ფინური დიეტა
ფინური დიეტა რაციონიდან გამორიცხავს ცხოველურ ცხიმებს, ბრინჯს, ტკბილეულს. ზღუდავს მარილს, თუმცა მათ სანაცვლოდ შეგიძლიათ მიიღოთ თევზეული და ზღვის სხვა პროდუქტები.
ფინური სუპი
წვრილად დაჭერით ნახევარი კილოგრამი ხახვი, 200 გრამი პრასი, 300 გრამი ოხრახუში, 200 გრამი ბოლოკი, 250 გრამი ყვავილოვანი კომბოსტო, 200 გრამი სტაფილო, დაასხით დაახლოებით 2 ლიტრი ცივი წყალი, მიიყვანეთ ადუღებამდე, დაამატეთ 1 ჩაის ჭიქა ტომატის წვენი და აადუღეთ დაბალ ცეცხლზე ბოსტნეულის მოხარშვამდე. მარილი – ძალიან მცირე რაოდენობით.
კვება, ამასთანავე, შეგიძლიათ შეავსოთ თევზეულით, სალათებით ან ხილით (თითოეული დანამატი არ უნდა აღემატებოდეს 200 გრამს).
იაპონური დიეტა
პირველი დღე
საუზმე: შავი ყავა;
სადილი: 2 ცალი მაგრად მოხარშული კვერცხი, კომბოსტოს სალათა (შეზავებული ზეთით), 1 ჭიქა ტომატის წვენი ან 1 ცალი პამიდორი;
ვახშამი: თევზი – მოხარშული ან შემწვარი, კომბოსტოს სალათა ზეთით.
მეორე დღე
საუზმე: შავი ყავა ორცხობილასთან ერთად;
სადილი: მოხარშული ან შემწვარი თევზი, კომბოსტოს სალათა ზეთით;
ვახშამი: მოხარშული საქონლის ხორცი 200 გრამი, 1 ჭიქა მაწონი ან კეფირი.
მესამე დღე
საუზმე: შავი ყავა;
სადილი: უმი კვერცხი, 3 დიდი მოხარშული ზეთში შეზავებული სტაფილო;
ვახშამი: ვაშლი;
მეოთხე დღე
საუზმე: შავი ყავა;
სადილი: 1 შეკვრა ზეთში მოთუშული ძირთეთრა ან ოხრახუში, ვაშლი;
ვახშამი: 2 ცალი მაგრად მოხარშული კვერცხი, 200 გრამი მოხარშული საქონლის ხორცი, კომბოსტოს სალათა ზეთით.
მეხუთე დღე
საუზმე: გახეხილი, ლიმონის წვენით შეზავებული სტაფილო;
სადილი: დიდი ზომის თევზი (დაახლოებით 250 გრამი) მოხარშული ან შემწვარი, 1 ჭიქა ტომატის წვენი;
ვახშამი: ისევ თევზი, კომბოსტოს სალათა ზეთით.
მეექვსე დღე
საუზმე: შავი ყავა;
სადილი: მოხარშული ქათმის თეთრი ხორცი (250 გრამი), სტაფილოს ან კომბოსტოს სალათა;
ვახშამი: 2 ცალი მაგრად მოხარშული კვერცხი. გახეხილი სტაფილოს სალათა ზეთით.
მეშვიდე დღე
საუზმე: შავი ყავა;
სადილი: მოხარშული საქონლის ხორცი 200 გრამი და ხილი;
ვახშამი: ვაშლი.
დიეტის ხანგრძლივობა 14 დღეა. დიეტის შემდეგ თავი შეიკავეთ კალორიული საკვების მიღებისგან.
ერთთვიანი დიეტა
9 საათზე: რძით დამზადებული უშაქრო და უცხიმო ბრინჯის ფაფა 1 ჩაის ჭიქა და 1 ფინჯანი უშაქრო ყავა.
12 საათზე: 1 ცალი მოხარშული კვერცხი, 1 ნაჭერი კვერცხში ამოვლებული შემწვარი პური და ერთი ნაჭერი ყველი.
15 საათზე: ბოსტნეულის ბულიონით მომზადებული ლობიოს სუპი – 1 ჩაის ჭიქა. ხბოს ან საქონლის შემწვარი ხორცი 1 ნაჭერი, სალათის ფოთლები და 1 ჩაის ჭიქა ჩირის უშაქრი კომპოტი.
