გაციება სერიოზულ საფრთხეს უქადის ახალშობილებს, ხანდაზმულებს, ასევე მათ, ვისაც ქრონიკული დაავადებები აქვს. როგორ მოიქცეთ რომ გაციებისგან მეტად დაცული იყოთ?
კვება
ვიტამინებით მდიდარი საკვები აძლიერებს იმუნიტეტს და ხელს უწყობს ორგანიზმის დამცავი ფუნქციების ზრდას. საკვებ რაციონში აუცილბლად უნდა შედიოდეს ხორცი, თევზი, ბოსტნეული, რძის პროდუქტი, ხილი. სწორად კვების შემთხვევაში ვიტამინების მიღების საჭიროებაც ნაკლები ხდება. სწორ კვებასთან ერთად მნიშვნელოვანია კარგი ძილიც, რაც 7-9 საათს მოიცავს.
სუფთა ჰაერი
მეტი დრო გაატარეთ სუფთა ჰაერზე, ხშირად გაანიავეთ სახლი. მნიშვნელოვანია ცხვირით სუნთქვა და არა პირით, რადგან ფილტვებში ცხვირიდან მოხვედრილი ჰაერი ნაწილობრივ გაფილტრულია მიკრობებისგან. თუ დახურულ შენობაში მუშაობთ, სადაც თქვენთან ერთად რამდენიმე თანამშრომელი იმყოფება, ეცადეთ ერთმანეთისგან მინიმუმ 2 მეტრის დისტანცია დაიცვათ.
მოერიდეთ საზოგადოების თავშეყრის ადგილებს
მოერიდეთ კონტაქტს დაავადებულ ადამიანებთან. ეპიდემიის პერიოდში სჯობს საზოგადოების თავშეყრის ადგილებიდან თავი შორს დაიჭიროთ.
ჩაიცვით შესაბამისად
თუ არ გსურთ ავად გახდომა, ჩაიცვით ამინდის შესაბამისად, ისე , რომ არც დაგცხეთ და არც შეგცივდეთ. დაიფარეთ ყელი და ყურები ქარში. მოერიდეთ გაოფლიანებასაც.
დაიცავით ჰიგიენა
დაიბანეთ ხელები ხშირად და საფუძვლიანად. ამ პროცედურის ჩატარება არა მხოლოდ მასინაა სავალდებულო, როდესაც ქუჩიდან სახლში ბრუნდებით, არამედ სახლში ყოფნის დროსაც მნიშვნელოვანია. გახსოვდეთ, რომ პირთან და თვალებთან მხოლოდ სუფთა ხელები უნდა მიიტანოთ, წინააღმდეგ შემთხვევაში თქვენ ორგანიზმში ბაქტერიები უფრო მარტივად მოხვდება.
გაციებულმა ადამიანმა აუცილებელია ატაროს ნიღაბი და მოიხმაროს ინდივიდუალური ჭურჭელი.
ყველაფერი ამის მიუხედავად თუ მაინც გაცივდით ან გრიპი შეგხვდათ, დაისვენეთ სახლში და მიიღეთ ცხელი სითხეები. თუ 5 დღის განმავლობაში დაავადების სიმპტომები არ შესუსტდა და ახალმა სიმპტომებმა გამოიჩინა თავი მიმართეთ ექიმს.
წყარო: active.ge