აგატსტონის დიეტა უფლებას გაძლევთ, მიირთვათ: ხილი, ბოსტნეული, წვნიანი, სალათები, ფრინველის უცხიმო ხორცი, ზღვის პროდუქტები, საქონლის ხორცი, რძის პროდუქტები.
ამ კვების სისტემის შედგენისას არტურ აგატსტონმა გამოითვალა და დაასკვნა, რომ ის 80 პროცენტით აცმირებს ინფარქტებისა და ინსულტების რისკს. ამასთან, დიეტა ისეთი უნივერსალური გამოდგა, რომ მისი დაცვა შეუძლია აბსოლუტურად ყველას, ვისაც წონაში დაკლება სურს.
ფაზა 1. მოვიჭიროთ ქამრები
ეს ფაზა 2 კვირას გრძელდება და დიეტის ყველაზე მკაცრი ნაწილია, მაგრამ მას შეუძლია, დააჩქაროს ნივთიერებათა ცვლის პროცესი და გაგათავისუფლოთ ზედმეტი კილოგრამებისგან.
გეკრძალებათ: ბიფშტექსი, ლორი, რძის პროდუქტები (უცხიმო ყველის გარდა), ნაყინი, ბოსტნეული, რომლებიც სახამებელს შეიცავს (კარტოფილი, ჭარხალი, სტაფილო, სიმინდი), მათი წვენი, ფქვილის ნაწარმი, ყველანაირი ტკბილეული.
უნდა მიირთვათ: საქონლის მჭლე ხორცი, ფრინველის ხორცი, თევზი, ნიგოზი, სოკო, კვერცხი, ნებისმიერი მწვანე ფერის ბოსტნეული. ყველაფერი უნდა მოამზადოთ და შეაზავოთ მცენარეული ზეთით. ასევე, საკმაო რაოდენობით უნდა მიიღოთ სითხე.
გთავაზობთ ნიმუშს:
საუზმე (9-დან 10 საათამდე):
1 ჩაის ჭიქა ტომატის წვენი + 1 ცალი მაგრად მოხარშული კვერცხი + 2 პატარა ნაჭერი მოხარშული ქათმის ხორცი + 1 ფინჯანი უშაქრო ყავა.
ან:
1 ნაჭერი ყველი + 1-2 კვერცხის ერბოკვერცხი პომიდვრით + 1 ჭიქა უშაქრო ჩაი.
ან:
1-2 კვერცხის ომლეტი მწვანილით, სოკოთი და ბულგარული წიწაკით + ერთი ჭიქა უშაქრო ჩაი.
ან:
2 ცალი მაგრად მოხარშული კვერცხი + 2 პატარა ნაჭერი მოხარშული ხორცი + 1 ფინჯანი უშაქრო ყავა.
სადილი (15-დან 16 საათამდე):
მოხარშული ან ჰაერღუმელში გამომცხვარი ორაგულის 2 ნაჭერი + ორთქლზე დამუშავებული და ზეთით შეზავებული ბროკოლის, ყვავილოვანი კომბოსტოს ან სატაცურის გარნირი.
ან:
სატაცურის სუპი პომიდვრითა და ზეთისხილით + ნიგვზითა და ლიმონის წვენით შეზავებული მოხარშული ქათმის ხორცისა და სალათის ფოთლებისგან მომზადებული სალათა.
ან:
2 ნაჭერი მოხარშული თევზი + ბოსტნეულის რაგუს გარნირი + 1 ჩაის ჭიქა ტომატის წვენი.
ვახშამი (18-დან 19 საათამდე):
2 ნაჭერი მოხარშული „ხეკი“ + ორთქლზე მოშუშული ბოსტნეულის გარნირი.
ან:
2 ნაჭერი მოხარშული მჭლე ხორცი + ბოსტნეულის სალათა.
ან:
2-2 ცალი კიტრისა და პომიდვრის, მწვანილისა და ქათმის თეთრი (მკერდის) ხორცისგან მომზადებული სალათა.
შუალედებში შეგიძლიათ მიირთვათ:
1 ჩაის ჭიქა იმ ბოსტნეულის ახალგამოწურული წვენი, რომლებიც დიეტის დროს არ გეკრძალებათ; 100 გრამი უცხიმო ყველი; 50 გრამი ნიგოზი; ოხრახუშის პატარა კონა უმარილო ყველის ნაჭერთან ერთად.
