მასალა:
* თეთრი ლობიო - 500გრ;
* კვერცხი - 1 ცალი;
* სვანური მარილი;
* ფქვილი - 500გრ;
* ზეთი - 20მლ;
* კარაქი - 100გრ;
* მაწონი - 200მლ;
* საფუარი - 15 გრ;
* შაქარი - 5გრ;
* ხახვი - 1 დიდი თავი;
* ქინძი(ქონდარი) – 40გრ;
მომზადება:
ლობიო გავარჩიოთ და დავტოვოთ წყალში მთელი ღამით.
შევათბოთ მაწონი. გავადნოთ მასში საფუარი, მარილი და შაქარი, ჩავახალოთ კვერცხი და ავურიოთ კარგად. ლობიო შემოვდგათ მოსახარშად. ძველი წყალი გადავუქციოთ და ახალ წყალში ვხარშოთ. დუღილი მას 2 საათი სჭირდება.
მაწონში ნელა-ნელა შევურიოთ ფქვილი და მოვზილოთ ნაზი ცომი. დავდგათ თბილ ადგილას ამოსასვლელად. რომ ამოიწევს ისევ ჩავზილოთ და დავდგათ ამოსასვლელად. არის ერთი კარგი საშუალება ცომის სწრაფად ამოსასვლელად. გავახუროთ აირღუმელი გამოვრთათ და ზედა თაროზე შემოვდგათ ჩვენი ცომი, საფუარი რომ უხარისხო იყოს, ცომი მაინც სწრაფად ამოიწევს.
ხახვი დავჭრათ წვრილად და ცოტაოდენ ზეთში მოვდაღოთ.
ლობიო რომ მოიხარშება გადმოვდგათ ცეცხლიდან გადავუქციოთ წყალი, ცოტაოდენი წყალი დავუტოვოთ რომ ლობიო მთლად მშრალი არ გამოვიდეს(დაახლოვებით ერთ ჭიქამდე). მოვაყაროთ სვანური მარილი გემოვნებით, ქინძი და კარაქი, ამოვურიოთ კარგად. შევურიოთ მოდაღული ხახვი და ისევ ამოვურიოთ.
ცომი გავყოთ 8 ნაწილად. გავაბრტყელოთ ერთი ნაწილი (წრიული ფორმით 15 სმ-ის დიამეტრზე), გულში ჩავუდოთ 2 ს/კ ლობიო, მოვუკრათ თავი კარგად.
გავაბრტყელოთ ჩვენი გუნდა ფრთხილად, რომ არ გასკდეს ცომი სადმე. გავაბრტყელოთ 1,5 სმ-ის სისქემდე. გამოვაცხოთ გაცხელებულ ტაფაზე საშუალო ცეცხლზე უცხიმოდ რამოდენიმე წუთის განმავლობაში ორივე მხრიდან.
ყველა ლობიანს წავუსვათ კარაქი სანამ ის ჯერ კიდევ ცხელია.
წყარო: mary.ge