მაგრამ თქვენ თუ აპირებთ მისი დიდი ხნით შენახვას, მოგიწევთ შაქრის რაოდენობის გაზრდა დაახლოვებით 1, 5 ჯერ და სტერილურ ქილებში მათი შენახვა (ამის დაწერა არაა საჭირო, მაგრამ მაინც შეგახსენებთ.
მასალა:
* ვაშლი - 2კგ;
* ლიმნის ცედრა - 2 ჩ/კ;
* შაქარი 1 კგ;
* წითელი მოცხარი - 300გრ;
მომზადების წესი:
ჯემისთვის უნდა შევარჩიოთ ნატურალური ახალი ვაშლი (ეცადეთ იმპორტირებული არ იყოს, ჯობია ცოტა უსახურად გამოიყურებოდეს, სამაგიეროდ გვეცოდინება რომ არანაირ ნიტრატებით არაა გაჯერებული). გავასუფთაოთ კანისგან და გულისგან, დავჭრთ პატარა ნაჭრებად.
დაჭრილი ვაშლი მოვათავსოთ ღრმა ქვაბში, დავაყაროთ შაქარი და დავდგათ 1 საათით რომ წვენი გაუშვას. შემდეგ კი შემოვდგათ დაბალ ცეცხლზე და მივიყვანოთ ადუღებამდე. ვხარშოთ 5 წუთს, თან ვურიოთ, რომ არ მიიწვას. შემდეგ გამოვრთთ და დავაფაროთ სამზარეულოს ტილო და ასე გავაჩეროთ 1 საათს.
რომ შეგრილდება 1 საათის შემდეგ ისევ შემოვდგათ ცეცხლზე, დუღილის შემდეგ ვხარშოთ ისევ 5 წუთს. ვაშლი უნდა გაჯერდეს სიროფით და გახდეს ნახევრად გამჭვირვალე.
ისევ გავაგრილოთ 1 საათით და შემდეგ დავაბლენდეროთ მანამდე , სანამ ერთგვაროვან მასას არ მივიღებთ.
დავუმატოთ ლიმნის ცედრა.
გამოწურეთ წითელი მოცხარიდან წვენი და დაუმატეთ ჯემს. კარგად აურიეთ და ისევ წამოადუღეთ.
მზა ვაშლის ჯემი ჩაასხით ცხელ სტერილურ ქილებში და კარგად დავხუფოთ. თუ არ აპირებთ დიდი ხნით მის შენახვას უბრალოდ შეაგრილეთ და მოათავსათ სუფთა ჭურჭელში და შეინახეთ მაცივარში.
გემრიელად მიირთვით!
წყარო: mary.ge