17 საათზე: 1 ცალი საშუალო ზომის ვაშლი და ნახევარი გრეიპფრუტი.
20 საათზე: 1 ჭიქა პიტნის უშაქრო ჩაი და 2 ცალი ორცხობილა.
დიეტის ხანგრძლივობა ერთი თვეა, ოღონდ ამ ერთი თვის განმავლობაში რეგულარულად უნდა ივარჯიშოთ (შეგიძლიათ ზემოთ ჩამოთვლილი პროდუქტები შეცვალოთ შემცვლელებით. მაგ: ნახშირწყლები მიიღოთ არა ბოსტნეულიდან, არამედ კარტოფილიდან, ხილისა და სხვადასხვა ბურღულეულიდან).
როგორ უნდა ვიკვებოთ ზამთარში, რომ სასურველი ფორმა შევინარჩუნოთ
კვირის რაციონში შეიტანეთ თევზი და ზღვის პროდუქტები, შეეცადეთ მიიღოთ კომბოსტო (როგორც ყვავილოვანი, ისე ჩვეულებრივი) და ხორცი (საქონლის ან ცხვრის – მაგრად მოხარშული), ყავა შეცვალეთ ბეგქონდარას ნახარშით – ის სასარგებლოა ორგანიზმისთვის (არ მოქმედებს გულზე). აუცილებელია ი ვიტამინის მიღებაც,ამიტომ მიირთვით კაკალი და თეთრი ლობიო. ეს პროდუქტები ზამთარში ორგანიზმს საჭირო ნივთიერებებით ავსებს და, რაც მთავარია, არ მოგვიმატებს ზედმეტ კილოგრამებს.
წიწიბურას დიეტა
საღამოს აიღეთ 1,5 ჭიქა წიწიბურა და მოხარშეთ 3–5 ჭიქა უმარილო წყალში.
გაღვიძებისთანავე, უზმოზე დალიეთ 1 ჭიქა ცხელი, ანადუღარი წყალი. ნახევარი საათის შემდეგ მიიღეთ 3 ნაწილად გაყოფილი მოხარშული წიწიბურას პირველი ნაწილი მაწონთან ერთად. მიაყოლეთ უშაქრო ჩაი ან ბოსტნეულის (სტაფილო, პომიდორი) წვენი;
საუზმე: მეორე წილი წიწიბურა;
ვახშამი: მესამე წილი წიწიბურა.
დიეტის მეშვეობით ერთ კვირაში 5–დან 10 კილოგრამამდე დაიკლებთ.
10 სასარგებლო რჩევა გახდომის მსურველებს
1. საკვები მუქი ფერის თეფშიდან მიირთვით, რადგან მუქ ფერზე მეტი მოცულობის ჩანს;
2. ჭამის შემდეგ სასწრაფოდ გამოიხეხეთ კბილები;
3. სვით ყინულიანი წყალი ყლუპ–ყლუპად. ამ დროს ორგანიზმი ხარჯავს 40 კალორიას, რადგან წყალი სხეულის ტემპერატურამდე გაათბოს;
4. საჭმელს თუ ნახევრად ჩაბნელებულ ოთახში მიირთმევთ, მადა დაგიქვეითდებათ და ჭამის სურვილიც გაქრება;
5. თუ მოგშივდებათ, შეიყნოსეთ ყავის, მწვანე ვაშლისა და პიტნის არომატი. ასე შიმშილი დროებით დაგავიწყდებათ.
6. ხშირად მიირთვით ჟელე;
7. მდოგვი, წიწაკა, ჩირი – ორგანიზმს აიძულებს, ორმაგად დახარჯოს კალორიები;
8. თუ სასწრაფოდ გსურთ 2–3 კილოს დაკლება, მაშინ ყოველი ჭამის წინ, 1–2 კბილი ნიორი მიიღეთ;
9. საჭმელს თუ საშუალო სიმხურვალის ცეცხლზე მოამზადებთ, ის ნაკლებად ცხიმიანი გამოვა;
10. მენიუში შეიტანეთ ძროხისა და ცხვრის ხორცი, სიმინდი, ვაშლი და მოხარშული ბრინჯი.
წყარო: janmrtelobainfo.ge