ლამაზეს მრავალმა ფაქტორმა შეიძლება შეუშალოს ხელი. თვალების სიწითლე, შესაძლოა, სათვალით დაფაროთ, დასაბანი თმა - თავსაბურავით, ხოლო გამონაყარი სახეზე - ტონალური საცხით, მაგრამ ოფლის სუნის დაფარვა წარმოუდგენელია. ამ უკანასკნელისგან გათავისუფლება შესაძლებელია, თუკი ქვევით წარმოდგენილ რჩევებს გაითვალისწინებთ:
1. რაც შეიძლება ხშირად ჩაიტარეთ წყლის აბაზანები. დაბანა - სისუფთავის დაუწერელი წესია, რომელიც არა მარტო საღამოს, დილითაც აუცილებელია!
2. ებრძოლეთ ოფლის სუნს არა მარტო სხეულზე, არამედ ტანსაცმელზეც. შეეცადეთ ყოველდღიურად იცვალოთ სამოსი, ხოლო ცხელ ამინდში რამდენჯერმეც კი. ამასთან, შეგიძლიათ იხმაროთ სპეციალური საფენები, რომელიც არ მისცემს საშუალებას ოფლს სამოსამდე მივიდეს. კიდევ ერთი ოპტიმალური გამოსავალი, შესაძლოა, უმკლავო სამოსი იყოს.
3. არჩევანი ნატურალურ ქსოვილებზე შეაჩერეთ, რომელიც ხელოვნურისგან განსხვავებით, ოფლს სწრაფად იწოვს. როგორც ცნობილია, ნებისმიერი ლაქა და სუნი ბუნებრივი ქსოვილიდან გაცილებით მარტივად გამოდის, ვიდრე ხელოვნურიდან.
4. გამოიყენეთ დეოდორანტები და ანტიპერსპირანტები, რომლებიც სუნის წარმომქნელი ფერმენტების შემცველ ბაქტერიებს გაუმკლავდებიან. თავის მოვლის ასეთი საშუალებები შეგინარჩუნებთ არა მხოლოდ ჯანსაღ სურნელს, არამედ უზრუნველჰყოფს ბაქტერიების გაქრობას.
5. გადახედეთ კვების რაციონს. საგულისხმოა, რომ ჩვენთვის საყვარელმა ბევრმა პროდუქტმა, შესაძლოა, საქმე გაგვირთულოს და ოფლიანობა გამოიწვიოს. შეზღუდეთ ცხიმიანი საკვები და სანელებლების მოხმარება.
6. უბრალოდ, აღმოაჩინეთ საკუთარ თავში სურვილი ებრძოლოთ ამ პრობლემას და ნუ დაიავადებთ ნერვებს. ხშირად შეცვალეთ ოფლიანობის საწინააღმდეგო კოსმეტიკურ საშუალებები.
7. მიმართეთ ენდოკრინოლოგს. იქნებ თქვენი პრობლემის მოგვარება ჰორმონებზე, ან შინაგანი სეკრეციის ჯირყვლებზეა დამოკიდებული. ნუ დაიზარებთ, აკონტროლეთ საკუთარი ჯანმრთელობა და პირადი ჰიგიენა, რათა სილამაზის შეგრძნება ამგვარმა გაუთვალისწინებელმა პრობლემებმა არ გაგიფუჭოთ.
წყარო: presa.ge
დააღწიეთ თავი ოფლიანობას
⏱️ 1 წთ.
👁️ 1 974
100%