1. თვალის ფანქარს თუ სანთებელას რამდენიმე წამით მიუშვერთ, ის ლაინერად „გადაიქცევა".
2. თვალებზე ჩრდილების წასმის წინ, ქუთუთოები თეთრი ფანქრით შეიღებეთ, ეს ილეთი გამჭვირვალე ჩრდილებს სიხასხასეს შესძენს.
3. ლიმონი ფრჩხილებიდან ლაქებს მოგაშორებთ. 1 ჭიქა წყალში 1 სუფრის კოვზი ლიმონის წვენი ჩაამატეთ და ხელები 5 წუთით ჩაყავით, შეგიძლიათ მასაჟური მოძრაობებიც გაიკეთოთ. შედეგი გაგაოცებთ!
4. პომადა ტუჩებზე უფრო დიდხანს გაძლებს თუ წასმის შემდეგ პუდრში ამოვლებული ფუმფულა ფუნჯს გადაუსვამთ.
5. ჩალურჯების გაუფერულებაში პირის სავლებ სითხეში ამოვლებული ბამბა დაგეხმარებათ - დალურჯებული ადგილი დაიმუშავეთ და 1 წუთში ის თითქმის შეუმჩნეველი გახდება.
6. გაღიზიანებულ კანს იოგურტი დაგიმშვიდებთ. წაისვით სახეზე 20 წუთით გაიჩერეთ და თბილი წყლით ჩამოიბანეთ.
7. გამშრალ ფრჩხილების ლაქს სიცოცხლეს 2 წუთით მდუღარე წყალში ჩადება დაუბრუნებს.
8. ჩაი გამომშრალ და დახეთქილ ტუჩებს მოგიშუშებთ, ჩაის პაკეტი თბილ წყალში დაასველეთ და 2 წუთის განმავლობაში ტუჩებზე ისვით.
9. ტუშის მეორეჯერ წასმის წინ, წამწამებზე ცოტა პუდრი დაიტანეთ, ეს მათ მოცულობას მიანიჭებს.
okmagazine.ge
9 ეშმაკობა, რომელიც ყველა ქალმა უნდა იცოდეს
⏱️ 1 წთ.
👁️ 92 558
100%