რა უნდა გაითვალისწინოთ ძილის წინ



დაძინებამდე აუცილებელია საკუთარ თავზე ზრუნვას რამდენიმე წუთი დაუთმოთ. თუ შემდეგ რჩვებს გაითვალისწინებთ უფრო მეტად გაიხანგრძლივებთ ახალგაზრდობასა და მომხიბვლელობას.

დაძინებამდე აუცილებლად გაიწმინდეთ სახე გამწმენდი ლოსიონებით. გაიკეთეთ მასაჟი გამწმენდი საშუალებით ცხვირის წვერიდან საფეთქლებისკენ. ჩამოიბანეთ სახე თბილი წყლით და დამატენიანებელი კრემი წაისვით.

ასაკის მატებასთან ერთად, თვალების ირგვლივ ნაოჭები ჩნდება. ამ პრობლემის თავიდან ასაცილებლად გამოიყენეთ ანტიმჟანგავის შემცველი კრემები. წაისვით ტუჩებზე მკვებავი ბალზამები და ისინი უფრო ხავერდოვანი იქნება. მსუბუქი მოძრაობით სუფთა სხეულზე დამატენიანებელი ლოსიონი შეიზილეთ. ხელებზე ხელის კრემი წაისვით და ნაზად ისრისეთ, სანამ კარგად არ შეიწოვება. დაივარცხნეთ თმაც, ზემოდან ქვემოთ ერთი მიმართულებით, ასე ცხიმი ყველა ნაწილში გადანაწილდება და ბოლოებიც აღარ გაგეყოფათ. სისხლის მიმოქცევის გასაუმჯობესებლად კარგია თუ თავის კანზე თითების გულებით მასაჟს გაიკეთებთ.
თუ სახის შეშუპებისკენ გაქვთ მიდრეკილება, დაძინებამდე ერთი საათით ადრე ნურაფერს დალევთ. თუ ეს პრობლემა არ გაწუხებთ, ძილის წინ ერთი ფინჯანი გვირილის ან პიტნის ჩაი მიირთვით.

კარგი გარეგნობის შესანარჩუნებლად ასევე დიდი მნიშვნელობა აქვს ნორმალურ ძილს. სასურველია, ადრე დაიძინოთ და შესაბამისად, დილითაც ადრე ადგეთ.

ზოგადად კი კარგი იქნება, თუ გაითვალისწინებთ, რომ მომხიბლავი გარეგნობის შესანარჩუნებლად, ნერვული სისტემის მოწესრიგებაა საჭირო. ეცადეთ, არასოდეს დაკარგოთ წონასწორობა, ნებისმიერ სიტუაციაში შეინარჩუნოთ სიმშვიდე, შეძლებისდაგვარად აუღელვებლად შეხვდეთ სხვადასხვაგვარ უსიამოვნებას.

წყარო: active.ge
































ტექსტის სანახავად გაიარეთ რეგისტრაცია.