ფილმში ეფექტურ ქერათმიან ლამაზმანს, არ სცხვენია საკუთარი გამონათქვამებს, არ ეშინია საწოლში ექსპერიმენტების და დასახულ მიზნებს ყოველთვის აღწევს. ზოგი მას მსუბუქი ყოფაქცევის ქალად მიიჩნევს, ზოგსაც აღაფრთოვანებს მისი აბსოლუტური თავდაჯერებულობა, მაგრამ ვერ ნახავთ ადამიანს, ვინც სამანტა ჯონსისადმი სრულიად გულგრილია.
სამანტა პირდაპირობის და სექსუალურობის განსახიერებაა. მისი დამოკიდებულება მამაკაცების მიმართ გასაოცარია. მისი ცხოვრების მთავარი აზრი სექსია. ის ერთი-მეორის მიყოლებით იგებს ნიუ-იორკელი კაცების გულს და ამასთან შესანიშნავ კარიერას იწყობს, ხოლო მისი მახვილგონივრული ფრაზები, რომლებიც უკვე ციტატებად დამკვიდრდა, სერიალის სხვა გმირებს პირადი დრამების მოგვარებაში ეხმარება.
გთავაზობთ სექს-გაკვეთილებს სამანტა ჯონსისგან:
1. „ადრე თუ გვიან, ყველა დაქორწინებული წყვილის ცხოვრებაში დგება დრო, როდესაც სექსი მათ აღარ აქვთ”
თავად სამანტა დაქორწინებული არასდროს ყოფილა, მაგრამ ის იწვა ბევრ ცოლიან მამაკაცთან, რომლებიც აღარ კავდებიან ცოლთან სექსით და ინტიმისთვის სამანტასთან გარბიან. ამას გახსენებთ არა იმიტომ, რომ თუ ქმარი გიღალატებთ ხელი ჩაიქნიოთ, არამედ იმიტომ, რომ გამუდმებით შეიტანოთ სიახლეები საწოლში, რათა თქვენს მეორე ნახევარს არ მოუნდეს სხვასთან წასვლა.
რა თქმა უდა, ადრე თუ გვიან „პეპლები მუცელში“ ქრებიან და წყვილები „განრიგის მიხედვით“ კავდებიან სექსით, მაგრამ ეცადეთ ეს მომენტი თქვენს ოჯახურ ცხოვრებაში რაც შეიძლება გვიან დადგეს. არ მოგერიდოთ ექსპერიმენტების, არ დაგავიწყდეთ ლამაზი სექსუალური თეთრეულის მორგება, დაკავდით სექსით არა მხოლოდ საწოლში, არამედ სამზარეულოში, დივანზე, ან შხაპის ქვეშ – შეიტანეთ ცვლილებები და რაც მთავარია, თქვენც გამოიჩინეთ ინიციატივა!
2. „მამაკაცი ერთნაირად ადვილად მიატოვებს იმასაც, ვინც მასთან პირველ პაემანზე დაწვება და იმასაც, ვინც მასთან მეათე პაემანზე არ დაწვება“
სამანტას საეჭვოდ ეჩვენება, რომ კაცი მხოლოდ მაშინ დაინტერესდება ქალით და მაშინ მოუნდება მასთან სერიოზული ურთიერთობა, თუ სექსამდე დიდი ხანი მოუწევს მოცდა. ამ საკითხში არ არსებობს დამკვიდრებული წესები: ზოგიერთი მამაკაცი მყარ და გრძელვადიან ურთიერთობას, პირველ პაემანზე სექსის შემდეგ იწყებს, ზოგმა კიდევ შესაძლოა 1 თვიანი პაემნის პერიოდის და შესანიშნავი სექსის შემდეგაც მიგატოვოთ. ინტიმური ურთიერთობა მნიშვნელოვანია, მაგრამ მხოლოდ ის ვერ იქნება ორი ადამიანის ბედნიერების გარანტია.
3. „თუ ყველაფერში იდეალურია – საწოლში საშინელებაა“
სამანტა დარწმუნებულია – მამაკაცი, რომელიც ლამაზად გამოიყურება, თავს იდეალურად უვლის, რეკავს პირველი პაემნის შემდეგ და მის იდეალურობაში ეჭვის შესატან მცირე საშუალებასაც კი არ იძლევა – საშინელი საყვარელია.
სამანტას ყოველთვის მოსწონს, როდესაც მამაკაცი უხეში, ტემპერამენტიანი და კონფლიქტურია. ასეთი კაცის გვერდით, ყველა სუსტი სქესის წარმომადგენელი იგრძნობს თავს ქალად, ნაზ არსებად. გარდა ამისა ქერათმიანი ლამაზმანი თვლის, რომ სწორედ ასეთები არიან განსაკუთრებით მაგრები საწოლში. „ზედმეტად სწორი“ მამაკაცები კი შიშით მოქმედებენ, მათ არ სურთ, რომ რაიმე შეეშალოთ და პარტნიორს იმედი გაუცრუონ. ეს ყველაფერი ძალიან მოსაწყენია.
დაეთანხმებით ამ აზრს თუ არა, თქვენი გადასაწყვეტია. თუმცა რასაკვირველია საეჭვოა, რომ ყველა ლამაზი და მოვლილი მამაკაცი, ცუდი საყვარელია.
4. „არ დაწვე კაცთან პირველ პაემანზე – ეს წესი მოიგონეს ქალებმა, რომლებიც არავის სურს, რათა ხასიათი გაუფუჭონ ქალებს, რომელბიც ყველას სურს!“
სამანტასთვის არ არსებობს სექსისთვის შეუფერებელი დრო და სიტუაცია. მისთვის სულერთია პირველია პაემანი თუ მეოცე (თუმცა ოცი პაემანი მას მხოლოდ იმ კაცთან ჰქონდა, ვინც უყვარდა – მსახიობი სმიტ ჯერადი, რომელთანაც ჯონსი რამდენიმე წლის განმავლობაში ცხოვრობდა). სექსი პირველ პაემანზე სამანტასთვის კიდევ ერთხელ ადასტურებს იმას, რომ ის უზადოდ ლამაზი და მიმზიდველია.
ასეთი რამე ქალმა თავად უნდა გადაწყვიტოს და შედეგებზე „ანგარიში“ ისევ მხოლოდ თავის მორალსა და სინდისს უნდა ჩააბაროს. ასე, რომ თავად გადაწყვიტეთ ეთანხმებით თუ არა სატელევიზიო შოუს სექს-სიმბოლოს.
5. „საჭიროა არა ბევრი ფიქრი, არამედ ბევრი კოცნა“
ძალიან ბევრი კონფლიქტი ჩნდება, მხოლოდ იმიტომ, რომ ქალები და მამაკაცები „გამოგონილ პრობლემებს“ დიდ ყურადღებას აქცევენ. ისინი უფიქრდებიან ყოველ ნაბიჯს, ყოველ სიტყვას, რათა პარტნიორამდე „სწორად“ მიიტანონ მათი სიმპათიები. ყველაფერ ამის ნაცვლად, სამანტა გვთავაზობს მოქმედებას – თუ მოგწონს, აკოცე! თუმცა სამანტას ინტერპრეტაციით ეს ალბათ უფრო შემდეგს ნიშნავს: „ჩემო ძვირფასებო, დაკავდით სექსით!”
წყარო: lollipop.ge