ადამიანები, რომლებიც არ საუზმობენ და სამსახურში ისე მიდიან, მნიშვნელოვნად ირთულებენ ცხოვრებას.
ბრიტანელმა მეცნიერებმა ჩაატარეს ცდა: გამოჰკითხეს 188 მოხალისე და გამოარკვიეს, რომ მათი ორგანიზმი, ვისაც მუშაობის დაწყების წინ საუზმე არ უყვარს, შესამჩნევად სუსტია თუნდაც გაციების წინაშე. აი, დაახლოებით როგორი მონაცემები მიიღეს მათ:
მას, ვინც საერთოდ არ საუზმობს, რაიმე ვირუსის აკიდების შანსი 97%-მდე ეზრდება; ვინც არც ისე ხშირად საუზმობს, 56%-ით; მათთვის კი, ვინც 100 შემთხვევიდან 60-ჯერ მაინც საუზმობს, საფრთხე 20%-ით იმატებს მხოლოდ.
განსაკუთრებითაა აღნიშნული, რომ ისინი, ვინც პრინციპულად არ მიირთმევს საუზმეს, მიზანთროპიისკენ მეტადაა მიდრეკილი და სტრესული სიტუაციების შედეგებსაც უფრო ძნელად უმკლავდება.
ამიტომ: ძვირფასო ქალბატონებო, ნუ წახვალთ სამსახურში მსუბუქი საუზმის გარეშე. ასე უფრო მშვიდი, ხალისიანი და ჯანმრთელი იქნებით.
წყარო: eva.ge
ნუ წახვალთ სამსახურში მსუბუქი საუზმის გარეშე
⏱️ 1 წთ.
👁️ 3 881
100%