სტილისტის რჩევები თქვენი თმისთვის



ლამაზი, მბზინვარე თმა ქალის ერთ-ერთი ხილული სამკაულია, რომელსაც სათუთი და გულმოდგინე მოვლა ესაჭიროება... სილამაზის სალონები ზრუნავენ ქალბატონების სტილზე, მაგრამ ყველას როდი აქვს ამის შესაძლებლობა, თუმცა გამოსავალი ყოველთვის არსებობს. ამიტომ ჩვენ მივმართეთ სილამაზის სალონ ,,ფემინას” სტილისტს რეზი კისიევს, რომელმაც გვირჩია თუ როგორ მოუაროთ თმას.

თხელი და ურჩი თმისთვის:


მათ ვისაც აქვთ თხელი და ურჩი თმა აუცილებლად უნდა იხმარონ მუსი, რათა მოცულობა შემატოს მას, თან დიდხანს ინარჩუნებს სისველეს, რაც ბზინვარებას ანიჭებს თმას. თხელი თმა არ საჭიროებს ბალზამს. სახლის პირობებში სჯობს ჩვეულებრივი შამპუნით დაიბანოთ და ფენით გაიშროთ იგი.

სქელი და უხეში თმისთვის:


როცა გაქვთ სქელი და უხეში თმა არავითარ შემთხვევაში არ გაიშროთ ფენით. სჯობს, თუ დრო გაქვთ, იაროთ სველი თმით, სანამ თვითონ არ შეშრება და მხოლოდ შემდეგ მოიყვანოთ იგი სასურველ ფორმაზე.
არასასურველია სქელი და უხეში თმის დათხელება, რადგან დათხელებული თმა დაბანის დროს უფრო ფუვდება და უარესდება. რაც შეეხება ვარცხნილობას ასეთ შემთხვევაში სტილისტი უპირატესობას გრძელ თმებს ანიჭებს.

სწორი თმა:


სწორი თმა ყველაზე ადვილი მოსავლელია, თუმცა სასურველია ბალზამის მცირე დოზით გამოყენება. ამგვარი თმისთვის სასურველი ვარცხნილობაა ,,კარე”, მითუმეტეს, რომ სწორ თმას უხდება.

ხვეული თმა:


ხვეული თმისთვის იდეალურია ,,შვარცკოფის” შამპუნები და მუსი, რათა უფრო დაატალღოვნოს და თვალსაჩინო გახადოს კულულები. არ შეიძლება თმის ფენით გაშრობა.

ქიმია:


თუ გადაწყვეტილი გაქვთ ხელოვნურად დაიხვიოთ თმები, უკეთესია გაიკეთოთ დიდი ლოკონები, რომელსაც სამწუხაროდ, ჩვენთან ვერ აკეთებენ (შესაბამისი ტექნოლოგიების უქონლობის გამო). ქიმიურად დახვეული თმები უმჯობესია დაივარცხნოთ სანამ სველი, რათა ლოკონები არ დაიშალოს.. სასურველია გამოიყენოთ მუსი.

შეღებილი თმისთვის აუცილებლად უნდა გამოიყენოთ სპეციალური შამპუნები და ნიღბები, რადგან უმეტეს შემთხვევაში ასეთი თმა დამწვარია და აღდგენა სჭირდება.

დაგრძელებული თმისთვის:


დაგრძელებული თმის სახლის პირობებში მოვლა პრაქტიკულად შეუძლებელია, რადგან დაბანვის დროს კაფსულებში არ უნდა მოხვდეს წყალი. ის დავარცხნისას წყდება, ამიტომ აუცილებელია დაგრძელებული თმის სალონში მოვლა. ის თვეში ერთხელ მაინც საჭიროებს კორექციას.

არ დაიშუროთ დრო და ენერგია, გაითვალისწინეთ პროფესიონალი სტილისტის რჩევები და თქვენი თმა ყოველთვის მოვლილი და მბზინვარე იქნება.

მასალა მოამზადა ჟანა დარსალიამ

წყარო: eva.ge
































ტექსტის სანახავად გაიარეთ რეგისტრაცია.