9 ხილი სამკურნალო თვისებებით



გაწუხებთ ძლიერი თავის ტკივილი? გაინტერესებთ, არსებობს თუ არა წონის დასაკლები ეფექტური საშუალება? ჯანმთელობის შენარჩუნება ყოველგვარი ფიზიკური დისკომფორტის გარეშე ძალიან ადვილია. ქვემოთ შეგიძლიათ აღმოაჩინოთ ყველა ხილი, რომელსაც სამკურნალო თვისებები აქვს და დღეიდანვე შეუდგეთ თქვენი ორგანიზმის გაჯანსაღებას.

ალუბალი


პატარა, წითელი და გემრიელი ალუბალი აღჭურვილია სამკურნალო თვისებებითა და დაგეხმარებათ ჯანსაღი სხეულის შენარჩუნებში. აღნიშნული ხილი შეიცავს ანთების, ინფექციებისა და სიმსივნის საწინააღმდეგო მოქმედების მქონე ნივთიერებებს. მეცნიერული კვლევების მიხედვით, ალუბალი მდიდარია ელაგინის მჟავითა და კვერცეტინით, რომლებიც აფერხებენ სიმსივნური უჯრედების გამრავლებასა და ზრდას და ამავდროულად არ იწვევენ ჯანმრთელი უჯრედების დაზიანებას. აღსანიშნავია ანტოციანიდების მაღალი შემცველობა ხილში, ეს ნივთიერება საგრძნობლად აქვეითებს შარდმჟავა მარილების წარმოქმნასა და გვიცავს ნიკრისის ქარისგან (პოდაგრა). თუ ალუბალს რეგულარულად მიიღებთ, არასდროს შეგაწუხებთ გულის, ნაწლავებისა და თირკმელების დაავადებები.

კივი


ეს ეგზოტიკური ხილი ძალიან მდიდარია C ვიტამინით, ბოჭკოვანათი და კალიუმით, რის გამოც სასურველია ყველა ადამიანმა მიიღოს. გარდა ვიტამინების შემცველობისა, კივი სავსეა მინერალებითა და ფიტონუტრიენტებით, რომლებიც მნიშვნელოვანია სასუნთქი სისტემის დაავადებების, სიმსივნეების, ინსულტისა და გულის პათოლოგიების პრევენციაში. გარდა ამისა, კივში აღმოჩენილია სისხლის გამათხელებელი კომპონენტები, რომლებიც უზრუნველყოფს სისხლძარღვთა დაცვას არტერიული წნევის კონტროლისა და დაბალი სიმკვრივის ლიპოპროტეიდების დაქვეითების ხარჯზე. ამ ხილის დადებითი თვისებების მაქსიმალურად გამოყენებისთვის უმჯობესია შეიძინოთ ყველაზე მწიფე კივი, რადგან სწორედ მასშია წარმოდგენილი ყველაზე დიდი რაოდენობით ანტიოქსიდანტები. რაც უფრო მაღალია უკანასკნელის შემცველობა, მით მეტადაა გამოხატული კივის დადებითი ეფექტი.

9 ხილი სამკურნალო თვისებებით


მარწყვი


ის აღიარებულია გულ- სისხლძარღვთა სისტემისთვის ყველაზე სასარგებლო ხილად. ექიმების აზრით, მარწყვს შეუძლია არტერიული წნევის დაბალი ციფრების შენარჩუნება, ადუნებს რა სისხლძარღვთა კედელს. ჩვენი წინაპრები მოიხმარდნენ მარწყვის ფოთლებს, რათა გაეუმჯობესებინათ გულის მკვებავი არტერიებისკენ სისხლის მიდინება. მარწყვის სასარგებლო თვისებები შესამჩნევი გახდება თუ მას მიირთმევთ ყოველ დღე. 10 ცალი წითელი კენკრა 160%- ით შეგივსებთ C ვიტამინის დონესა და, შესაბამისად, შეამცირებს საშვილოსნოს ყელის, ძუძუსა და კუჭის კიბოს განვითარების რისკს.

