* მწვანე წიწაკა ჩილი - 1 ცალი (პატარა და დაკონსერვებული)
* ნიორი - 2 კბილი
* სტაფილო - 1 ცალი (საშუალო)
* მწვანე ლობიო - 100 გრ.
* ნიახური - 1 ნაჭერი (10 სმ.)
* მწვანე ხახვი - 2 ღერი
* კრევეტები - 300 გრ.
* მცენარეული ან არაქისის ზეთი - 2 სადილის კოვზი
* თევზის სოუსი - 2 სადილის კოვზი
* ხამანწკების სოუსი - 2 სადილის კოვზი
* მარილი - გემოვნებით
* ბლინები - 20 ცალი
* კვერცხი - 1 ცალი
* საწებელი (მომჟავო-მოტკბო) - გარნირად
* აგარ-აგარი (ჟელატინის შემცვლელი) - 20 გრ. (სურვილისამებრ)
(თევზისა და ხამანწკების სოუსი მზა სახით იყიდება აღმოსავლური სურსათის ნებისმიერ მაღაზიაში. ამ ინგრედიენტების გამოყენება აუცილებელი არ არის, თუმცა ვახშამს თავისებურ არომატს სძენს. )
~ მომზადების წესი ~
* 20 გრამი აგარ-აგარი 15 წუთის განმავლობაში დაალბეთ, შემდეგ გადაწურეთ და 5სმ სიგრძეზე დაჭერით. დროებით გადადეთ.
* დაკონსერვებულ მწვანე ჩილის თესლები გამოაცალეთ და წვრილად დაჭერით. გადაინახეთ.
* 2 კბილი გაფცქვნილი ნიორი წვრილად დაჭერით. 1 ცალი სტაფილო წვრილ ღერებად დაჭერით. დროებით გადადეთ.
* წვრილ ჩხირებად დაჭერით 100 გრამი მწვანე ლობიო და ნიახური. დროებით გადადეთ.
2 ღერი მწვანე ხახვი გარეცხეთ და რაც შეიძლება წვრილ რგოლებად დაჭერით. დროებით გადადეთ.
* კრევეტებს კანი გააცალე, თავები და კუდი მოაჭერით და პატარა ნაჭრებად დაჭერით. გამოყენებამდე გადადეთ.
გულსართი:
1 სადილის კოვზი არაქისის ზეთი ღრმა ტაფაზე გააცხელეთ და დაუმატეთ რგოლებად დაჭრილი ხახვი. საშუალო ცეცხლზე მოშუშეთ, გამუდმებით ურიეთ, რომ არ დაიწვას. შემდეგ დაუმატეთ ნიორი, სტაფილო, ნიახური, და მწვანე ლობიო. ურიეთ. ეს ინგრედიენტები დაახლოებით 2-3 წუთის განმავლობაში მსუბუქად დაბრაწეთ. შემდეგ მოშუშული ბოსტნეული ცეცხლიდან გადადგით და თბილად შეინახეთ.
არაქისის ზეთი ცალკე ტაფაში გააცხელეთ და შიგ დაახლოებით 1 წუთის განმავლობაში მსუბუქად დაბრაწეთ დაჭრილი კრევეტები.
გადანახული, უკვე მოშუშული ბოსტნეული იმავე ტაფაში ჩააბრუნეთ, სადაც კრევეტები იბრაწება. დაუმატეთ დაჭრილი ჩილი და აგარ-აგარი. ზემოდან 2-2 სადილის კოვზი თევზისა და ხამანწკების სოუსი მოასხით. გემოვნებით დაუმატეთ მარილი. ყველა ეს ინგრედიენტი კიდევ რამდენიმე წუთით საშუალო ცეცხლზე მოშუშეთ.
ხვეულების მომზადება:
ბლინები მაგიდის სუფთა ზედაპირზე გაშალეთ. თითოეულს შუაგულში 2 სადილის კოვზი მომზადებული გულსართი ჩაუდეთ.
ბლინებს ორივე გვერდი გადაუკეცეთ, რომ გულსართი კარგად დაიფაროს. თავისუფლად დარჩენილი ბოლოები ცენტრში შეაერთეთ და ბლინები გადაახვიეთ.
1 კვერცხის ცილა გათქვიფეთ და ხვეულების კიდეებზე ფუნჯით წაუსვით, ხელით ცომს პირი კარგად მოუკარით, რომ შეწვისას არ დაიშალოს.
ტაფაზე გააცხელეთ 300 მლ. მცენარეული ზეთი და ხვეულები ნაწილ-ნაწილ შეწვით, რომ ზეთი არ დაიწვას. ხვეულები ოქროსფრად უნდა დაიბრაწოს. შემწვარი ხვეულები ლანგარზე დაფენილ საშრობ ქაღალდზე გადაიტანეთ, რომ ზედმეტი ცხიმისგან დაიწრიტოს.
ხვეულები სუფრაზე ცხელ-ცხელი მიიტანეთ.
წყარო: www.facebook.com