ფაზა 2. გაიმყარეთ შედეგი
თუ მოცემული დიეტის პირველმა ორკვირიანმა ფაზამ სასურველი შედეგი გამოიღო, მეორე ფაზის პირდაპირი და უპირველესი მიზანია მიღებული შედეგის შენარჩუნება და განმტკიცება, რაც ნამდვილად არ გაგიჭირდებათ: უბრალოდ, ყველა ის პროდუქტი, რაზეც უარს ამბობდით, ნელ-ნელა და მცირე დოზებით დააბრუნეთ თქვენს რაციონში. ამ დროს თვით მშრალი ღვინო და მწარე შოკოლადიც კი დასაშვებია. პარალელურად კი, აკონტროლეთ წონა და წინასწარ შეამზადეთ თავი იმისთვის, რომ წონაში კლება საგრძნობლად შემცირდება – თვეში მხოლოდ 2-4 კილოგრამს დაიკლებთ, მაგრამ, სამაგიეროდ, ამ დიეტის სამივე ფაზის დასრულების შემდეგ აღარ მოიმატებთ.
და კიდევ: თუ მოხდა ისე, რომ თქვენმა ორგანიზმმა უარი თქვა კლებაზე, დროებით ისევ პირველ ფაზას დაუბრუნდით, ან უარი თქვით მანამდე აკრძალულ და შემდგომ თქვენს რაციონში დაბრუნებულ პროდუქტებზე.
მეორე ფაზის წარმატებული მსვლელობის მიუხედავად, კარტოფილი, მაკარონი და პური რისკის ზონაში შედის მინიმუმ ორი კვირის განმავლობაში.
საუზმე (9-დან 10 საათამდე):
„ჰერკულესის“ უცხიმო და უმარილო ფაფა ცოცხალი ხილითა და 1 ჩაის კოვზი წვრილად დაჭრილი ნიგვზით + 1 ფინჯანი ყავა უცხიმო რძით.
ან:
1 ცალი მაგრად მოხარშული კვერცხი + ცოცხალი ბოსტნეულის სალათა (200 გრამი) ლიმონის წვენით.
ან:
1 ჭიქა ახალგამოწურული ხილის წვენი + 2 კვერცხის ერბოკვერცხი. ან:
1 სადილის კოვზი ისპანახი + შებოლილი თევზის 1 პატარა ნაჭერი + 1 ნაჭერი ტოსტი (ტოსტერში მომზადებული) ხაჭოთი, ჯემით ან მარმელადით + 1 ფინჯანი უშაქრო ყავა.
სადილი (14-დან 15 საათამდე):
100 გრამი ბოსტნეულის სალათა + 1 მომცრო ნაჭერი ინდაურის (ან ქათმის) ხორცი + 1 ცალი საშუალო ზომის პომიდორი.
ან:
სიმინდის ან მუხუდოს წვნიანი + 1 ცალი ორთქლზე მომზადებული კატლეტი + 100 გრამი ბოსტნეულის სალათა.
ან:
მოხარშული ბრინჯი (1 ულუფა) + ზღვის პროდუქტები (200 გრამი).
ვახშამი (18-დან 19 საათამდე):
მოხარშული ქათმის თეთრი ხორცი + მწვანე სალათის ფოთლები + 1/3 ავოკადო (ან სხვა ხილი) + 1 საშუალო ზომის დაჭრილი პომიდორი + 1 მომცრო თავი დაჭრილი ხახვი + ზემოდან დაწურული ნახევარი ლიმონის წვენი.
ან:
მოხარშული ქათმის თეთრი ხორცი + ცოცხალი ბოსტნეულის სალათა (200 გრამი).
ან:
2 ნაჭერი შემწვარი ხორცი + 100 გრამი სოკო + 1 ნაჭერი ყველი.
შუალედებისთვის (ცალ-ცალკე):
1 ვაშლი, 1 ფორთოხალი, ნახევარი ჩაის ჭიქა ნებისმიერი კენკრა, 100 გრამი ქლიავი, 2 ცალი საშუალო ზომის გახეხილი სტაფილო, 2 ჩაის კოვზი თაფლითა და 50 გრამი ქიშმიშით, 100 გრამი უმარილო ყველი, 1 ცალი საშუალო ზომის პომიდვრის სალათა.
წყარო: mary.ge