შოკოლადის მაფინი, მომზადების წესი, ინგრედინეტები:
* ფქვილი 250 გრ;
* კაკაოს ფხვნილი 3-4 სადილის კოვზი;
* გამაფხვიერებელი 2 ჩაის კოვზი;
* სოდა ½ ჩაის კოვზი;
* შოკოლადი 100 გრ;
* ნიგოზი15 ლებანი;
* კვერცხი 2 ცალი;
* არაჟანი 300 გრ;
* შაქარი 85 გრ;
* კარაქი 85 გრ.;
რეცეპტის მიხედვით შოკოლადის რაოდენობა იყო გაცილებით მეტი, ანუ 85 გრ. შავი შოკოლადი, 85 გრ. რძიანი შოკოლადი და 100 გრ. თეთრი შოკოლადი;
ცომისთვის 15 წუთი; ცხობისთვის 20-25 წუთი;
გაახურეთ ღუმელი 200 გრ-ზე (ზოგ შემთხვევაში 180 გრ-იც საკმარისია, ამიტომ დააყენეთ იმ ტემპერატურაზე, რომელზეც კექსებს აცხობთ);
* გაადნეთ კარაქი, აცალეთ რამდენიმე წუთი შეგრილებისთვის;
* ფქვილი, კაკაო, გამაფხვიერებელი და სოდა აურიეთ ერთმანეთს;
* არაჟანი ათქვიფეთ და შეურიეთ გამდნარი კარაქი, კვერცხი და შაქარი;
* ამავე არაჟნის მასას დააცერით ფქვილის ნაზავიც;
* შოკოლადის ფილა დატეხეთ პატრა ნატეხებად;
ნიგოზი დაჩეჩქვეთ ფილთაქვის ქვით, ან საბრტყელებლით (ანუ ნიგვოზი მთლიანად დაფქვილი ან დანაყილი არ უნდა იყვეს, პატარა ნატეხებად უნდა იყვეს, ჭამის დროს რომ იგრძნობოდეს);
შოკოლადიც და ნიგოზიც აურიეთ ცომს;
მაფინების ფორმაში ჩააფინეთ სპეციალური ჭიქები და ჩაასხით ცომი, ისე რომ ჭიქების გავსებას ცოტა აკლდეს;
შედგით ღუმელში; მზად იქნება დაახლოებით 20-25 წუთში, როცა გული მშრალი ექნება, ეს ჩხირის მეშვეობით შეგიძლიათ შეამოწმოთ;
დამატებითი ინფორმაცია: ცომი უნდა იყოს სქელი, მაგრამ არა მაგარი. კოვზით რომ ამოიღებთ ნელა უნდა ჩამოდიოდეს ცომი. ამიტომ, რეცეპტში მოცემული ფქვილი ჩემი დაკვირვებით ზედმეტი აღმოჩნდა, ანუ 2 სადილის კოვზის ოდენობით ფქვილი მომრჩა. მაგრამ, ეს კვერცხის სიდიდესა და არაჟნის სისქეზეც არის დამოკიდებული, ამიტომ თავად დაარეგულირეთ საჭირო კონდიციამდე;
ამ რეცეპტით შეგიძლიათ მოამზადოთ სხვადასხვა მაფინები, სხვადასხვა ინგრედიენტის დამატებით ან გამოკლებით (კაკაო, შოკოლადი, ნიგოზი, ხმელი ხილი (ჩირი), ლიმონის ცედრა და ა.შ.
* აქ წარმოდგენილია კონკრეტული კერძის მომზადების ერთ-ერთი წესი მეტ-ნაკლებად განსხვავებული ინგრედიენტებით. იგი შეიძლება, ემთხვეოდეს რესტორნის რეცეპტს და შესაძლოა, მცირედით ან რადიკალურად განსხვავდებოდეს მისგან. ჩვენი მიზანია, ყოველდღიურად დავამატოთ ინფორმაცია მრავალფეროვანი რეცეპტების და კერძების ისტორიის შესახებ. თვალი ადევნეთ რესტორნების მუდმივად განახლებად მენიუებს.