შავი შოკოლადი - გემრიელი, თან სასარგებლოა. ძალიან დიდი რაოდენობით შეიცავს ანტიოქსიდანტებს, რაც გლუვი კანის გარანტიაა. მასში შემავალი ნივთიერებებით ის იცავს კანს მზის სხივების მავნე ზეგავლენისგან. ამასთანავე, კაკაო ასტიმულირებს სისხლის მიმოქცევას და არტერიებისთვის შესანიშნავი სარელაქსაციო საშუალებაა.
მწვანე ჩაი - რაც დრო გადის, სულ უფრო მეტი ხდება ცნობილი მწვანე ჩაის სასარგებლო თვისებების შესახებ, ის შესანიშნავი ანტიოქსიდანტია, აქვს ანთების საწინააღმდეგო თვისებები და მას ბევრი დაავადების პრევენციადაც იყენებენ. რაც მთავარია, ის შესანიშნავი ანტიდეპრესანტია. ეცადეთ ჩაი თბილი ან ცხელი მიირთვათ.
სტაფილო - ისეთივე სასარგებლოა კანისთვის, როგორც თვალებისა და მხედველობისთვის. შეიცავს დიდი რაოდენობით A ვიტამინს, რომელიც აღადგენს დაზიანებულ უჯრედებს, ავსებს ფორებს, რაც კანს სიგლუვეს ანიჭებს. A ვიტამინი ასევე კანის სიმსივნის წარმოქმნის რისკს ამცირებს. ეცადეთ თქვენი ბავშვები ადრეული ასაკიდანვე შეაჩვიოთ ამ ბოსტნეულის მიღებას. თუმცა გაითვალისწინეთ, რომ სტაფილოს გული ყველაზე მეტად ითვისებს რადიაციას, ამიტომ სანამ პატარებს შესთავაზებთ, სტაფილოდ გულები ამოაცალეთ.
ორაგული - ის საოცარი თვისებებით გამოირჩევა, ნამდვილი ანტიდეპრესანტია, ნებისმიერი სახის სტრესი კი სახეზე სარკესავით აისახება. ორაგული შეიცავს დიდი რაოდენობით D ვიტამინს, შესაბამისად ამაგრებს ძვლებს, აუმჯობესებს გულისა და ტვინის მოქმედებას. საკმაოდ დიდი რაოდენობით არის მასში ომეგა 3-ის ცხიმოვანი მჟავები, რაც აკნესა და ნაოჭებისგან შესანიშნავი თავდაცვაა. ორაგულის ხშირი მიღებით ატენიანებთ სახის კანს, ამაგრებთ და ბზინვარებას მატებთ თმებსაც.
და არ დაგავიწყდეთ წყალი- დღეში მინიმუმ 2 ლიტრის ოდენობით წყალი აუცილებლად უნდა მიიღოთ.
წყარო: lollipop.ge