მარტივი ვარჯიშები ღაბაბის მოსაშორებლად



დადექით, გაიმართეთ მხრებში, თავზე მძიმე წიგნი დაიდეთ და ოთახში გაიარ-გამოიარეთ 5-10 წუთით. ეს ვარჯიში როგორც კისრის, ასევე ნიკაპის კუნთებს ამაგრებს და არა მარტო ღაბაბის წინააღმდეგაა ეფექტური, არამედ მხრებში გამართვაშიც დაგეხმარებათ.

დადექით სწორად, დახარეთ თავი წინ - დაუბრუნდით საწყის მდგომარეობას, შემდეგ გადასწიეთ თავი უკან - დაუბრუნდით საწყის მდგომარეობას.

დახარეთ თავი წინ, მოაბრუნეთ მარჯვენა მხრისკენ, გადასწიეთ უკან და მოაბრუნეთ მარცხენა მხრისაკენ. დაუბრუნდით საწყის მდგომარეობას. შემდეგ გაიმეორეთ იგივე, მხოლოდ მარცხენა მხარეს.

დადექით თავისუფალ მდგომარეობაში, გადასწიეთ თავი უკან, პირი მჭიდროდ დახურეთ, დაითვალეთ ათამდე, მოდუნდით და დაუბრუნდით საწყის მდგომარეობას.

გადასწიეთ თავი უკან, შეეცადეთ ქვედა ტუჩით თითქოსდა მისწვდეთ ცხვირის წვერს, ისე რომ ქვედა ყბა იყოს გამოწეული და ზემოთ აწეული.

მიიჭირეთ ხელის გული შუბლზე, თითქოსდა უკან გსურთ თავის გადაწევა, ამავდროულად კი დაძაბეთ კისრის კუნთები და წინააღმდეგობა გაუწიეთ ამ პროცესს. გააგრძელეთ 10 წამის განმავლობაში, შემდეგ გაიმეორეთ იგივე, მხოლოდ ამჟამად ხელი კეფაზე მიიჭირეთ.

შეასრულეთ თავის წრიული მოძრაობები - მარჯვნიდან მარცხნივ და პირიქით, ეს ხელს უწყობს ნიკაპის ქვემოთ კუნთების გამკვრივებას.

დაიჭირეთ კბილებით ფანქარი ან ავტოკალამი და დაწერეთ ჰაერში ციფრები - 1, 3, 7, 8, 10, ან საკუთარი სახელი.

წყარო: cacao. cp.ge
































ტექსტის სანახავად გაიარეთ რეგისტრაცია.