მიზეზები
არასასურველი თმის გაჩენის მიზეზები ქალის სახეზე ცნობილია. დამნაშავე მამაკაცის სასქესო ჰორმონების მომატებაა, ანდროგენები - ტესტოსტერონი და კიდევ სხვა რთულად წარმოსათქმელი სახელწოდებები.
მამაკაცის ჰორმონები (ანდროგენები) და ქალის (ესტროგენები) წარმოიქმნება ორივე სქესის წარმომადგენლებში. საქმე პროპორციებშია, როგორც კი ანდროგენების რაოდენობა ქალის ორგანიზმში იზრდება, ჩნდება პრობლება, რომელსაც ჰიპერანდროგენია ჰქვია. მას თან ახლავს ისეთი სიმპტომები როგორებიცაა: ცხიმოვანი ჯირკვლების გააქტიურება, აკნეს განვითარება, სხეულის ფორმის ცვლილებები ( ზედმეტი კილოგრამები, მხრების გადიდება, სარძევე ჯირკვლების ზომაში შემცირება...), მენსტრუალური ციკლის დარღვევა, დაორსულებისა და მშობიარობის პრობლემები, ალოპეცია (თმის ცვენა) .
ყველაზე გავრცელებულია ჰირსუტიზმი ანუ ჭარბთმიანობა. უფრო გასაგებად რომ ვთქვა, ქალს უჩნდება მამაკაცური ტიპის თმა. ამ დროს ქალს ხელებსა და ფეხებზე, მკერდზე, ზურგზე, მუცლის ქვემოთ და სახეზე წარმოიქმნება მუქი ფერის უხეში თმა. ყველაფერ ამაში დამნაშავე ანდროგენებია.
ჭარბთმიანობა შეიძლება იყოს მემკვიდრეობითი. თუ დედათქვენსა და ბებიათქვენს აქვთ თმა ზედა ტუჩის მაღლა, მაშინ ნუ გაგიკვირდებათ თქვენც თუ შენიშნავთ ღინღლებს. თუმცა, ამ შემთხევაშიც, როგორც წესი, საქმე ჰორმონებშია. ჭარბი თმა სახეზე ძირითადად ახასიათებთ სამხრეთელ ქალებს. მახსენდება ცნობილი მექსიკელი მხატვარი ფრიდა კალო, რომელიც ავტოპორტრეტებზე ყურადღებით ხატავდა ტუჩის მაღლა არსებულ თმის ყველა ღერსა და გადაბმულ წარბებს.
იმ შემთხვევაში თუ არასასურველი თმა გაგიჩნდათ გაურკვეველი მიზეზით, აუცილებელია მივიდეთ ექიმთან. ჰრომონალური დისბალანსი შეიძლება გამოიწვიოს სტრესმა ან შიდა დაავადებებმა (დიაბეტმა, ფარისებრი ჯირკვლის პრობლემებმა) , მედიკამენტების მიღებამ, საკვერცხეების კიბომ.
ბოლოს მინდა გითხრათ ერთი კარგი ამბავი, ნუ თუ შეიძლება ამას კარგი ვუწოდოთ. საუბრები იმაზე, თითქოს ქალს ულვაშები სექსუალურსა და ეშხიანს ხდის მითი არ არის. ულვაშები მიუთითებს ტესტოსტერონის სიჭარბეზე, სწორედ ეს ჰორმონია ლიბიდოზე პასუხისმგებელი.
რისი გაკეთება არ ღირს...
მთავარი წესი: თმის მოჭრა ან სახის გაპარსვა კატეგორიულად იკრძალება. თორემ ღინღლები, რომლებიც ზოგიერთებს სექსუალურადაც მიაჩნიათ, გაუპარსავ წვერად გადაიქცევა, თქვენ კი ყოველი დილის პარსვით დაწყება მოგიწევთ. სჯობს ეს სიამოვნება კაცებს მივანდოთ. ქალებს შეუძლიათ სხვა გზებს მიმართონ არასასურველი თმის მოსაშორებლად.
გინდათ მოიშოროთ სახიდან თმა? - გაიღიავეთ ის!
თუ არასასურველი თმა არ არის ძალიან ხშირი და მკვრივი, შეგიძლიათ უბრალოდ გაიღიავოთ, რათა თმა აღარ იყოს თვალში საცემი. ამისთვის არსებობს წყალბადი ზეჟანგზე დამზადებული პრეპარატები - კრემისა და ხსნარის სახით, რომლებიც უნდა წავისვათ პრობლემურ ზონებში. ამ უბრალო, ხელმისაწვდომი და უსაფრთხო მეთოდია, მთავარია არ გადავამეტოთ. არ ღირს პერეკისის წასმა ლოყებზე არსებულ უმნიშვნელო ღინღლებზე.
შემოწმებული ხალხური საშუალება
იმისათვის, რომ თავი დავაღწიოთ სახეზე არსებულ არასასურველ თმას, აიღეთ ,,რივანოლას" ხსნარი -1:1000, დაასველეთ ბამბა და ყოველდღიურად წაისვით არასასურველ თმაზე. რამდენიმე დღის შემდეგ აღარც გაგახსენდებათ ამ თმის არსებობა.
კიდევ ერთი ულვაშების საწინააღმდეგო საშუალებაა - შაქარი
რკინის თასში ჩავყაროთ 1 ჩ/კ შაქარი და დავასხათ 0.5 ჩ/კ წყალი. თასი დავდგათ დაბალ ცეცხლზე. ვადუღოთ იქამდე სანამ არ გაქრება კრისტალები. შემდეგ 1 ჩ/კ ლიმონის წვენი დავასხათ თბილ ნარევს. ვადუღოთ იქამდე სანამ მასა არ გახდება მუქი ყავისფერი. გადმოვიღოთ 1 ჩ/კ დამზადებული მასა თეფშზე, ის მალევე იყინება და ხდება მაგარი. ამავე თასში ჩავასხათ 3 ჩ/კ წყალი , ავიღოთ შპრიცით და დავარბილოთ თეფშზე გაყინული მასა. საჩვენებელი თითი ჩავყოთ მასაში და წავისვათ თმიან ადგილზე. დილით და საღამოს წავისვათ არასასურველ თმაზე 2 საათის განმავლობაში, შემდეგ ჩამოვიბანოთ. ასე მოვიქცეთ მუდმივად. შედეგი: თმა გაღიავდება, გათხელდება და გაიზრდება უფრო ნელა.
თაკო ცილიკიშვილი
წყარო: www.Lady.Mcvane.Ge
მასალის გამოყენების პირობები: აუცილებელია წყაროს მითითება!!!