ქალბატონებისთვის აუცილებელი 10 საკვები პროდუქტი



ყველი - ასაკის მატებასთან ერთად აუცილებელია რაციონს კალციუმი დაამატოთ, ამისათვის რძე ან იოგურტი საუკეთესოა, მაგრამ არ დაგავიწყდეთ ყველი, ის გემრიელიცაა და სასარგებლოც. კალციუმით გამდიდრებული რაციონის დახმარებით შეძლებთ თავი დაიცვათ ოსტეოპოროზისგან.

ვაშლი - გემრიელი და ჭკვიანი ხილია, რომელიც უამრავ სასარგებლო თვისებას შეიცავს. მასში შემავალი ანტიოქსიდანტების დახმარებით აძლიერებს იმუნურ სისტემას, ამიტომ ის შესაძლოა უამრავი ვირუსული დაავადების ერთგვარი პრევენციაც იყოს.

ოსპი - აღსანიშნავია ისიც, რომ დაბალკალორიული პროდუქტია, ამიტომ მისი მირთმევა თამამად შეგიძლიათ. შეიცავს დიდი რაოდენობით რკინას, რომელიც აჯანსაღებს და აძლიერებს სხეულს, აუმჯობესებს სისხლის მიმოქცევას და იცავს სხეულს ანემიის რისკებისგან.
ბროკოლი - ერთ ჭიქა ამ ბოსტნეულში 100 % C ვიტამინია, ის შეიცავს კოლაგენს, რომელიც კანს ელასტიურობას ანიჭებს ანუ ბროკოლი ნაოჭების წინააღმდეგ ეფექტური საშუალებაა. მასში შემავალი A ვიტამინი კი მკვდარი კანის უჯრედებს ახლით ანაცვლებს.

კარტოფილი - ის ჯანსაღ ნახშირწყლებს შეიცავს, თანაც ისე, რომ ებრძვის წონას, ამიტომ ხშირად გამოიყენება დიეტების დროს. ერთი საშუალო ზომის კანიანი კარტოფილი 100 კალორიას შეიცავს და მასში უფრო მეტი კალიუმია, ვიდრე ბანანში. არეგულირებს არტერიულ წნევასაც და იცავს გულს.

შავი შოკოლადი - ერთ-ერთმა ამერიკულმა კვლევამ დაადასტურა, რომ ქალები, რომლებიც 2 კვირის განმავლობაში ყოველ დღე მიირთმევენ შავ შოკოლადს ნაკლებად განიცდიან სტრესულ მდგომარეობას. ასევე, შოკოლადი ამცირებს გულის დაავადების რისკს, გაღიზიანებას და ნერვულ აშლილობას.

სოკო - კვლევებით დადასტურდა, რომ სოკოს ხშირი გამოყენება ამცირებს მკერდის სიმსივნის განვითარების რისკებს. ეცადეთ ის ნაკლებ ცხიმში ან ზეთში მოამზადოთ, შეაზავეთ ბოსტნეულით ან ბრინჯით.

ავოკადო - შეიცავს დამატენიანებელ ცხიმებს, მისი მიღების შემდეგ თავს საკმაოდ დიდხანს გრძნობთ დანაყრებულად, ამიტომ ძალიან ეფექტურია დიეტების დროს. წვავს ცხიმებს და წარმოქმნის ახალ უჯრედებს.

წითელი ბულგარული წიწაკა - ასაკის მატებასთან ერთად მხედველობის დაქვეითების რისკებიც იმატებს, ამ ბოსტნეულში კი ყველა ის ნივთიერებაა, რომელიც თვალის ნაადრევი პრობლემებისგან დაგიცავთ და მაქსიმალურად გაახანგრძლივებს თქვენს მხედველობას. მისი გამოყენება შეგიძლიათ როგორც უმად, ასევე მოთუშულ მდგომარეობაში.

მაკარონი - მასში დიდი რაოდენობით მოიპოვება B ვიტამინი, რომელიც საკვებს ენერგიად გარდაქმნის. შეიცავს დიდი რაოდენობით ბოჭკოს, შესაბამისად უფრო მეტად ანაყრებს. მიიღეთ მაკარონი და მთელი დღის განმავლობაში იგრძნობთ მოჭარბებულ ენერგიას


წყარო: lollipop.ge
































ტექსტის სანახავად გაიარეთ რეგისტრაცია.