იაპონური დიეტა



ბოლო დროს განსაკუთრებულ ყურადღებას იპყრობს იაპონური დიეტა. მიზეზი ისაა, რომ იაპონელები ლიდერობენ სიცოცხლის ხანგრძლივობის მიხედვით, ნაკლებად ავადობენ გულ-სისხლძარღვთა დაავადებებითა და სიმსუქნით. სწორედ ამიტომ მეცნიერები და დიეტოლოგები განსაკუთრებით დაინტერესდნენ კვების იაპონური სტილით. იაპონურ დიეტაში შეიძლება გამოვყოთ რამდენიმე განსაკუთრებული წესი.

1. სხვადასხვა პროდუქტის მცირე პორციები ყოველი კვების დროს.

2. იაპონელები კვების პროდუქტებს თერმულად სუსტად ამუშავებენ და გემოს გასაუმჯობესებლად, ნაცვლად მძიმე ცხიმიანი სოუსებისა, იყენებენ ბულიონებს

3. იაპონურ დიეტაში პურის ბაცვლად იყენებენ ბრინჯს. ბრინჯი უფრო სასარგებლოა, ვიდრე იაფი პური, რომელიც დიდი რაოდენობით შაქარს შეიცავს

4. ნოყიერი საუზმე – იაპონური დიეტის საფუძველია. საუზმე მოიცავს მწვანე ჩაის, ორთქლზე დამზადებულ ბრინჯს, სუპს, მწვანე ხახვსა და ომლეტს, ცოცხალ თევზს და ე. წ. ,,გრილზე“ დაზადებულ თევზს., და ყველაფერი ეს ძალიან მცირე პორციებით.

5. იაპონელები მიირთმევენ დესერტებს, მაგრამ ხშირად არა და მცირე პორციებით. ნამცხვრების უმეტესობას ამზადებენ ბრინჯის ფქვილით, რაც უფრო სასარგებლოა, ვიდრე პურის ფქვილი.

6. იაპონური დიეტა – ესაა კვების განსაკუთრებული სტილი. იაპონელი ქალები არც კი ფიქრობენ იმაზე, რომ შეიძლება გასუქდნენ ტრადიციული საკვები პროდუქტების მიღებით.

7. იაპონელები ბევრს დადიან ფეხით და ველოსიპედით.

8. იაპონური დიეტის ძირითადი პროდუქტებია: თევზი, ბოსტნეული, სოიო, მაკარონი, მწვანე ჩაი, ხილი.

9. იაპონელის მაგიდა ყოველთვის უნდა იყოს ჰარმონიული და ლამაზად გაწყობილი.

10. ჩხირების გამოყენება და საკვების მცირე ულუფებით მიღება გამორიცხავს გადაძღომას.

11. იაპონელების რაციონში შაქარი ძალიან მცირე რაოდენობითაა. ორგანიზმი ნახშირწყლებს ღებულობს ბურღულეულით (ძირითადად ბრინჯი), რაც გაცილებით უფრო სასარგებლოა.

12. საკვების მრავალფეროვნება. სტატისტიკის მიხედვით, ყოველი იაპონელი კვირის განმავლობაში დაახლოებით 100 სხვადასხვა პროდუქტს ღებულობს. საოცარია არა?

ამრიგად, ჩვენ გაგაცანით იაპონური დიეტის ძირითადი წესები; გამოიყენეთ იგი თქვენს ყოველდღიურ ცხოვრებაში, იმისათვის რომ ყოველთვის იყოთ მოხდენილები, ლამაზები და ჯანმრთელები.

წყარო: medgeo.net
































ტექსტის სანახავად გაიარეთ რეგისტრაცია.