ინგრედიენტები:
* 1 თავი საშუალო ზომის ყვავილოვანი კომბოსტო
* მარილი
* 3 კვერცხი
* 150 გ. საფანელი
* 60 მლ. ზეითუნის ზეთი
მომზადების წესი:
აიღეთ კომბოსტოს თავი და პირველ რიგში მოაშორეთ მას მწვანე ფოთლები, შემდეგ ეტაპზე დანის დახმარებით მოაცალეთ მას შიგთავსი, ასე შეძლებთ მარტივად დაშალოთ ის მცირე ნაწილებად. თუმცა ეცადეთ ის ძალიან პატარა ნაჭრებად არ დაშალოთ, რადგან შეწვის დროს ზომაში ოდნავ მაინც იკლებს.
გარეცხეთ კომბოსტო ცივი, გამდინარე წყლის ქვეშ, შემდეგ მოათავსეთ დიდი ზომის ქვაბში და დააყარეთ 2 ჩ.კ. მარილი.
დაასხით წყალი ისე, რომ ზედაპირი კარგად დაიფაროს. დაახურეთ ქვაბს თავზე და მოხარშეთ. ადუღებიდან დაახლოებით 15 წუთის შემდეგ გადმოდგით. თუ გაინტერესებს რამდენად მოხარშულია კომბოსტო, ჩაარჭვეთ მასში ჩანგალი, თუ ჩანგალს თავისუფლად არჭობთ და კომბოსტოც რბილია, ჩათვალეთ, რომ მიზანი მიღწეულია.
ეცადეთ ყვავილოვანი კომბოსტო ისე არ გადახარშოთ, რომ დანაწევრდეს, გახსოვდეთ, რომ წინ კიდევ შეწვის პროცესია, ამიტომ ის წყლიდან ოდნავ მაგარიც კი უნდა ამოიღოთ.
ცალკე ჩამში ათქვიფეთ 3 კვერცხი და ნახევარი ჩ.კ. მარილი.
ტაფაზე ზეთი დაასხით და საშუალო ცეცხლზე გააცხელეთ.
ყვავილოვანი კომბოსტოს თითოეული ნაჭერი ჯერ კვერცხში ამოავლეთ, შემდეგ კი საფანელში ისე, რომ კარგად დაიფაროს. ტაფაზე დადეთ და ყველა მხრიდან კარგად შებრაწეთ. კომბოსტოს გაყავისფრებას დაახლოებით 5 წუთი უნდა დასჭირდეს.
შებრაწული ყვავილოვანი კომბოსტო ცალკე თეფშზე მოათავსეთ, გარნირად მას ძალიან უხდება კარტოფილის პიურე ან მოხარშული ბრინჯი, შეგიძლიათ გარნირი სხვადასხვა სუნელებით შეაზავოთ, ასე თქვენს კერძს უფრო სურნელოვანსა და მრავალფეროვანს გახდით.
გემრიელად მიირთვით!!!
წყარო