სახის კანის გაახალგაზრდავება 15 წუთში



აირჩიეთ ლამაზი სახის ზამთრის ნიღბების რეცეპტები და გაიკეთეთ სახის გამაახალგაზრდავებელი ნიღბები კვირაში 2-3-ჯერ.

ჰერკულესის ნიღაბი
3-4 კოვზ ჰერკულესს დაასხით ცხელი რძე ან ნაღები. მიღებული ფაფა გააგრილეთ და დაიდეთ სახეზე. გაიჩერეთ 15-20 წუთი. ჩამოიბანეთ თბილი წყლით. ეს ნიღაბი დაგირბილებთ გაუხეშებულ და დაზიანებულ კანს.

კეფირის ნიღაბი
პროცედურისთვის თქვენ დაგჭირდებათ 100-200 მლ ცხიმიანი კეფირი (მაწონი ან არაჟანი). 15-20 წუთის განმავლობაში რამდენჯერმე წაისვით არჩეული რძის პროდუქტი სახეზე. შემდეგ ჩამოიბანეთ თბილი წყლით.
ყურადღება მიაქციეთ: თუ აირჩიეთ მაღალცხიმიანობის მქონე არაჟანი ან ნაღები, მხოლოდ ერთხელ წაისვით სქელ ფენად და გაიჩერეთ 10-15 წუთით.

ხაჭოს ნიღაბი
2 სუფრის კოვზი ხაჭო, 2 სუფრის კოვზი სტაფილოს წვენი, 2 სუფრის კოვზი ზეითუნის ზეთი, 2 სუფრის კოვზი რძე (ყველა კომპონენტი ერთნაირი დოზით; საჭიროებისამებრ, პორციები შეგიძლიათ გაზარდოთ ან შეამციროთ) აურიეთ ერთმანეთში ერთგვაროვანი მასის მიღებამდე. დაიდეთ სახეზე სქელ ფენად და გაიჩერეთ 15 წუთით. ჩამოიბანეთ თბილი წყლით.

თაფლის ნიღაბი
2 სუფრის კოვზ თაფლს შეურიეთ 1 სუფრის კოვზი შვრიის ბურღული, დაუმატეთ 2 ჩაის კოვზი რძე. მიღებული ფაფა დაიდეთ სახეზე 15-20 წუთით. გაითვალისწინეთ: ნიღაბი არ არის რეკომენდებული თაფლზე ალერგიის შემთხვევაში.

ბანანის ნიღაბი
დაჭყლიტეთ ერთი საშუალო ზომის ბანანი, დაუმატეთ 1 ჩაის კოვზი მკვებავი კრემი, 1 ჩაის კოვზი ზეითუნის ზეთი, ნახევარი ჩაის კოვზი ლიმონის წვენი და კარგად აურიეთ. დაიდეთ სახეზე და გაიჩერეთ 15-20 წუთით. ჩამოიბანეთ თბილი წყლით


წყარო: presa.ge
































ტექსტის სანახავად გაიარეთ რეგისტრაცია.