ქალების უმრავლესობა დღეს ფინჯანი ყავით იწყებს. თუმცა, ეს სასმელი არა მხოლოდ გამოსაფხიზლებლადაა იდეალური- ყავა ეფექტურად ებრძვის სახეზე ნაოჭებს, ტანზე ცელულიტს და აჩერებს თმის ცვენას.
სახის გამწმენდი
თუ ნალექიანი ყავა გიყვართ, არასდროს გადაღვაროთ ნალექი. დაუმატეთ მას ერთი იმდენი ხაჭო ან არაჟანი (თუკი მშრალი ან ნორმალური სახის კანი გაქვთ). ხოლო თუ ცხიმიანი კანი გაქვთ, მაშინ იოგურტი. წაისვით მიღებული მასა სახეზე და თითებით კარგად შეიზილეთ. ნიღაბი გაიჩერეთ 5 წუთით და შემდეგ ჩამოიბანეთ.
მატონიზირებელი
გსურთ ლიფტინგის ეფექტი ძვირადღირებული კოსმეტიკის ყიდვის გარეშე? დაუმატეთ ყავის ნალექს 1 ჩ/კ თაფლი, ამდენივე არაჟანი და უმი კვერცხი. თქვიფეთ მანამ, სანამ ერთგვაროვან მასას არ მიიღებთ. ნიღაბი წაისვით სახეზე და 15 წთ გაიჩერეთ. შემდეგ ოტახის ტემპერატურის წყლით ჩამოიბანეთ და ნახავთ, რომ კანი ბევრად ნაზი იქნება.
რუჯის ეფექტი
იმისათვის, რომ თქვენი სახის კანი მუდამ ტონუსში იყოს და ოდნავი რუჯის ელფერი დაჰკრავდეს, ყოველ დილით სახე ყინულის კუბით გაიწმინდეთ, რომელსაც ახალმოხარშული ძლიერი ყავით დაამზადებთ.
ვებრძვით თმის ცვენას
ერთი ჩაის კოვზი ყავა მოხარშეთ 1 ს/კ წყალთან ერთად და რამდენიმე წუთით გააჩერეთ. დაუმატეთ 2 კვერცხის გული, 0.5 ჩ/კ აბუსალათინის ზეთი, 2 ს/კ კონიაკი. ეს ყველაფერი კარგად აურიეთ და წაისვით თავზე. გაიჩერეთ 10 წუთი და ჩამოიბანეთ.
pomada.ge
როგორ გამოვიყენოთ ყავა თმის ცვენის შესაჩერებლად და რუჯის ეფექტის მისაღებად?
⏱️ 1 წთ.
👁️ 3 622
100%