რა ასაკშიც არ უნდა იყოს ქალი, იგი ყოველთვის ოცნებობს გამოიყურებოდეს საუკეთესოდ. ერთ-ერთი ქალბატონი, რომელმაც შეძლო ყველა ასაკში შეენარჩუნებინა სილამაზე, ყველასთვის ცნობილი სოფი ლორენია. ის უვლიდა საკუთარ თავს და ამ საკუთარი თავისადმი გაწეულ შრომას უშედეგოდ არ ჩაუვლია, რადგან მის სილამაზეს დრომ ვერაფერი დააკლო.
სწორედ ამიტომ გიზიარებთ სოფი ლორენის რჩევებს კანის მოვლასთან დაკავშირებით:
იმისათვის, რომ სახის კანი დაიჭიმოს და ნაოჭები გაქრეს, არ არის აუცილებელი კოსმეტოლოგებთან, სერიოზულ პროცედურებზე სიარული. სცადეთ გამაახალგაზრდავებელი ნიღბის გამოყენება დიდი მსახიობისგან, რომელიც უმალ გააუმჯობესებს თქვენი სახის კანს. ნიღბის ინგრედიენტები უბრალოა, ხოლო შედეგი ძლიერი.
კრემის ბაზა ჩვეულებრივი ჟელატინია. თუ მშრალი კანი გაქვთ, შეურიეთ ერთმანეთს 1 ჩ.კ ჟელატინი და 100 მლ. ნაღები;
ნორმალურ ან კომბინირებულ კანს მოუხდება ჟელატინისა და რძის ნაზავი, იგივე პროპორციებით, ხოლო ცხიმიანი კანისათვის, აურიეთ ჟელატინი და კეფირი.
მიღებული ნაზავი მოათავსეთ მაცივარში, 5 სთ-ს განმავლობაში, ამასობაში ჟელატინი კარგად გაიხსნება და გაცივდება. გადაასხით მასა ბლენდერში, დაამატეთ 1 ჩ.კ თაფლი და 1 ს.კ თეთრი, მშრალი ღვინო. ათქვიფეთ ინგრედიენტები და მიღებული მასა მინის ჭურჭელში მოათავსეთ. ეს შესანიშნავი ნიღაბი შეგიძლიათ დიდხანს შეინახოთ მაცივარში.
ნიღბის გამოყენება სასურველია დღეგამოშვებით, 15 დღის განმავლობაში. ერთი კურსის შემდეგ შეისვენეთ ორი კვირით და შემდეგ ისევ გაიმეორეთ...
ნიღაბი დაიტანეთ სუფთა კანზე და გაიჩერეთ მინიმუმ 15 წუთით, რათა იმოქმედოს. ბოლოს ნაზად, თბილი წყლით ჩამოიბანეთ იგი და წაისვით დამატენიანებელი კრემი.
presa.ge
გამაახალგაზრდავებელი სახის ნიღაბი - სოფი ლორენის სილამაზის საიდუმლო
⏱️ 1 წთ.
👁️ 3 640
100%