მიუსლი – წესით, მიუსლი ჯანმრთელი საუზმის რანგში გადის, თუმცა გააჩნია მიუსლის სახეობას: ზოგიერთი მათგანი, დაბალკალორიულიც კი საკმაო რაოდენობით შაქარს შეიცავს. ამიტომაც, მისი ყიდვისას კარგად უნდა გავეცნოთ ეტიკეტს. ხილის ჩირი – ჩირების კატეგორიაზე წარმოდგენა რომ შეგექმნათ, მაგალითისთვის გეტყვით, რომ ნახევარი ჭიქა გარგარის ჩირი 25 გრამ შაქარს და 107 კკალ-ს შეიცავს. ჰუმუსი – ჩემთვის უსაყვარლესი აზიური საკვები, რომელსაც საკუთარი სამზარეულოს პირობებშიც უპრობლემოდ ვამზადებ. მიუხედავად იმისა, რომ ჰუმუსი ვეგეტარიანული და აბსოლუტურად სასარგებლო პროდუქტია, სამწუხაროდ 2 ჩაის კოვზ მზა პროდუქტში არც მეტი არც ნაკლები 70 კკალ-იაა.
თანაც, თუ ჰუმუსს პურზე გადავუსვამთ და ისე მივირთმევთ, მაშინ დიეტა და დიეტურობა საერთოდ დაივიწყეთ. ხილის წვენი – ხილში ყველა სასარგებლ უჯრედისია, გეცოდინებათ ალბათ. თუმცა, ხილისგან წვენის დამზადებისას უჯრედისის უდიდესი ნაწილი ვერ ნარჩუნდება და რჩება მხოლოდ ფრუქტოზის – იგივე ცოცხალი შაქარი – დიდი რაოდენობა.
უცხიმო იოგურტი – ამაზე ადრეც დავწერე ანიკას ბლოგში: რეალურად, კალორიულობა უცხიმო იოგურტს ისეთივეა აქვს როგორიც ცხიმიანს. ცხიმი რომ შემასქელებლის ფუნქციას ასრულებს და როდესაც ცხიმის გამოცლა ხდება, მას იოგურტში ხელოვნური შემასქელებლით ანაცვლებენ – ეს უკანასკნელი კი კალორიულიცაა და მავნებელიც. ავოკადო – არავინ დავობს, რომ ძალიან სასარგებლო პროდუქტია. მაგრამ ერთი მწიფე ავოკადოს რბილობში დაახლოებით 500 კკალ-იამდეა დამალული. უგლუტენო საკონდიტრო ნაწარმი – მიუხედავად იმისა, რომ საბოლოო პროდუქტი გლუტენს არ შეიცავს და გარკვეული დატვირთვით დიეტურია, ის მაინც საკონდიტრო ნაწამია და საკმარისი რაოდენობით შეიცავს ნახშირწყლებს და შაქარს. ინდაურის ხორცი – სასარგებლო და დაბალკალორიულია, მაგრამ ერთი საფრთხილო დეტალი უნდა გვახსოვდეს: ინდაურის ბარკალში გაცილებით მეტი კალორიაა, ვიდრე საქონლის ხორცის მოზრდილ ფილეში. ამიტომაც, თუ წონაში დაკლება გვსურს, არჩევანი გულმკერდის ფილეზე უნდა შევაჩეროთ.
ანიკა
blog.bakurianiwater.ge