სახეზე ბევრი პრობლემური ზონის მიხედვით, დაავადებების დიაგნოსტიკა შესაძლებელია.
შუბლი და თმის ზღვარი. ეს მიდამო კუჭ–ნაწლავის ტრაქტის მუშაობას ასახავს. დისბაქტერიოზი, მოწამვლა, საჭმლის მონელების დარღვევა, ყაბზობა – ამ პრობლემების შესახებ შუბლზე ფერიმჭამელები გვატყობინებს. ზოგჯერ ასეთი გამონაყარი შეიძლება ჭარბ ცხარე, ტკბილ ან ცხიმიან საკვებზე რეაქცია იყოს.
რეკომენდაციები: ზედმეტი არ იქნება, კვებას თვალყური ადევნოთ და ცხიმების, მარინადების, სოუსების რაოდენობა რაციონში შეამციროთ.
წარბზედა მიდამო. ამ ადგილებში მუწუკები და გამონაყარი გულის მუშაობაში დარღვევებს მოწმობს. ასევე შეიძლება ხშირი სტრესის შედეგი იყოს.
რეკომენდაციები: სისხლის არტერიული წნევა და B ჯგუფის ვიტამინების დონე აკონტროლეთ. ცხარე და ხორციანი პროდუქტები შეამცირეთ, ხშირად ისეირნეთ.
ცხვირის ფუძე. ცხვირის ფუძის ზონაში გამონაყარი, სიწითლე ან ფერიმჭამელები ღვიძლის მუშაობაში უთანხმოებაზე მეტყველებს.
რეკომენდაციები: ამ ორგანოს განტვირთვისთვის ალკოჰოლი და გაზიანი სასმელები, ასევე შემწვარი და მძიმე საკვები გამორიცხეთ. ზომიერი ფიზიკური დატვირთვა ზედმეტი არ იქნება.
ცხვირი. ის კუჭქვეშა ჯირკვლის მუშაობას ასახავს. იქ აღმოცენებულ პრობლემაზე ცხვირზე არსებული მუწუკები და გაფართოებული ფორები მოწმობს.
რეკომენდაციები: რაციონს გადახედეთ. წვნიანი, ფაფები, რძის პროდუქტები, ბოსტნეული და უცხიმო თეთრი ხორცი ჭამეთ. ცხიმიანი და შემწვარი საკვებისგან თავი შეიკავეთ.
ნიკაპი. თუ ფერიმჭამელები ნიკაპზე გაჩნდა, საჭიროა ფარისებური ჯირკვლის მუშაობის შემოწმება.
რეკომენდაციები: პროფილაქტიკის მიზნით მნიშვნელოვანია ძილისა და დასვენების რეჟიმი დაიცვათ, საკმარისი რაოდენობის სუფთა წყალი მიიღოთ და მწვანე ბოსტნეული ჭამოთ.
თვალები. თვალების ქვეშ ტომსიკები თირკმლებისა და შარდის ბუშტის მუშაობაში დარღვევებზე მიგვითითებს. თუ თვალების ქვეშ არა – ტომსიკები, არამედ ყავისფერი ნახევარწრეებია, ეს უძილობასთან არ დაღლასთან დაკავშირებული არ არის. დიდი ალბათობაა, რომ ადამიანს ღვიძლთან პრობლემა აქვს. განსაკუთრებული ყურადღება მიაქციეთ ღვიძლის მუშაობას, თუ ამასთან ერთად ცხვირტუჩის სამკუთხედს მოყვითალო შეფერილობა აქვს.
რეკომენდაციები: მარილიანის, გაზიანი სასმელებისა, ყავისა და ალკოჰოლის მოხმარება შეამცირეთ. წყურვილი სუფთა წყლით დაიკმაყოფილეთ.
ყური და ყურის მიმდებარე ადგილი. სახის ეს ზონა სასუნთქი სისტემის მუშაობას ასახავს. შეიძლება ეწევით ან ალერგიით იტანჯებით?
რეკომენდაციები: თუ მწეველთა ან ალერგიულ ადამიანთა რიგს არ მიეკუთვნებით, სუფთა ჰაერზე ხშირად ისეირნეთ. გარდა ამისა, მნიშვნელოვანია მოერიდოთ პროდუქტებს, რომლებიც მჟავე გარემოს ქმნის (ხორცისა და რძის პროდუქტები, ყავა, ალკოჰოლი და შაქარი). შეცვალეთ იმ პროდუქტებით, მჟავატუტოვანი ბალანსის დაცვას რომ ეხმარება (ბოსტნეული, ხორბლის ღივი).
ლოყები. ლოყებზე მუწუკები კუჭთან პრობლემებზე მიგვანიშნებს. არასწორი კვება, გასტრიტი ან დისბაქტერიოზი როგორც შუბლზე, ასევე ლოყებზე ასახვას ჰპოვებს.
რეკომენდაციები: ყოველდღიურ მენიუში უჯრედისი ჩართეთ. ორგანიზმს ტოქსინებით ნუ გადატვირთავთ. უპირატესობა ბალახეულ ჩაის მიანიჭეთ – ორგანიზმის გასუფთავებას ეხმარება.
ტუჩები. ტუჩების კუთხეების ზონა სწორი ნაწლავის მუშაობას ასახავს. ზედა ტუჩსა და კუთხეებში შავი წერტილები მისი არასწორი მუშაობის შესახებ გვატყობინებს. მიზეზი შეიძლება ზედმეტი ჭამა ან ანთებითი პროცესები იყოს.
რეკომენდაციები: რაციონში ჩართეთ "გამწმენდი" უჯრედისი ბოსტნეულისა და ხილის სახით, ასევე ტრაპეზი ფინჯანი მწვანე, ბალახეული ჩაით ან უბრალო წყლით დაამთავრეთ.
ჟურნალი სარკე
წყარო: sana.ge
სახე – ჯანმრთელობის სარკე
⏱️ 1 წთ.
👁️ 2 853
100%