თუ თქვენ მჯდომიარე სამუშაო გაქვთ: ზურგისა და ხერხემლის ვარჯიშები



ბევრი თვლის, რომ კომპიუტერთან ან საწერ მაგიდასთან დიდხანს ჯდომა გაცილებით უკეთესია, ვიდრე ქალაქში სირბილი ან ფეხზე დგომა სამსახურში. თუმცა, უნდა იცოდეთ, რომ მჯდომიარე სამუშაოს დადებით თვისებების პარალელურად ბევრი ნაკლოვანებაც აქვს. მაგალითად, ასეთი ტიპის სამუშაოს მუდმივობის პირობებში შეიძლება წარმოიშვას ხერხემლის, მხედველობის და ჭარბი წონის პრობლმები. როგორ უნდა აიცილოთ თავიდან მსგავსი პრობლემები, თუ დრო კატასტროფულად არ გყოფნით? ამისათვის არსებობს მთელი რიგი მარტივი, მაგრამ ეფექტური ვარჯიშები, რომლებიც შეგიძლიათ შეასრულოთ ისე, რომ სამუშაოს არც კი მოსწყდეთ. მათი და ასევე სწორად ორგანიზებული სამუშაო გარემოს დამსახურებით თქვენ შეძლებთ იზრუნოთ საკუთარ ჯანმრთელობასა და ფიზიკურ ფორმაზე.

ოფისის თანამშრომელმა განსაკუთრებით უნდა იზრუნოს თავის ხერხემალზე. თუ საჭიროა აუცილებლად ჩაიტარეთ მკურნალობის კურსი, რადგან ხერხემლის მცირედი ნაწილის პრობლემის გაჩენის შემთხვევაშიც კი ეს მთელ ორგანიზმზე დიდ გავლენას ახდენს. ამიტომ არ დაგავიწყდეთ წელში გამართული რომ იყოთ, თქვენი ზურგი უნდა იყოს სწორად. დიდი მნიშვნელობა აქვს ხელების სწორად განლაგებასაც: მუშაობის დროს ყურადღება მიაქციეთ, რომ თქვენი ხელები და მტევნები ჩამოკიდებული არ იყოს ჰაერში, ისინი მთლიანად უნდა იდოს მაგიდაზე. ნუ დაიხრებით ძალიან კომპიუტერისკენ, ეკრანის და შრიფტის ზომა ისე დააყენეთ, რომ მისი დანახვა კომფორტული და ადვილი იყოს სწორად ჯდომისას.

რამოდენიმე მარტივი ვარჯიში თქვენი ზურგისთვის:


- სკამზე ჯდომისას, ასწიეთ ხელები რაც შეიძლება მაღლა. შემდეგ ხელები მხრებზე დაიწყვეთ და შემობრუნდით ჯერ მარჯვნივ, შემდეგ მარცხნივ. შეეცადეთ შემობრუნება მაქსიმალურად მოახერხოთ. შემდეგ აიზიდეთ მხრებით ზემოთ, სწრაფად ჩამოყარეთ მხრები და მთლიანად მოეშვით. თუ გაქვთ საშუალება რამოდენიმეჯერ დატრიალდით კიდეც.

- მხრები წინ გადახარეთ, დაჭიმეთ დიაფრაგმა. ჩართეთ პროცესში მუცლის კუნთები. მოეშვით და შეკუმშეთ დიაფრაგმა. ამ დროს სუნთქვა თავისუფალი უნდა იყოს.

- მოადუნეთ კისრის ნაწილი თავის მსუბუქი, წრიული მოძრაობებით. ჯერ მარცხნივ, შემდეგ მარჯვნივ, მანამ, სანამ არ შეიგრძნობთ სასიამოვნო სითბოს.

ეს მარტივი სავარჯიშოები სასარგებლოა ხერხემლისთვის, ასევე დაგეხმარებათ გათავისუფლდეთ თავის ტკივილისგან.

მათთვის, ვინც კომპიუტერთან მუშაობს, ასევე აუცილებელია თვალიების ვარჯიში შეასრულონ. ამისათვის საკმარისია პრეიოდულად, თავის მოძრაობის გარეშე, გაიხედოთ სხვადასხვა მხარეს ან თვალის მოძრაობით დახატოთ რაიმე ფიგურები. ეს სავარჯიშოები შეგიძლიათ შეასრულოთ დახუჭული თვალებითაც. არ დაგავიწყდეთ მზერა მოაცილოთ ხოლმე მონიტორს რამოდენიმე წუთით საათის განმავლობაში დასვენების მიზნით.

ზედმეტი კილოგრამები რომ არ აკრიფოთ, თქვენთვის აუცილებელია დაივიწყოთ ლიფტი, ფაქსი და ტელეფონი. იმოძრავეთ რაც შეიძლება მეტი. რა თქმა უნდა ხდება ისეც, რომ ძალიან ბევრი საქმეა და სწრაფად უნდა მოაგვაროთ, მაგრამ იმის შეხსენება, რომ თქვენი ჯანმრთელობა ყველაფერზე მნიშვნელოვანია მგონი არ უნდა გჭირდებოდეთ. თუ თქვენ წასასვლელი ხართ სხვა სართულზე დოკუმენტაციის გადასაცემად ან მისაღებად, ან რაიმე მეზობელი განყოფილებაში - ნუ დაიზარებთ, ფეხით მიდით საჭირო ადგილამდე. ეს არც თუ ისე დიდ დროს წაგართმევთ, როგორც შეიძლება მოგეჩვენოთ.

გაითვალისწინეთ ეს რჩევები, იყავით ჯანმრთელი და პროდუქტიული!


წყარო: babyinfo.ge
































ტექსტის სანახავად გაიარეთ რეგისტრაცია.