9 ხილი სამკურნალო თვისებებით


მოცვი


შემდეგი სასარგებლო ხილი არის მოცვი. ეს მუქი შეფერილობის კენკრა დიდი რაოდენობით შეიცავს ფენოლის მჟავასა და ფლავონიდებს, რომლებიც ამაღლებს იმუნურ ძალებსა და ანეიტრალებს უჯრედების დამაზიანებელ თავისუფალ რადიკალებს. მოცვს აქვს სიმსივნის საწინააღმდეგო თვისებები, რის გამოც აინჰიბირებს პროსტატის, მსხვილი ნაწლავისა და პირის ღრუს კიბოს უჯრედების გამრავლებას. მეცნიერულ კვლევებზე დაყრდნობით, თამამად შეიძლება ითქვას, რომ მოცვში შემავალი ნივთიერებები ორგანიზმს მეტად გამძლეს ხდის სხვადასხვა მიკროორგანიზმების (ბაქტერიები, სოკოები) მიმართ.

9 ხილი სამკურნალო თვისებებით


ბროწეული


,,გარეთ ატლასი შიგნით ათასი” იცავს ეპიდერმისსა და დერმას აუმჯობესებს რა კანის უჯრედების რეგენერაციის უნარს. ბროწეული იცავს კანს მზის დამწვრობისგანაც, რადგან აქვეითებს თავისუფალი რადიკალების დამაზიანებელ ეფექტს. თუ თქვენ შეგაშფოთათ სიბერის ადრეულმა ნიშნებმა, მაგ., ნაოჭებმა, შეეცადეთ მიიღოთ დღის განმავლობაში დიდი რაოდენობით ბროწეული. ეს მაღალნუტრიციული ხილი დაგიცავთ ულტრაიისფერი სხივების მავნე ზემოქმედებისგანაც.

9 ხილი სამკურნალო თვისებებით


საზამთრო


გამაგრილებელი და ყუათიანი საზამთრო შეიცავს მრავალ სასარგებლო ნივთიერებას, მათ შორის ციტრულინს, ამინო მჟავის ერთერთ სახეობას, რომელიც იწვევს სისხლძარღვთა გაფართოებასა და ამ გზით არეგულირებს არტერიულ წნევას, რაც მომავალში ინფარქტის ან ინსულტის განვითარებისგან დაგიცავთ. საზამთროში საკმარისი რაოდენობით არის ნანახი ლიკოპენი- ანტიოქსიდანტი, რომელიც ანეიტრალებს თავისუფალ რადიკალებს.

9 ხილი სამკურნალო თვისებებით


გრეიფრუტი


100 გ ხილი შეიცავს ვიტამინების დაახლოებით 1150 ინტერნაციონალურ ერთეულს, აგრეთვე ფლავონიდების ჯგუფის ანტიოქსიდანტებს ნარინგინსა და ნარინგენინს. ეს ნივთიერებები უზრუნველყოფს ჯანმრთელი კანისა და ლორწოვანი გარსის არსებობას და ბუნებრივად გვიცავს პირისა და ფილტვის კიბოსგან. არ დაგავიწყდეთ გრეიფრუტის წონაში დაკლების გასაოცარი თვისებაც. თუ დააპირებთ ამ ხილის წვენის დალევას აუცილებლად გაურიეთ სხვა ციტრუსების წვენიც, რათა მიიღოთ სწრაფი და ნატურალური წონაში დასაკლები საშუალება.

9 ხილი სამკურნალო თვისებებით


პაპაია


ეს ხილი შეიცავს პროტოლიტიკურ ფერმენტ პაპაინს, რომელიც აადვილებს საჭმლის მონელების პროცესს, სწორედ ამიტომ, პაპაია რეკომენრებულია პანკრეატიტითა და ცისტური ფიბროზით დაავადებულთათვის. პააპინი აგრეთვე უზრუნველყოფს ჯანმრთელ კანს, ის ამცირებს ანთებით პროცესსა და აჩქარებს რეგენერაციის პროცესებს. თუ თქვენ გაქვთ კანის დაავადება (ფსორიაზი, სიცივის ურტიკარია ან სოკო) მკურნალობის პარალელურად უმჯობესია მიიღოთ ეს ეგზოტიკური ხილი.

9 ხილი სამკურნალო თვისებებით


ანანასი


ეს ხილი მდიდარია ფერმენტ ბრომელაინით, რომელიც ეფექტურად ანადგურებს სიმსივნურ უჯრედებს. ანანასი შეიცავს დიდი რაოდენობით C ვიტამინს და, ბოლო კვლევების მიხედვით, საგრძნობლად ამცირებს გინგივიტისა და პერიდონტიტის განვითარების რისკს.

9 ხილი სამკურნალო თვისებებით


წყარო: active.ge
































ტექსტის სანახავად გაიარეთ რეგისტრაცია.