მისი ხშირად დავარცხნა გაშრობის შემდეგაც კი, რეკომენდირებული არ არის.
ჩვევა#5: არაჯანსაღი საკვები
ჯანსაღი და დაბალანსებული დიეტა ყველაფრის გასაღებია და მათ შორის ჯანმრთელი თმის. საკვები, რომელიც საკმარის ცილასა და რკინას არ შეიცავს, თმის ცვენას იწვევს. პროტეინის კარგი წყაროა ხორცი, კვერცხი, თევზი, თხილი და ლობიო. ხოლო რაც შეეხება რკინას ის უხვადაა ოსპში, ისპანახში, ბურღულეულსა და ხამანწკებში.
წყარო: life.mediamall.ge