სოფი ლორენი სილამაზეზე:
„ოსტატურად შეღებილი თვალები და კარგად გაკეთებული მაკიაჟი არ არის ყველაზე მთავარი იმისათვის,რომ მიმზიდველები იყოთ. სილამაზე სიკეთეზე და ფანტაზიაზეა დამოკიდებული, რომლის გარეშეც ქალი ეფექტური ვერასდროს იქნება.“
„იმისათის, რომ ნათელი და ლამაზი გამოხედვა გვქონდეს, ორი რამ უნდა დავიმახსოვროთ: პირველი - ყველაფერი თქვენს ხელთაა და მეორე, „სილამაზე მსხვერპლს მოითხოვს.“
"მიზეზი, რომ თავის მოვლისთვის უდროობის გამო არ გცალიათ, სისულელეა. ეს ცარიელი საბაბია.“
სოფი ლორენი თმის მოვლაზე:
"შამპუნი ძალიან ფრთხილად გამოიყენეთ, ჩამოიბანეთ თმა, დაიდეთ ცოტა შამპუნი და ნელ-ნელა ამატეთ წყალი. ამის შემდეგ ნაზად გაიკეთეთ მასაჟი თავის კანზე და იყავით ფრთხილად, რომ თმის ძირები არ დაიზიანოთ."
„დროდადრო სხვადასხვა ბალზამის მოსინჯვა მოგიწევთ. მე იტალიაში დავიბადე და ალბათ სწორედ ამიტომაც ვთვლი,რომ ზეითუნის ზეთი საუკეთესო ბალზამია. ეს ზეთი ძალიან სასარგებლოა იმ დროს, როცა მზეზე დიდი დროის გატარება გიწევთ. ზეითუნის ზეთი იცავს და კვებავს თმას. წაისვით ზეთი თავის კანზე და გადაიტანეთ თმებზეც. რამდენიმე საათის შემდეგ კი ჩამოიბანეთ. ეს პროცედურა თქვენს თმას საოცარ ბზინვარებას შემატებს."
სოფი ლორენი კანზე:
„თუ თქვენი კანი არც ისეთი კარგია, როგორიც გინდათ რომ იყოს, ამის გამოსწორება სულაც არაა რთული. კანზე ზრუნვა ქალმა ახალგაზრდობაშივე უნდა დაიწყოს და ეს გარანტიაა იმისა, რომ მისი კანი ნებისმიერ ასაკში იდეალური იქნება."
"ყოველთვის გამოიყენეთ ხელის საცხი. ეს საუკეთესო საშუალებაა იმისთის, რომ თქვენი ხელები კარგად გამოიყურებოდეს. გირჩევთ, რომ ხელის საცხი ყველგან გედოთ, ერთი ჩანთაში, მეორე მანქანაში, მესამე ტელეფონთან და ყველა იმ ადგილას, სადაც ხშირად გიწევთ ყოფნა."
„თუ თქვენ საკმარისი რაოდენობის წყალს სვამთ, (დღეში 8 ჭიქას), ეს თქვენს კანს ახალგაზრდობას გაუხანგრძლივებს. აუცილებელი არაა, რომ ჩვეულებრივი წყალი დალიოთ, შესაძლოა ის მინერალური წყლით, ხილის წვენით, ჩაით ან ყავით ჩაანაცვლოთ. თუმცა ძალიან გთხოვთ, რომ დღეში 8 ჭიქა ყავა არ მიიღოთ!“
სოფი ლორენი ჩაცმაზე
"ქალბატონების უმეტესობამ იცის თუ რომელი ფერი უხდება მას და რომელი არა. შესაბამისად, ის ძირითადად ამ ფერის ტანისამოსს ყიდულობს და ეს სწორია."
"ტანსაცმელი ადამიანის ხასიათზე მიგვანიშნებს. შეიძლება მას სულ არ ვიცნობდეთ და დალაპარაკებულიც არ ვიყოთ, ინდივიდუალური სტილი ადამიანზე შთაბეჭდილებას გვიქმნის."
„ტანსაცმლის შეძენის წინ ყოველთვის გახსოვდეთ, არ იყიდოთ არაფერი ისე, თუ არ გეცოდინებათ რასთან ერთად ჩაიცვამთ. იმ შემთხვევაში, თუ ყიდულობთ კაბას, დარწმუნებული უნდა იყოთ რომ მისი შესაფერისი ფეხსაცმელი, შარფი, ქამარი და ჩანთა გაქვთ.“
სოფი ლორენი კვებაზე:
„თქვენი კვება პირდაპირ აისახება არამარტო თქვენს სხეულზე, არამედ სახეზე, განწყობასა და თავდაჯერებაზეც კი.“
"მიირთვით ნაკლები წითელი ხორცი და მეტი თევზი და ბოსტნეული. თეთრი ხორცი და თევზი ნაკლებ ცხიმსა და იმავე რაოდნობის ცილებს შეიცავს, რასაც ჩვეულებრივი ხორცი."
"მიირთვით უფრ მეტი მაკარონი! სპაგეტი ძალიან კარგი და სასარგებლოა თქვენი ორგანიზმისთვის."
სოფი ლორენი ფიზიკურ აქტივობაზე
„ფიზიკური ვარჯიში სტრესს ხსნის, აწყნარებს ნერვებს და ადამიანის დეპრესიიდან გამოყვანაც კი შეუძლია.“
„ფიზიკური აქტივობა კარგი ძილის გარანტიაა.“
წყარო: lollipop.ge
